فلك
16/11/2009, 06:44 PM
استغاثة الوسم..للشاعر (فلك) / البدائع
مهداة إلى رفاق الرحلات وعشاق الفلوات
وهواة منتدى مكشات
ارجو ان تحوز على رضا الجميع
الوسم طرّف وحدّه بان=والغيث بيد غافر السيـِّه
اليوم أنا خاطري حزنان=يرثي الفياض الخلاويه
العام هي جنة الفتيان=ترتع بها كل جازيه
الكل لاجله هوى الصمان=رفقة قروم النداويه
الرفقه: احبابنا العُوفان=خصن (علي ) نافلن حيه
اليوم فياضه غدت قيعان=تسقي بها رياح غربيه
نرجي الولي مبدع الاكوان=يغيثه مزون وسميه
تعم كل ارضنا الغدران=من تيما لحد النعيريه
ومن الدواسر لشفا نجران=لطريف وارض المعانيه
كل الجزيره غدت بستان=بامر الولي مجري الميه
الى زهت فيضة المصران=وغنت بها كل قمريِّه
فاح النفل من صحن عوجان=وجو السبق صار زوليه
السدر ابرض بنا خيان=ذرا السموم الجنوبيه
جوه سرت نسمة الوديان=لا هبت مع كل نسريه
جاب الخبر هاوي البران=لمكشات باحوال جويه
ندبت للقرم ابو سليمان=مجلي الهموم الشقاويه
مع صالح وشيخنا سليمان=ياحلو هاك الرفاقيه
ومحمد ومحسن العثمان=فيهم كسبنا النقاويه
لشرت فزوا كما العقبان=بالقارمن سووا احداثيه
من فوق جيوبن من اليابان=مبيتنا رياض زعبيه
العصر في مجمع الوديان=اقصى الحدود الشماليه
غلطان يامقابل البنيان=الكيف قد عقب المِـيِّه
وصلاة ربي مدى الازمان=على شفيع المحشريه
نبينا محطم الاوثان=اللي طمس كل شركيه
مهداة إلى رفاق الرحلات وعشاق الفلوات
وهواة منتدى مكشات
ارجو ان تحوز على رضا الجميع
الوسم طرّف وحدّه بان=والغيث بيد غافر السيـِّه
اليوم أنا خاطري حزنان=يرثي الفياض الخلاويه
العام هي جنة الفتيان=ترتع بها كل جازيه
الكل لاجله هوى الصمان=رفقة قروم النداويه
الرفقه: احبابنا العُوفان=خصن (علي ) نافلن حيه
اليوم فياضه غدت قيعان=تسقي بها رياح غربيه
نرجي الولي مبدع الاكوان=يغيثه مزون وسميه
تعم كل ارضنا الغدران=من تيما لحد النعيريه
ومن الدواسر لشفا نجران=لطريف وارض المعانيه
كل الجزيره غدت بستان=بامر الولي مجري الميه
الى زهت فيضة المصران=وغنت بها كل قمريِّه
فاح النفل من صحن عوجان=وجو السبق صار زوليه
السدر ابرض بنا خيان=ذرا السموم الجنوبيه
جوه سرت نسمة الوديان=لا هبت مع كل نسريه
جاب الخبر هاوي البران=لمكشات باحوال جويه
ندبت للقرم ابو سليمان=مجلي الهموم الشقاويه
مع صالح وشيخنا سليمان=ياحلو هاك الرفاقيه
ومحمد ومحسن العثمان=فيهم كسبنا النقاويه
لشرت فزوا كما العقبان=بالقارمن سووا احداثيه
من فوق جيوبن من اليابان=مبيتنا رياض زعبيه
العصر في مجمع الوديان=اقصى الحدود الشماليه
غلطان يامقابل البنيان=الكيف قد عقب المِـيِّه
وصلاة ربي مدى الازمان=على شفيع المحشريه
نبينا محطم الاوثان=اللي طمس كل شركيه