المساعد الشخصي الرقمي

مشاهدة النسخة كاملة : أنت تحب الشاهي المضبوط؟؟؟؟حياك الله


بدر بريدة
22/10/2004, 04:59 PM
السلام عليكم ورحمة الله وبركاته
الشاهي وما ادراك ما الشاهي...
كثير من الناس يحب الشاهي لكن القليل من يضبطه..
فيه طريقة سهلة جدا جدا
لكنها تتطلب ابريقين شاهي...
تقولون ليش؟؟
أنا أقول لكم
البريق الاول تحط فيه ماء وسكر بس وتخليه يطبخ..
البريق الثاني تسوي به ماء وشاهي بس وتخليه يطبخ
واذا بغيته ثقيل كثر الشاهي وحط الباقي ماء وسكر...
والعكس بالعكس..

ويقولون اسال مجرب ولا تسال طبيب...:good:


واللي جرب منكم هالطريقة يقول وش رايه به...
اشهب
22/10/2004, 11:50 PM
الاخ منسم
يعني اشرب بيالة سكر وماء
همن اشرب بيالة ماء وشاهي
صحيح انك منسم
تسمع عن الي ينزلون مواضيع وتبي تسوي مثلهم
حط مواضيع زي الناس والا ضف شغابك تكفى
والا اقل شي اشرح زي الناس
تراي اكتب الرد وانا فاقد اعصابي الان
laith
23/10/2004, 07:43 AM
:D :D :D :D :D
عروان
23/10/2004, 10:25 AM
:D :p :D :p :D :p


أشهب

الظاهر الموضوع نزل و أنت مشتهي لك براد شاي تلقيمة خادر. و يوم ما شفت وصف سهل للطريقة عصبت:D

حلوه هذي ضف شغابك ههههههههههه


الرجال يقصد أنك توزن الشاي على كيفك يعني تصب في البيالة ربها شاي خادر من أبريق الشاي ثم تزود عليه الماء والسكر الفايح.

يعني أبريق الشاي الثاني يكون خادر بالحيل يعني أسود.


هد أعصابك و أشرب لك براد شاي و أرجع لنا.
الدهماني
23/10/2004, 10:46 AM
السلام عليكم يا أهل الشاي
هذي طريقة قديمة وفيه اباريق شاي مخصصة لهذا النوع وهي عبارة عن ابريق داخل ابريق
يكون الابريق الكبير فيه ماء حار واللي بوسطه فيه شاي ثقيل بالحيل وهذا الابريق له بزبوزين واحد للماء وواحد للشاي وانا جربته ممتاز لأنه يخليك توزن الشاي على كيفك خفيف ثقيل وسط اللي بكيفك
ودمتم
بدر بريدة
23/10/2004, 01:45 PM
أخوي أشهب...
شكلك توك متهاوش مع واحد يوم تقرا الموضوع!!!!
والموضوع مهب صعب الى هالدرجة اللي تخليك على هالقدر العالي:D من الذكاء........
حتى لو كنت مهبول ما نيب كاتب كذا..
والحين((((((( من هو المنسم؟؟؟؟؟؟؟؟؟؟؟؟))))))):what: :what:

أشكرك أخوي ((عروان)) على هالمستوى الراقي من الفهم..
بركان
23/10/2004, 02:21 PM
الأصل كُتب بواسطة اشهب

يعني اشرب بيالة سكر وماء
همن اشرب بيالة ماء وشاهي

تراي اكتب الرد وانا فاقد اعصابي الان

---------------------------------------------------------------------------------------------------------

وازيدكم يا اخوان من الشعر بيت وانا بعد مروق مهوب معصب/
يشرب الايرانيون الشاي بطريقة مشابهة للطريقة التي ذكرها الاخ/ الاشهب
وهي انهم يضعون في فمهم قطعة سكر( قالب) ثم يشربون شايا مرا ويمررونه على قطعة السكر داخل الفم فياخذ الشاهي حلاه من قطعة السكر.

