طلب مشورة في زيت الكرونة

[ابو سويلم]

السلام عليكم ورحمة الله و بركاته
السيارة لاندكروزر 99
في رمضان الماضي ركبت صوفة الكرونة الأمامية الي بين عمود الدبل و الكرونة و بعدها بأسبوع بدا تهريب بسيط و تركته
اليوم زاد التهريب حيث لاحظت كمية كبيرة على الأرض مريت على اقرب بنشر قالي الزيت ناقص كثير و عبيت زيت 90 ثم اتجهت الى الصناعية وركبت صوفة
كنت ناوي اغير زيت الكارونة كامل لني ماني واثق بزيت البنشر ومحتار بين 90 او 140 و يوجد كذلك نقص في زيت الدبل .
قلت استشير الإخوان هنا في المنتدى لعلهم يفيدونني بزيت الكرونة و مشكلة الصوفة بتهريبها بعد اسبوع من تركيبها

[سوبر VTC]

و عليكم السلام و رحمة الله

افضل زيت للكارونة هو زيت 90 اي سي ديلكو

سعر العلبة 25 ريال

اذا كانت الكارونة به فضاوة او حنة
يحطون زيت 140 + شحم عشان تثقل الكاورنة و يختفي او يقل الصوت
و هذي الحركه يطبقه شريطية المعارض غش


http://www.mekshat.com/vb/../pix/upload02/images81/mk53291_fuibfub111.jpg



لك رسالة على الخاص

موفق

[ابو سويلم]

مشكور اخوي سوبر دورت على زيت اي سي ديلكو بس مالقيت ألا زيت شل وسعرة رخيص
40 ريال الجالون ونوعية ثانيه بــ 30 ريال
بالمناسبة كنت ناوي امر على ابو خالد أو ابوعبدالله الصمعاني بأجازة العيد أن شاء الله

[بدوي جنوبي]

ابو سويلم
الصوفه اصليه اللى تم تركيبها ؟

هل تم تعبئة زيادة فى الزيت ؟


صوره :
http://www.mekshat.com/pix/upload03/images125/mk32037_w3.jpg

الفلنجه هل بها خدوش ؟

http://www.mekshat.com/pix/upload03/images125/mk32037_fahs%20flenga.jpg


وضبت دفرنس سيارتى
اقرأ الموضوع

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)

بعد ما انتهيت من التوضيب اللى ما كلف الا 140 ريال فقط

ما غيرت صوفه الكرونه بالرغم انها سليمه
وهرب الزيت ،،، وغيرتها بصوفه جديده اصليه
ورجع التهريب ثانى يوم
عرفت ان المشكله من شيئ ثانى وهو من الفلنجه
توجهت للمخرطه ،،، وكلمت الفنى يسوى صب جديد للفلنجه والغاء القديم

انظر السهم الاحمر
صوره :
http://www.mekshat.com/pix/upload03/images131/mk32037_mk32037_fahs%20flenga.jpg

لو تلاحظ القطعه هذى بالامكان اخراجها برا وتغييرها بقطعه ثانيه
مع زيادة فى سمكها بمقدار 1 ملم او نص ملم

على حسب مقدار الخدوش (التلف) ،،، (الفنى يقرر)


بعد تغيير قطعة الفلنجه وتركيبها
وقف التهريب تمام علما بأن الزيادة كانت فقط نص ملم

كلمت الفنى ،،، ليه ما سويته 1 ملم ،،، قال ممكن يأثر على الصوفه
يعنى ممكن تكون كبيره وتاكل حواف الصوفه وتتلف بسرعه

انت الان شيك على الفلنجه .



تكلفه خرط الفلنجه 60 ريال
شغل اليد ،،، بنفسى اشتغلتها


بالتوفيق :good:

[ابو سويلم]

اخوي بدوي جنوبي يشرفني مرورك



بداية العطال كان سببه رجة بعمود الدبل بسرعة 130 كلم

فكيت العمود طلع الصليبات عدمانة و غيرتهن وغيرت الصوفة وكالة لأنها تهرب وبعدها راحت الرجة لكن بعد اسبوع بدت تهرب الكلام هذا قبل شهرين .

