المساعد الشخصي الرقمي

مشاهدة النسخة كاملة : الشنابر والبالون ركبناها لاكن بقى شي حارق قلبي


آل زايد502
18/11/2009, 08:22 AM
السلام عليكم ورحمة الله وبركاته
ياشباب البارح ركبت شنابر وبالون ماكسس
بس المشكله اذا لفيت الكفرات الاماميه تحك وش السواة تكفون
:mad: :mad:
الثويرات
18/11/2009, 08:37 AM
ارفع الموتر شوي من قدام
جهام القصيم
18/11/2009, 08:44 AM
ارفع الموتر شوي من قدام او وراء
آل زايد502
18/11/2009, 08:52 AM
يعطيكم العافيه ياشباب وماقصرتو وبيض الله وجيهكم
بس انا الساعه 8 رحت للصناعيه وقالي واحد مالها دخل رفعة السياره كانو اخوياه جايبين فطور>>>تتوقعون يصرفني؟؟
escape_man
18/11/2009, 09:20 AM
شف ياولد العم ..

اذا حكة الكفر على الداخل فمالك الا ترفعه ويمكن تنجح معك

اذا حكته للخارج يعني الرفرف من قدام ففيه عندك بعض الورش تقدم قاعدة الصدام طبعاً

بشكل احترافي بحيث انه مايحك لكنننن بيلزحونك بالسعر .. اذا الصدام فيبر ياخذون 750 ريال
ابوسعودد
18/11/2009, 09:22 AM
حياك الله اخوي والله يبارك لك في سيارتك
اولا نوع سيارتك وش هي ؟
ثانيا يجب انك تحدد نوع الحكه هل هي من داخل الرفرف ؟ او ان الكفر او الجنط يحك في عمود التوازن او المقص ؟
اذا كان يحك فالرفرف فالموضوغ يحتاج رفع السياره او تركيب كفرات بالون اقل مقاس
اذا كان يحك في عمود التوازن او المقص فالموضوع يحتاج تبريزه تحت الكفر عشان يبرز الجنط ولا يحك
ان شاء الله اني افتك وتقبل مروري والله لايحرق قلبك على غالي
صحن قلابة
18/11/2009, 09:34 AM
كان معي جمس حوض 2002 وركبت عليه شنبر وحك في البطانة الداخلية لرفرف ويوم رفعت الموتر من قدام انتهت المشكلة ,, لكن أذا كان يحك في طرف الصدام فيه حل اسهل من تقديم قواعد الصدام ، وهو قص طرف الصدام أوبرده قليلا ,, إذا كان صدامك نيكل مافيه مشكله اذا عملت هذه الحركة
آل زايد502
18/11/2009, 10:14 AM
بيض الله وجيهكم ويحرمها عن النار قولو امين وماقصرتو
السياره جمس حوض الي فالتوقيع
والحكه من داخل ومن طرف الصدام
وتوني رحت للصناعيه قالو الحين انت شاد المسمار على اخر شي يعني المسمار ماراح يرتفع وقالي يأنك تقص الكمر وتركب له مسامر اطول بـ500 ولا تقلب المقصات بس نسيت بكم ولا انك تشتري كعكات بدي وشغل اليد يطلع عليك 2500
هل فيه طريقه ثاانيه ارخص ياشباب؟
escape_man
18/11/2009, 10:37 AM
بيض الله وجيهكم ويحرمها عن النار قولو امين وماقصرتو
السياره جمس حوض الي فالتوقيع
والحكه من داخل ومن طرف الصدام
وتوني رحت للصناعيه قالو الحين انت شاد المسمار على اخر شي يعني المسمار ماراح يرتفع وقالي يأنك تقص الكمر وتركب له مسامر اطول بـ500 ولا تقلب المقصات بس نسيت بكم ولا انك تشتري كعكات بدي وشغل اليد يطلع عليك 2500
هل فيه طريقه ثاانيه ارخص ياشباب؟

ايه فيه طريقة ارخص وافضل ..

اصبر خلني اشوفلك واحد من العيال وبارد لك على بريدك الخاص ولا دز لي ايملي على الخاص

طبعا الطريقة هي قطعة يسمونها liftkit ترفع الموتر بشكل آمن وافضل من المخاطرة باللعب

بمسمار التوازن ..
عطاب
18/11/2009, 11:38 AM
أخوي ركب كعكات لليايات و ريح راسك
آل زايد502
18/11/2009, 01:39 PM
ايه فيه طريقة ارخص وافضل ..

اصبر خلني اشوفلك واحد من العيال وبارد لك على بريدك الخاص ولا دز لي ايملي على الخاص

طبعا الطريقة هي قطعة يسمونها liftkit ترفع الموتر بشكل آمن وافضل من المخاطرة باللعب

بمسمار التوازن ..

ايه والله ياولد العم ارسلياها لاهنت يالذيب وكثر الله من امثالك
آل زايد502
18/11/2009, 01:40 PM
أخوي ركب كعكات لليايات و ريح راسك


يعطيك العافيه اخوي على مرورك
بس الجمس مايجي يايات:rolleyes: :rolleyes:
وارد بيشه
20/11/2009, 10:14 PM
اخوي ركب تبريزه ... تلقاها بالغرابي ... الوحده بعشرين ريال

ركب وحده يمين ويساار ... عند نفس المحل ولف الكفر وجرب اما صلحت لاتشتريها ...

او ان احتجت لتدبيل التبريزه ... جرب منت خسران .....

تلقاها - الرياض - الغرابي شارع الجنوط المستعمله ... وفي ناس تسميه شاارع الحرميه
آل زايد502
21/11/2009, 11:24 AM
حياك الله ياوارد بيشه ولا هنت
والشارع الي تقول عنه اسمه ياطويل العمر الريل