نبي الحل يالصقاره

[تـقوى الهجـر]

السلام عليكم ورحة الله وبركاته

كيف الحال ان شاء الله بخيروصحه وسلامه

والله طيري مرشه اخضر والي يقرا بكرامه ووش الحل

ووشلون ادري ان به دود ولالا

[@قرناص@]

وعليكم السلام ورحمة الله وبركاته ,,

المرش الاخضر ماهو شرط يكون فيه دود ولا ..

يمكنك غيرت علف الطير وتسبب في هالشيئ ,,

وانصحك تعطيه قطعه ثوم صغيره جدا تحطها مع العلف ,,

[شامان 28]

انا كلامي مثل كلام اخوي قرناص

[تـقوى الهجـر]

يعطيكم العافيه ومشكورين وماقصرتو

[بن عويان]

يمكن فيه رداد ... يوم يخفق الطير على يدك يلهث بسرعه ؟
اذا هب رداد ماعليك امور الطير طيبه

[حر الجوف]

الاخوان ما قصروا

[@قرناص@]

اخوي قآهر الحرآره آرسلت لي رسـآله على الخـآص وحاولة آرد لك ماقدرت

المسـآحه عندك مليآنه .. هههه

تفضل هاذا ردي ..


السلام عليكم ورحة الله بركاته

اخوي قرناص ادري انكمن الرياض وابي اسالك كم سؤال


انا بجي للرياض وابيك تعطين اسماء محلات الطيور الي يبيعن سبوف وبراقع وتكيات وابي اوسر طيري فيه 4ريش بالذانبه متكسرات وكم يكلف علي التوسير

جزاك الله خير


وعليكم السلام ورحمة الله وبركاته ,,

آميين ويآك

بخصوص محلات الطيور فيه عندك بالديره مجمع كآمل وموجود عند قصر الحكم

السوق الثاني بالشرق موجود على طريق سلمان الفآرسي ,

بخصوص الريش توسيره بالمستشفى يكلف لـ الريشه الواحده 70 ريآل تقريبآ والريشه شآمله هالسعر ,

وفيه العويدي يوسر الريش ولا اعرف كم سعره واذا حصل ان الريش معك الافضل تروح له ,,

وحيـاك الله .

[@السيف@]

الله يشفيه اذا به مرض وفالك الخرب

[قرناس شماالي]

فادوك الاخوان

[جلمووود]

العويدي نص الريشه 50 والقاع 100

[صقار الجبيل]

هلابك أخوي الله يشفي طيرك أذا مرش الطير أخضر مره وخفيف وعلى أخر تصريف العلف هذا فيه تضخم او ما يسمى ألتهاب فى الكبد

[أبوالحارث]

الله يحفضك ويحفض طيرك من كل شر

[@قرناص@]

السلام عليكم ,,

آخوي يآليت تطلع على ردي آعلى الموضوع الرسآئل الخـآصه عندك (الجمـآلي 100)

وشآكرلك

[تـقوى الهجـر]

يعطيك العافيه وماقصرت وبيض الله وجهك يالذيب..