اخوي/ اشهب
ماعليش هد اعصابك شوي ورمضان كريم ولا تجرح صيامك وتعوذ من الشيطان وسمح خاطر اخونا بدر بريده بكلمتين طيبتين وتراه يستاهلها وتراه ما غلط على احد. ولك الاجر انشاء الله.

اخوي/ بدر بريده والقصيم كله
المفروض انك ما نزلت ها الموضوع الا بعد عيد الفطر
تعرف الناس صايمه وخرمانه شاي والسكر عندهم منخفض وانا اولهم.
على العموم مشكور على ها الموضوع اللي انا اقراه وابولع بريقي. واطالع في الساعه.

تحياتي وتقديري
نهر العطاء
23/10/2004, 05:15 PM
اخونا الغالي بدر بريده مساك الله بالخير
الحين سويت الطريقة اللي تقول ...بعدين وش اسوي طيب اكب نص بياله
من الأبريق الاول ثم النص الثاني من الابريق
الآخــــــــر
ياليت توضح لان المسأله غامضه شوي

وشكرا لك
بدر بريدة
23/10/2004, 08:57 PM
السلام عليكم ورحمة الله وبركاته
يا شبااااااااب
الموضوع مهب صعب لها الدرجة!!!

أولا:تبي الشاهي ثقيل...زود الماء والشاهي في البيالة
ثانيا:تبي الشاهي خفيف...لاتكثر الماء والشاهي...
هذي القضية اللي سويتوها...


نسيت أضيف:-كثر السكر في ابريق الماء والسكر لأن الماء والشاهي يبي يصير مر....
فالسكر يحلي المرارة اللي تجي...

أتمنى انكم فهمتوا..:confused:
شاص
23/10/2004, 09:20 PM
طريقة ممتاااااااااااااااااااااااازة ومجربة أيضاً .. الله يعطيك الصحة والعافية
اشهب
23/10/2004, 09:50 PM
توي افهم
وفيه ناس مثلي مافهمو
ياخي فشرها كويس على راي عادل امام
عموما الطريقه الي تقول هذي اسمه الطريقه التركيه وهي عباره عن بريق كبير حق تفويح يحط على نارهاديه وتجدع غطاوه وتغطيه ببريق صغير فيه شاهي تركي همن تصب بيالة شاهي من الثقيل وتزيده ماء وحط السكر على ذوقك
صحيح طعمه زين بس ياخي فيه مصوله بالطبخ
تقعد تبربس لك نص ساعه علشان بيالة شاهي
وشوله كل هالمحوقه الي تحوم تسبد الي انت عازم واحتما ل يشرب البيالة مجامله وهو يهوجس ويقول تسيف بلشنا بهاطمل
بدر بريدة
23/10/2004, 10:31 PM
السلام عليكم ورحمة الله وبركاته
يا يحبــــييييييييييييييييييييييييييييييييييييييييييي يييييييييييييلك يا أشهب
توك تفهم...........
اشهب
23/10/2004, 11:45 PM
ايه توي افهم
بس ماهو غباء بي <===شاك بروحه ويبي يضيع التهمه
انت ماتعرف تشرح
البنتلي
24/10/2004, 12:30 AM
خلاص ماصار الا الخير حديد في حديد كل واحد يصلح سيارته
بدر بريدة
24/10/2004, 01:41 AM
تظل يا أخي ((((أشهب))))الغاااااااااالي عزيزا في القلب حتى لو راسك مليان غبار!!!!
لكن حبينا نلطف الجو وصرت أنت الضحية...:love2:




