هل قطر تبهدلوا مع المراكز السعوديه والتهريب

[راعي مسكت]

اخواني اولا مبارك عليكم الشهر انا من قطر وعندي مشكله اعاني منها انا واخواني اصحاب الطيور الي ودهم يقنصون في السعوديه او حتى يكشت بطيوره اذا حصله اجازة . المهم والمشكله ان الطير مايدخل السعوديه وانا ماني عارف المشكله في البيئة ولافي الجمارك المهم انا املك خمس طيور انا واخوي الصغير وكل مره اروح السعوديه ادفع خمسه الاف سعودي حق واحد يعرفه واحد يعرفه واحد ويكتف الطيور وحاله ويمكن حداها يتعور او يختلف اطياره .وحن انروح في الشهر مرتين على الاقل واذا بغينا نحط الطيور في محل لين نعود جينا الا معظم الطيور عليله اما معاديها احد الطيور المريضه او سؤ الاكل .ليش يالسعوديه اذا احنا نعتبرك الجزيره العربيه مع احترامنا لجميع الدول الخليجيه الي تدخل الطيور واحنا نبي السعوديه .ليش سرنا مهربين ؟؟؟ واحنا نحب الطيور ولاامتنعنا بعد هل الاجرات والتفتيش المفرط الي نواجهه اذا مادفعنا لاحد. مع العلم انا حلالنا من ابل وغنم في السعوديه يعني نحن مشاركين في اقتصاد السعوديه .مع العلم انها مشكله تواجه جميع الخليجين وخاصه الامارات وقطر.. ولاحد يزعل علينا ولاحنا مخلصين الصيد ولاحنا مخربين في الروض او رمي الصيد وشكرا لكم واسمحولي على الاطاله.

[الباهي]

مرحبابك

حتى الامارات نفس الشي يعني مهوب السعوديه
وقد بدات اغلب الدول في هذا الاجراء

واذا ماتبي التعب اقنص بديرتي ولا تترجى شي من احد وريح بالك

اخوك
الباهي

[مارشال]

السلام عليكم ورحمة الله وبركاته

المنع لدخول الطير الى السعوديه ماهو على القطرين فقط المنع حتى على السعوديين ياغالي وعلى كل الجنسيات ومع جميع المنافذ البريه وغيرها ماعدا الطيور المرخصه بجواز وهذه تستوجب امر استيراد حسب ما سمعت وتكاليفها باهضه

وشكرااااااا.

[طيرحوران]

الأخ العزيز

راعي مسكت هذا منظمة سايتس منظمه مشتركه فيها جميع دول الخليج ولا هو حصريا على المملكه .

لكن أخوي بإمكانك مدام أنك تقول حلالكم بالسعوديه أنك تحط طيوركم بالسعوديه وأكثر ماكثر الله هلي يااربطون عندهم طيور وقريبين لكم بالشرقيه لأن أكثر مقناصكم عندنا بالسعوديه .

وتحياتي

[عبد العزيز العجاجي]

الأصل كُتب بواسطة طيرحوران
الأخ العزيز

راعي مسكت هذا منظمة سايتس منظمه مشتركه فيها جميع دول الخليج ولا هو حصريا على المملكه .

لكن أخوي بإمكانك مدام أنك تقول حلالكم بالسعوديه أنك تحط طيوركم بالسعوديه وأكثر ماكثر الله هلي يااربطون عندهم طيور وقريبين لكم بالشرقيه لأن أكثر مقناصكم عندنا بالسعوديه .

وتحياتي

[راعي مسكت]

الاخ الباهي وطير حوران وجراش والمرشد شكرا لكم على المشاركة ولكن اوريد انا اوضح لكم ان طيورنا كلها لها جوازات ونحن مشاركين في السايتيس ونقدر ندخلها الامارات والبحرين والكويت وجميع العالم امريكا واوروبا وغيرها من الدول المشاركه الا المملكه العربيه السعوديه مع العلم اني كنت في المعرض في ابوظبي في سبتمبر وتأكدت ان المملكه مشاركه ولكن منعوا دخول الصقور الي عندها جوازات وغيرها. وانا اشوف ان الحجل والجواز والصفره في صدر الطير لها ايجابيات اكثر من السلبيات وتفيد السعوديه وتفيد الصقار وخاصه عند ضياع الطير.. وعن الربطه في المملكه مقدور عليها لكن وقت الهدد من بيدعي الطيور وبيفحص عليها وبيداريها هل هم الرعيان ولا واحد تعنيه على عشان يدعيها يطعمها كل يوم ؟؟ ولكن هل الطيور يعرفون قصدي من ان الطير تحت عينك في الدعو والنقله وغيره... هل يوجد صقار سعودي قادر يقعد اسبوع واطيوره بعيد عنه .

