نبي قوانين الصقاره

[خلف الشمري]

اخواني الاعزاء عندم تشاهد طير حر وقد تشارك في تقديم خدمه اما ان تقدم شبكه او حمامه او تستخدم سيارتك في الحاق بطير او تواصل احد الصقاره عند اقبض على الطير او عندم تجد طير ضائع وتشارك بصيده هل لك حق معروف عند الصقارين ام لا نريد القوانين في مثل هذه الحالاات متى تكون شريك ومتى تستحق النسبه في صيد الطير الحر

[أخو وضحة]

حياك الله يا خلف

وسؤالك جميل وجوابه

انه فيه فرق بين فزاع وبين شريك ( نيه )

مثلاً انا طلبت الفزعه منك وجيتني وفزعت لي اذا شرهتك حقك واذا ما شرهتك مالك شي لك اني اردك لك الجميل اذا كان عندك طير لو اعرف اني اكسر موتري وارمي زريقي كله عشان ارد لك فزعتك

اما اذا كان عندي طير وطلبت الفزعه وقلت لي شراكه يعني نيه ووافقت انا لك النصيفه واذا قلت لك لا فزعه مالك الا اني ارد لك الفزعه

واذا ما فزعت لي راح اشره بك عند القنوص كلهم واذا جاك طير وطلبت الفزعه ما راح احد يفزع معك

هذا هو قانون الفزعه والشراكه

اتمنى اني افدتك واي سؤال انا حاضر

[المغتر2]

حياك الله يا خلف

وسؤالك جميل وجوابه

انه فيه فرق بين فزاع وبين شريك ( نيه )

مثلاً انا طلبت الفزعه منك وجيتني وفزعت لي اذا شرهتك حقك واذا ما شرهتك مالك شي لك اني اردك لك الجميل اذا كان عندك طير لو اعرف اني اكسر موتري وارمي زريقي كله عشان ارد لك فزعتك

اما اذا كان عندي طير وطلبت الفزعه وقلت لي شراكه يعني نيه ووافقت انا لك النصيفه واذا قلت لك لا فزعه مالك الا اني ارد لك الفزعه

واذا ما فزعت لي راح اشره بك عند القنوص كلهم واذا جاك طير وطلبت الفزعه ما راح احد يفزع معك

هذا هو قانون الفزعه والشراكه

اتمنى اني افدتك واي سؤال انا حاضر
:good: :good: :good: :good: :good: :good:
ما قصر

[قرناس شماالي]

فادك اخوي وماقصر

[ولد مساكن]

فادك اخوي أخو وضحة (http://www.mekshat.com/vb/member.php?u=45474)

[القنــ أبو تركي ـــاص]

مثل ماقال اخوي (اخو وضحه) يعني لو اعطيتك نية او قلت لك انت خشير معي بالطير وطاح الطير لك النص
وتعتمد عند شيمة صاحب الطير
لو ساعدتة او فزعت معة والطير يتحمل يعني لو شيهانة تامة او حر اكيد ماراح ينساك
تقبل مرورى هنا

[شامان 28]

افادوك الاخوان

[حر الجوف]

الاخون ماقصروا

[@السيف@]

موضوع مهم ارجوا من الجميع المشاركه وبيض الله وجهك

[صقار مبتدئ]

طيب انا شفت طير ودليت الطاروح عليه لي شي ولا مالي شي
طيب اذا طرحه من وراي ولا علمني وش يلحقه وش اللي يلحقني

[@قرناص@]

الطوآريح يفيدونك ,,

[خلف الشمري]

اشكر الجميع على الردواد الطيبه

طيب اذا جاك شخص وقال انه مضيع طيره قريب منك وساعدته بحسن نيه على انها فزعه وبعد ان تم طرح الطير وبصدفه اكتشفت ان اطير لم يكن له وهو مقسم بالله ان اطير طيره مع انك شرط عليه اذا الطير ماهوطيره انك شريك ماهو قانوان الصقاره في مثل هذه الاحوال

واذا انا ذكر طير حر في مكان ما الى صقار والم اطلب الشركه واخذ الوصف الدقيق مني وصاد الطير ماهو حقي في هذه الحاله

[kroz]

الله يوفقك

[ابو امنه]

ياخوي والله الدعوة سايبه عندنا في الكويت تلقى الطير وتبلشك عليه خلق الله اذا ربعك مو عندك تبتلش ياتشركه معاك او يخرب عليك مع احترامي للجميع من غير الناس المتفرجه تقوله ياطويل العمر الطير مايهد وهو يشوفكم يقولك ابشر ومن تصد عنه يرجع ومع هذا تلقاه داق تلفون على عشره غيره
وسامحنا على الاطاله

[القنــ أبو تركي ـــاص]

طيب انا شفت طير ودليت الطاروح عليه لي شي ولا مالي شي
طيب اذا طرحه من وراي ولا علمني وش يلحقه وش اللي يلحقني
إذا دليت الطاروح على مكان الطير فالطير طيرك بس تكون معاة وانت تتحكم تخشرة والا لا يعني تتفق معاة على نصيبة من الطير إن الله جابة

تحياتي لكم