قبل كم يوم شيكت على زيت الكرونة لقبته ناقص كثير عبيته زيت من اقرب بنشر. وغيرت الصوفة وكالة عند الورشة

اليوم غيرت زيت الكارونة بزيت شل تروس 90

فرغت القديم لني شاك بزيت البنشر وعبيت الكرونة لين بدا يقطر الزيت خفيف



اما الفلنجة ماعندي علم فيها (شغلات دقيقة بالمكانيكا لك عليها )

كان المشكلة منها ابركب جديدة

[سوبر VTC]

لاهنت اخوي
انا اخبر ابو عبدالله الصمعاني كد جا لمه راعي جيب صالون
و قام ورفع الموتر بعفريته من الخلف طبعا
و عشق الموتر على سرعه 40تقريبا
و طالع الكارونة الخلفية + العمود الخلفي
و قال عندك بنيون الكارونة به ميول منعوج
يسبب رجه
مقصودي من هالكلام مشكلتك قد تكون
من البينون او رمان الكاورنة او من العمود نفسه به حرة و يسبب رجه

بالنسبة لمشكلة الصوفة
اخبر بعض الشباب اذا هربت الصوفة الجديدة
يقوم و يفك العرموطة اللي تمسك العمود و البنيون
(تربط بين العمود و البنيون)
هذي صورته

http://www.mekshat.com/vb/../pix/upload03/images125/mk32037_w3.jpg

اذا فكه العرموطه
هذي صورته

http://www.mekshat.com/vb/../pix/upload03/images125/mk32037_felnga.jpg


يصير الصوفة بعد ما تفكه يكون
قدامك البنيون
هذي صورته
طبعا لاحظ كتابة جنوبي ===> حرف الياء
مكان حرف الياء يلف عليه شطرطون تقريبا 5 لفات
و يركب الصوفه
طبعا الصوفة الان له سنة و شهر ما هربت :good::good::good:

http://www.mekshat.com/vb/../pix/upload03/images125/mk32037_9.jpg

[هواوي تعديل]

أخوي (ابو سويلم )
زيت 90 مناسب لسيارات الجديدة ولابد تضيف زيت معالج الصوت مع زيت الكارونه تلقاه عند موزعي (اسي ديلكو) لأنه يحافض على الكارونه ويمنع بأذن الله ضهور الصوت بعدتغيير الزيت وعلبه معالج الزيت صغيره تقريبا125ملي ب(35)ريال

[بدوي جنوبي]

طبعا لاحظ كتابة جنوبي ===> حرف الياء
مكان حرف الياء يلف عليه شطرطون تقريبا 5 لفات
و يركب الصوفه
طبعا الصوفة الان له سنة و شهر ما هربت :good::good::good:

http://www.mekshat.com/vb/../pix/upload03/images125/mk32037_9.jpg



معليش اخوى سوبر
مكان حرف الياى اللى في الصوره
هذا مخصص للرمان بلى اللى يجي خلف الصوفه

انظر الصوره:
http://www.mekshat.com/pix/upload03/images125/mk32037_rman%20ala%20trs%201.jpg


صوره:

http://www.mekshat.com/pix/upload03/images125/mk32037_06.jpg


صوره:


http://www.mekshat.com/pix/upload03/images125/mk32037_7.jpg


صوره:

http://www.mekshat.com/pix/upload03/images125/mk32037_sofa%20and%20rman%20out.jpg


يعنى لو وضعت شطرطون من الصعب ادخال العمود
حتى لو ركب العمود الزيت بيدخل من بين حبوب الرمان

بالتوفيق

[فايق ورايق]

السلام عليكم جميعا

سؤال يتكرفس بصلب الموضوع
بالنسبة للصيانة الوقائية للدفرنس هل نغير الزيت بزيت 90 ونحط معة زيت معالج الصوت (يذكرني بكاتم الصوت للمسدس)
هل هي الطريقة الصحيحة

المهم زيت كاتم الصوت وين نحصلة الله يجزاكم خير

[سوبر VTC]

السلام عليكم جميعا

سؤال يتكرفس بصلب الموضوع
بالنسبة للصيانة الوقائية للدفرنس هل نغير الزيت بزيت 90 ونحط معة زيت معالج الصوت (يذكرني بكاتم الصوت للمسدس)
هل هي الطريقة الصحيحة

المهم زيت كاتم الصوت وين نحصلة الله يجزاكم خير


دواء علبة زرقاء Gm مانعة للاحتكاك
تحط للكارونة الخلفية اذا كان به كلتشات
مثل كارونة الشيروكي الخلفية اذا كان قير تماتيك
لان كلتشاته مثل الدفلك يدورن جميع
فلازم تقلل الاحتكاك بواسطة هذه العلبة ب20ريال

http://www.mekshat.com/vb/../pix/upload02/images81/mk14425_20f080923%28002%29.jpg

