صوت في الددسن91

[ابوحمد1992]

السلام عليكم ورحمة الله وبركاته
مساء الخير
حبية استفيد من خبرات الاخوان
عندي صوت في ددسن موديل91 واذا تعد السرعة الضغط 2 ونص سكة الصوت وناس قلولي نحاسات القير وناس قالولي الكرونه وانا والله محتار مدري وش اسوي علما انه اذا فضيت القير والا فكيت الدعسه يروح الصوت وذا دعست يرجع الصوت وقل فيه خطر ولا
ناسف على الاطاله
وشاكر ومقدر لكم جميعا

[بدوي جنوبي]

عليكم السلام

لازم تحدد مصدر الصوت
من القير او من الدفرنش

القير من النادر يخرب الا اذا قل الزيت (صار يهرب)
شيك على الزيت

القير والدفرنش يظهر منها صوت اذا رفعت القدم عن دعست البنزين
لان فى الحاله هذى يخف الضغط على القير والدفرنش

اتوقع مشكلتك فى القير

لان الدفرنش اما ان الصوت يكون متواصل
او تبدأ الحنه او او الونه على سرعات مختلفه وتختفى بعد سرعه معينه
او لا تختفى نهائيا ،،،

ارفع عجلات السياره الاربع عند بنشر او روشه وحاول تحديد مكان الصوت

بالتوفيق عزيزي

[ابوحمد1992]

عليكم السلام

لازم تحدد مصدر الصوت
من القير او من الدفرنش

القير من النادر يخرب الا اذا قل الزيت (صار يهرب)
شيك على الزيت

القير والدفرنش يظهر منها صوت اذا رفعت القدم عن دعست البنزين
لان فى الحاله هذى يخف الضغط على القير والدفرنش

اتوقع مشكلتك فى القير

لان الدفرنش اما ان الصوت يكون متواصل
او تبدأ الحنه او او الونه على سرعات مختلفه وتختفى بعد سرعه معينه
او لا تختفى نهائيا ،،،

ارفع عجلات السياره الاربع عند بنشر او روشه وحاول تحديد مكان الصوت

بالتوفيق عزيزي
عافاك الله اخوي بدوي جنوبي على الافادة
بس انا عندي اذا دعست على البنزين يجي الصوت واذا فكيت الدعسه راح الصوت تماماً والسرعة تحت ضغط 2 ونص اما فوق يروح
وهل فيه مشكله لو امشي عليه وهو كذا او توقف الكرونه او القير وشكرا