الي اهل الخبر في السلق

[قناص عفيف]

السلام عليكم انا عندي جرو عمره سنه وطلعة اقنص به الي الربع الخالي وقعد يلعب مع السلق جنني وجنن السلق الي معناء في المقناص :d ماهو يم الصيد ارجو الافاده وش الطريقه معه علما ان ابوه ممتاز وامه ممتازه

[مستشارالصحراء]

هلا بك اخوي قناص عفيف
السلوقي مدرب او لا اذا كان مدرب حاول تهده لحاله احسن لين يعرف الطرد والصيد بعدين هده مع السلق

[قناص عفيف]

يعيك العافيه على مرورك والسلوقي مدرب وكل تدريبه لحاله

[قناص الخبر]

يفيدونك الاخوان
تقبل مروري

[ابو زنه]

حاول فيه
بكثرة التدريب ويضبط معك

[صقر القصيم 16]

اخوي انا ابقولك طريقه ومجربه انا
جبلك ارنب بحوش كبير شوي واطلقه وخل الارنب يدور ويهجهج واربط السلقه اذا بدت تعوي وتنابح اطلقه واستمر على هالطريقه وتبي تشوف حرارته بالصيد

[قناص عفيف]

قناص الخبر ابو زنه عاشق ضبيان اشكر لكم مروكم

[راعي وذف]

يارجال فكه مع سلقه او سلوووقي وااحد وتشوف النتيجه
وتقبل مروووريــ...

[طارد سحاب]

السلام عليكم اخوي
الشباب افدوك
بس اذا على كلامك انه جرو اصبر عليه يبي يتعلم هذا ماهو عيب فيه توه صغير
بس ابيك تجرب طريقه انشالله انها تفيدك اذا نزلت السلق تطرد لا تنزله خله في سياره وبعدين نزله اذا شفته يلعب مره ثانيه واشغل السلق اركبه وخله فتره خله يشوف السلق وهي تطرد كذا مره بعدين نزله مره ثانيه سوها فيه كذا مره
وكل ماتطلع تصيد سوها فيه انشالله يبي يصيد بس انت اصبر عليه ولا تشبعه اذا طلعت فيه خله يرصه الجوع شوي
تقبل تحياتي
عاد عطناء اخباره الله لا يهينك وش يصير معك واي طريقه انفعت معها عشان غيرك يستفيد لا تبطي علينا

[قرناس شماالي]

يفيدونك الاخوان

[رفيق الأمل]

تسلم ياخوي : هذا عادي بداية السنة له والبعض يكون في التهور بس انا قبل مريت في مثل هذا التصرف عند السلق حقي وصار الحمد لله زين وغير لعوبي وبقول لك الي سويته كل ما عليك تخليه مربوط لأسبوع كامل ولا تعطيه اكل كثير واحسن ياكل من يدك وبعدالاسبوع خليه في الحوض للسيارة مربوط على ان يكون جائعاً وبعد مدة ليست طويلة وهو في الحوض للسيارة عطه اكل من يدك واذا لاحظته في تلاعب اضربه على راسه خفيف وكرر هذا لين اذا شافك يترك اللعب بعدين حط له ارنب تدريب على ان يكون السلوقي جوعان من يوم كامل بدون اكل وشوف الخير ان شاء الله وفي حالة نفس الشي كرر الي سويته لين يتوب ويترك اللعب وان شاء الله يصير مضبوط بس على ان تكون صابر عليه لان في مثل هذه الظروف يحتاج لوقت طويل للتدريب ولعل انت قبل لم تكون قريب منه كفاية في التدريب


http://www.mekshat.com/pix/upload/sign/images/mk45015.gif

[قناص عفيف]

جاري تطبيق انواع العقوبات

[طارد سحاب]

اهم شي لا تضربه
اذا هو ذيخ نزله مع ذيخ مثله لا تنزله مع سلقه وهو يبي يربيه لك
تحياتي
وعطنا اخباره

[روعب السلق]

اخوي قناص عفيف طقه على رجله برجلك وذا ماعقل خله في الحوش ورح اقنص مايبيلها شي

[بدوي.]

اول شي جوعه

وخله مربوط وفك لك ارنب ولا جربوع

وجب لك سلق مدربه

وخله يشوفه وهي تطرد

وهو مربوط لا ينفك

واذا مسكو الارنب او الجربوع

اشوه واكله الي صاده وهو يشووف

وبعدها طلع السلوقي الي مدرب

وجربه هو لحاله ومع الوقت بيزين انشاء الله

[الــحـاكــمــ]

أتوقع إن الربع ما قصروا في الإفاده

[هاوي بندق]

الاخوان ماقصرو

[حالي قضت]

شكلك رابطه في مكان بروحه ولايشوف احد وانا مجرب وبيتعود على الصيد انشاء الله