[معشي الطيـر]

اخــوي انا عنــدي لك إقتــراح يمكن يفيدك دامك راعي مقناص وراعي روحات واجد للسعوديه

ليه ماتشتري لك طير من السعوديه وتخليه هنــا وانت تقول ان حلالكم بالسعوديه يعني انت راعي محل


ولا هو بضارك لو تشري طير وتخليه عند حلالك وتفتك من الجمرك وغثااه والخمسه الالاف اللي تقول

تدفعها عشان تدخل طيورك بتجيب لك طير يوسع صدرك بالمقنـــاص


هذا اقتراحي وعسى ينفعك

[تركي عبدالله]

السلام عليكم ورحمة الله وبركاته اخــــــــــي راعـــــي مـسـكـت اول مــــره اســـــمـــع الـكــلام ان الــطـــيــر مـايــدخــل الــســـعـــوديه الـعــام يـــوم الــعـيدالاول رحـــة الى ســوريــا مــن اجــل الـقـنــص وشــــفـــة قـــوانــيــص من السعوديه مــعــهــم اكــثــرمــن طــيــر الله عـــزكــم ســلاق صــيــد وســتــفــســـرت مـن احــد الـقونـيص عن دخولــهـم يعني رجــوعهـــم السعوديه يقول اهــم شي شهادة من البيطره انهم سليمين من الامراض [/align[align=right]]وهــــم شــي انـــه مــهــي تــجــاره مهـــوا مــالـي المراتب طـيــور الله يــرزقك راعي مسكت بالحباري ويرزق الــسـامــعـين ويرزقنا بالغــيــــث والربــيــع انــشـتاءالله وشكرآ

[الرهالي]

السلام عليكم ورحمة الله وبركاته
اخي راعي مسكت ما دام لطيورك جوازات تستطيع مراسلة او الاتصال بادارة حماية الحياة الفطرية بالرياض وسوف يفيدونك بالطريقة السليمة والمثلى لادخال طيورك للقنص لمرة او لعدة مرات.
دمتم في حفظ الله.

[غيمار]

اخوي الغالي راعي مسكت .........

كلامك هذا صحيح اذكر في معرض ابوظبي للصيد اني كلمت الاستاذ محمد المزروعي المشرف على المعرض

وسألته عن سبل ادخال الطيور الى السعودية لان السعودية تلزمنا باحظار شهادة اذن استيراد من المنشأ

ثم يرسلون لنا تصريح دخول علما ان الجواز لايكفي بدون التصريح ؟

فقال لي بالحرف الواحد { انتم في السعودية الدولة الوحيدة في العالم اللي ماتقبل جواز سفر الطيور وانا سبق

وان كلمت الامير بندر بن سعود قبل سنة في احد الاجتماعات فوعدني خير . فلم يحدث شئ . لكن اذا جيت

المعرض تعالمع مجموعة صقارين واجلسكم مع الامير بندر بن سعود عشان يدخل طيوركم باسرع وقت }

فنرجو من المسؤلين تذليل هذه العقبات لاننا نحس بمعاناة اخواننا الذين يودون ان يمارسوا القنص في بلادنا

فيكون حجر الروتين عثرة امامهم مما يجعلهم يذللون سبلا ليست بشرعية من ناحية النظام

في سبيل دخول طيورهم للسعودية

ولكم جزيل الشكر

[راعي مسكت]

السلام عليكم ورحمة الله وبركاته .. اخواني اسمحولي على التأخير لاني قانص وتوني معود من السعوديه جعلها السيل .. معشي الطير الله لايهينك على ذا الشور الزين بس ابي اسئلك اطيوري الي في قطر ابيعها ولا اخليها اتفرج عليها ؟ وذكرتني بالوالد يقول لنا دايم باخذ لي مراه وبخليها عند البل (لانه يبطي الشايب هناك ومنها يهدد العجوز ) تركي عبدالله مشكور على مرورك واقولك عجل اسمعها ثانيه مره ممنوع منعا باتا دخول وخروج الصقور (ومن صادوه والله ان يفارق العافيه لانه غرامه على كل طير 2000 ريال وبعدها مصادره الطير وبعدها تعهد وبعدها تدوين اسمك في الكمبيوتر يعني كل ماتروح السعوديه بيفتشونك لين تهون وتعود) والسعوديين مسموح بشروط تعسفيه من البيئه والحمايه الفطريه. اخوي الرهالي مشكور على مررورك وابشرك اني اتصلت عليهم وقالوا بالحرف الواحد لدول الخليج غير مسموح حاليا (وقالوا الجوازات الي عندك غير معترف بها عندنا ) الاخ غيمار مشكور على مررورك ونتمنى من المسؤلين تذليل العقبات بين دول الخليج (واظن انك بتشوف عيال عيالك وكل دول الخليج مختلفه)وقول امين عسى تتوحد رايتهم يارب...