لاتحسبون الوطن من هاز له رازه @ نهج العقيده وتوحيد الله حصونه

[...الملك...]

راقت لي وحبيت أنـقـلـهـا لكم عسى ان تروق لذائقتكم

لاتحسبون الوطن من هـاز لـه رازه

نهج العقيـده وتوحيـد الله حصونـه

هـذا وطنّـا وديـن اللّـه بــروازه

مانسمـح بشبـر فـي داري تعدونـه

هـذا وطنّـا وجنـده موعـد العـازه

جنده رجال ٍ تبيع النفس مـن دونـه

جنده رجال ٍ تنـول العـز وإحـرازه

هم نبض قلبه وهم درعه هـم عيونـه

وحنّا مع جنود الوطن عوق ٍ لمن هازه

نصف صف ٍ وفـا للـدار مظمونـه

نصف صـف ٍ ولاء القلـب إيعـازه

ونزلـزل أركـان أحـلام ٍ تشيدونـه

مهمـا النوايـا تهيـم نبـدد ألغـازه

مهما رسمتوا هدفكـم نهـدم ركونـه

نجي على رجولنـا واللـي بعكـازه

دين ٍ إذا حـل وقتـه روح مرهونـه

نعطي دروس ٍ لكم ولمنهـو إعتـازه

واللي مغرر بكـم ماصابـت ظنونـه

روحوا لمن غرّكم ويعـزي إنجـازه

روحو له أذيال الهزايم لـه تجرونـه

في دارنا خط ٍ أحمر منهـو اجتـازه

جزاه نقطـع دابـره واللـي يعينونـه

دار ٍ بمكـه وطيبـه ربـي إمـتـازه

شِلّت يدين ٍ لهـا التخريـب ينوونـه


منقول

للشاعر / ممدوح بن زايد بن سعد الشمري
.

[برج المعيدي]

صح السانك والسان الشاعر الشمري وبيض الله وجهك
ع النقل الرائع والوطن يستاهل منا اكثر

[...الملك...]

برج المعيدي اشكر لك حضورك
دمت بود وتواصل