فزعه ياأهل الباترول

[ياسر10]

السلام عليكم

يالربع عندي مشكله وهي : عداد البنزين لا يعطي قراءة صحيحة واظن العوامه خربانه ومريت الوكالة وقالوا لي ان العوامه تقريبا 600 ريال فهل عندكم حل يعني طرمبت البنزين قالوا ركب طرمبه امريكية وتوفر اكثر من النصف فهل يوجد عوامه تقوم مقام الاصلية واقل سعر .

والمشكلة الثانية : احياناً اذا لفيت كأنه يبي يقطع واذا دعست فز وش السالفة يالربع .

علما ان موتري موديل 2004 صالون بخاخ ( 4800)

[سوبر VTC]

و عليكم السلام و رحمة الله


بعض الاعضاء يفصلون البطارية و يزين الانبير
هذه حل مؤقت مثل المسكنات
يعني بعد كم يوم ترجع المشكلة
انت و حظك :good:
لان الخلل عادة
يكون من فيش الطرمبه متوسع
او يكون من نفس الطرمبة
تكون من التمديدات
تكون من الطبلون ===> و هذه تحصل بشكل دائم
و هذا الخراب شائع في الفتك
لان غالب الخراب منه
يوجد ايسيات بداخل الطبلون مثل ايسية الكنود تخرب

تكلفة الاصلاح
من 300 الى 500ريال تقريبا

احيانا الانبير يلعب مره على النص و احيانا على الفل معلق دايم
و احيانا طايح او على الربع
تكون المشكلة من العوامه تقرا خطأ او يكون ايسي الطبلون
مسويه لخطبة و هي ساس البلا

عندك ورشة ابو صالح التركي بالصناعيه القديمه بجنب مركز ترايستار
تخصص نيسان
او ورشة العثيم ببريده

و اعذرنا على القصور

موفق

[ياسر10]

ما قصرت الله يعافيك كفيت ووفيت

[بترولي]

هلا اخوي ياسر
انا عندي باترول فتك 2004 وصار لي نفس المشكله وهو ان امبير البنزين حق التانكي الاساسي ما يعطي قراءه صحيحه ابداً
غيرت العوامه وما نفع فيها وحاولت بالكهرب اشوف يمكن من الاسلاك وما فيه فايده
بالاخير قال لي واحد من الشباب وده لورشه في بريده ويصلحه لك
عطيته السياره ووداها لبريده وقال لي ان راعي الورشه قال الخراب معروف عندي واصلحه ب600 ريال قلت له توكل على الله
وبعدها دق علي وقال لي ان راعي الورشه صلح المشكله وهي من نفس الامبير خربان صلحه لي وقال توكل على الله الخراب هذا معروف بالباترول..
سلام يا حلو

[أبو رزان 97]

طيب اذا الخراب بلنبة التانكي الثاني او الامبير

والتانكي فل أقدر استخدمه ولا اعتمد فقط على الاساسي .؟

[ابوسعودد]

ورشة العثيم ببريده لاتتعداها

[الشريف خالد]

ودي اسألك عن المشكلة هل تم حلهـــــا ام لا

لأنني تعرضت لهــــــــــــا ؟؟

ويا أهل الرياض افضل ورشة تحل مشكلة (( تعليق عداد البنزين ))

[1988]

,ورشة التركي بالرياض _ورشة العثيم ببريده _ورشة الفايز بالخبراء (فيلب)

[ابو العطاء]

يا جب ان تحارب شركة نيسان ومن على شاكلتها واذا سكتنا عن هذه المشاكل سوف تتكرر مع ابنائنا