<===(الله يستر هذا يبي يلطف الجو وش لو يهاوش صدق):hot:
فتـ الخرج ـى
29/10/2004, 04:27 PM
يا الربع هذي الطريقة معروفة عند الأتراك ولها أباريق خاصة فيها
وتحصلها عند بعض المطاعم التركية
الذيب سرحان
06/11/2004, 11:14 PM
اخوي ( بدر بريدة )
طريقتك مضبوطة وتعدل الراس 00000
لكن عندي طريقة سهلة وبسيطة وراسي مايتعدل الا بها 0000
( حط الماء واذا فاح حط السكر ومعه التطعيمة ( يعني النعناع او الحبق او المرامية اواواواواوا )
واذا فاح قفل النار عليه ، وحط بعدها الشاي التلقيمة وغط البريق وبعد خمس دقائق اشرب بالهنا والعافية ) 0
راعي الكيف
09/11/2004, 06:18 AM
هههههههههههههههههههههههههههههههههههههههههههههههههه !!!!!!!!!!!



شكل الشباب رادين على بعض أول مارجعوا من دواماتهم وزود على هذا ما أفطروا !!!!!!!!!!!!!!!!








ياشباب هدوا اللعب ترا كل المسألة شاهي لا راح ولا جا وكلن يشرب الشاهي بطرقته وكلن يصلح موتره !!!هههههههههه





وأشكرك يا منسم على سعة صدرك ... وعموما على ما أعتقد ان هالطريقة لازالت تتبع عند اخواننا العراقيون لأنهم مشهورين بحبهم للشاهي التقييييييييييييييييييييييييييييييييييييييييل واللي مليااااااااااااااااااااااااااااااااان سكر .....





والله اعلم
راعي الكيف
09/11/2004, 06:21 AM
معليش تراي أقصدك يا بدر بريدة بالرد وباقي الأخوة ......
عند الباب
09/11/2004, 07:33 AM
عز الله اني ضحكت الين ماعد اقدر اتنفس

تصدقون ان ودي اخاوي بدر بريده و الاشهب بكشته والله من المناقر الي يوسع صدرك
هذا يعجنها :rolleyes: وهذاك حار :hot:
بس ترى كلنا اخوان

نسيت اقولكم ان طريقة الشاهي هذي مشهوره ولها بريق وجرة كبيره ومعرفة كثير في الشمال (السعودية) قديما
ومعروفة بـ سَموا

شكرا لكم
بدر بريدة
13/11/2004, 02:04 AM
أشكر الجميع على المرور
ولكن أخي "الذيب سرحان"
يقال ان السكر ما يصلح انه يطبخ على النار لأنه يجيب بعض الامراض مثل ((((السكري-والسرطان....))))))
الله يكفينا الشر....المصدر موثوق لأنه من بعض الدكاترة المعروفين.....



وأشهب أخوي بس كان فيه سوء فهم منه...
المرتكز2000
21/11/2004, 11:45 PM
السلام عليكم ورحمة الله وبركاته

انا برضه كنت زي الاخ اشهب وبغيت ارد زيه اول مره لكن تعوذت من بليس
نيتروجين xp
30/11/2004, 02:42 AM
مشكور على الطريقة

وفي الصين (أهل الشاهي) يسوون كذا

يفوحون ماء ويخلونه بجنبهم وكل شوي يزيدون البريق


وتقبلوا تحيات أخوكم
:::::المجتهد:::::
3:16
12/12/2004, 08:47 AM
انا لي طريقه حلوة زيي :director:


اقوم بطبخ الماء لين يفوح ثم احط السكر واذا قلب السكر اذوقه حتى اعرف الوزنيه هل هي صحيح ثم احط شاهي اكسبرس ربيع حسب كبر البريق من صغره
بس اقلل الورق ثم قبل مايقلب الشاهي احط شاهي ورق( تلقيمه) شوي مهوب كثير
وحتى تعرف انك ماشي في الطريق الصحيح يبين لك من صبه الشاهي فاذا صبيته يطلع خفيف شوي
عاد غطه شوي حتى يخدر لمده عشر دقايق

وبعدين بالهناء والعافيه معاكم الشيف (3:16) :j