[سوبر VTC]

معليش اخوى سوبر
مكان حرف الياى اللى في الصوره
هذا مخصص للرمان بلى اللى يجي خلف الصوفه



العذر مشرفنا العزيز
بالنسبة للمكان اللي انت ذكرته هذا صحيح => فعذرا ;)
لكن احد الربع
يلف عليه شطرطون مثل ما قلت سابقا
لكن لموتر اخر شيروكي :D:p:D
طبعا بعد ما يطلع عرموطة الدفرنس الامامي و بعد اخراج الصوفة يلف شطرطون همن يرجع الصوفة مرة اخرى
و يشد العرموطة :good:

[fj-2111]

عفوآ إخواني

أنا عندي صوت إحتكاك وكثير فحصو السياره

ويقولون الإحتكاك في الكارونه

السؤال // هل ينفع الزيت حق الصوت اللي ذكرتوه ؟؟؟

بمعنى أضيفه لزيت الدفرنس

علمآ إن سيارتي جمس ونيت

وأعذروني على مداخلتي:j

[fj-2111]

^
^
^
^

وين الجماعه يفيدونا عن هالسؤال

[ابو سويلم]

نأسف على التأخير كنت مسافر ولا يوجد نت
إما تهريب الصوفة فسببه فضاوة في البنيون و ركبت صوفه جديدة
الكلام هذا قبل العيد بيوم و وعدة بعد العيد يفك الكرونة لكن الكارونة جابت العيد يوم العيد انكسرت علي و لا قسم الله نصلحها وهذي المرة الثانية تنكسر
قبل سنة مغير كارونة عند الصمعاني ببريدة 1700 ريال
مريت علية قبل يومين قال نركبلك كارونة موضبة بــ 2200 ريال
الحين انا فاك الفلنجات و امشي عليه و توي واصل من السفر و لاني مركب كارونة الا و مركب معها فررات

[ابوحمد1992]

السلام عليكم شباب وين نحصل كاتم الصوت فيه في اي مكان بالرياض وش اسمه واسم المحل
وجزاكم كل خير

[سوبر VTC]

^
وين الجماعه يفيدونا عن هالسؤال



رح لورشة ثقة يفحص الموتر
اذا الصوت قوي حط شحم يثقل الكارونة
الصوت ممكن يخف لكن مايروح
علبة جي ام خاصة بكلتشات الكارونة فقط





السلام عليكم شباب وين نحصل كاتم الصوت فيه في اي مكان بالرياض وش اسمه واسم المحل
وجزاكم كل خير
عند محلات قطع غيار الامريكي

[m1m2m3m4m5m6]

سوبر تقول حط شحم يخفف الصوت ,,,
لكن شلون يثقل الكارونه ؟؟ يعني يضعف العزم ؟؟؟
هل الثقل يلاحظه اللي يسوق الموتر ؟
كم مقدار الشحم ؟؟
والله يعطيك الف عافيه ..

[سوبر VTC]

سوبر تقول حط شحم يخفف الصوت ,,,
لكن شلون يثقل الكارونه ؟؟ يعني يضعف العزم ؟؟؟
هل الثقل يلاحظه اللي يسوق الموتر ؟
كم مقدار الشحم ؟؟
والله يعطيك الف عافيه ..


يابعدهم
ماله دخل بالعزم و السواق مايلاحظ ذلك
الحديد اقوى من الشحم :)
بعض شريطية المعارض اذا بغى يبيع الموتر و كانت الكارونة به ونه
يحط بالكارونة شحم عشان تروح الونة :mad:
بمعنى ان الشحم يخلي الزيت ثقيل مثل زيت مكينة الديزل
و اذا كان الزيت ثقيل تروح الفضاوة اللي هي سبب الونة
مقدار الشحم على حسب وضع كارونة موترك
ان كانه خفيفه تحط تقريبا من عند البنشري شحم
بمقدار تقريبا 4ضغطات فاكثر
بعضهم يحط برادة خشب و البعض اكرم الله النعمه يحط قشر موز

[آخر العنقود]

هلا اخوي تحصل هالزيت في محلات قطع الغيار اسأل عن زيت معالج الدفرنس ويجي مثل هذا بهالصوره
http://i17.ebayimg.com/05/i/001/56/24/a079_12.JPG