ممكن تدلوني على المركا ضروري ساعدوني

[تحب الكشتات]

اخواني اعضاء منتدى مكشات
انا ابحث عن مركا العزبه بالرياض وماحصلتها
رحت برق الحيا والسنيدي فاليت تدلوني عليها ولكم جزيل الشكر
هذي صورتها
http://www.mekshat.com/pix/upload/images9/mk15460_441.jpg

http://www.mekshat.com/pix/upload/images9/mk15460_1.jpg

[FA_123_FA]

للاسف ما ادري وين تحلصلينها .... لاكن اذا تطيعيني ارسلي واحد من اخوانك للنجار يسويها وخليه يلبسها في المحلات اللي في الغرابي اللون اللي تحبينه .... بيطلع اوفرلك في الوقت بالبحث عن المحل واوفر بالمال ....

[تحب الكشتات]

المشكله زوجي مايدل بالرياض لاننا من جده وجاين زياره ولايحب الشي الي فيها شغل واجد يعني لو احصلها جاهزه افضل

[عزبة بر]

هلا اختي
فيه موجود عند محلات المروج
لكن بشكل ثاني تنفتح من فوق
:)

[لاح البرق]

موجوده بجده على شكلين منها اللي تنفتح من فوق و منها اللي نفس هذا الشكل...
و تلقينها بالسنيدي اللي ببريده و ماعليكي إلى أنك تدقين عليهم و هم يوصلونها لك لجده و الافضل انك تطلبينها عن طريق زاجل عشان رسومهم ماتتعدى 20 ريال للتوصيل...
وأي استفسار أنا حاضر
وتقبلي مروري

[قرناس شماالي]

فادوك الاخوان

[تحب الكشتات]

فين بجده طيب

[لاح البرق]

في محل اسمه كشتات بشرق الخط السريع إذا تعرفينه كأنك رايحه مكه بعد كوبري الجامعه يجيكي اول محطه خليها و ثاني محطه اللي هي محطة القحطاني عند كوبري الخشب ادخلي كأنك تبين المحطه و تعديها و تحصلين المحل يمين و هذا رقم تليفونهم 6234141 وإذا ماحصلتي عندهم بيكون بالقصيم و حفر الباطن لأنه بالحفر لقيتها عند محل اسمه كشته ويفصلونها على حسب الرغبه و بالمقاس اللي تبغينه وأيضا بالقصيم , ارجو إني أفدتك...
وتقبلي مروري

[ابو عبدالملك 2]

ماقصروا الشنبات

[برق الشتاء]

حليل هالمركا والله

يصلح للقهوجي
يرص بيالاته ويسنع اموره وهو جالس

بفصل واحد ان شاء الله .

[فيصل العاني]

السلام عليكم كلن بسمة
والله موضة جديده مركا للبيلات والفناجيل والمركا الثاني للعزبة الدلال والبراد والمركا الثالث للبارد والموية كل شي من قريب يعني ماتحركنا من الفرشة شبر والله شي عجيب.
عموماً اهم شي صاحب الموضوع ان يجد ضالتة وان يسهل الله علية دربة ويوفقة لما يحب ويرضاة..

[بدران9]

هلا اختي
فيه موجود عند محلات المروج
لكن بشكل ثاني تنفتح من فوق
:)

لالا اللي العزبة اللي تنفتح من قدام افضل :good:

[ابو نوره11]

موجوده بالقصيم بمحل عبد الرحمن المطرودي ب طريق الشاحنات مقابل هرفي

ان شاء الله تجدينها

[لاح البرق]

محل المقناص مقفل له فتره من 6 اشهر تقريبا و لكن إذا بغتها تلقاها بجده بمحل كشتات أو بالقصيم عند عروق الشمال ببريده ورقمهم ماني متذكره لكن تبي تلقاه إذا كتبت و بحثت بالجوجل أو محل رحال بعنيزه و يكتفي إنها تدق عليهم تليفون عالمعرض و اكيد أنهم بيفصلونها لها و إذا بغت تصبر أنا بشوفها لها إذا رحت للقصيم هالاسبوع هذا ان شاءالله ...
وتقبلو مروري

[saher911]

فيه وحده عند السنيدي بس شكل ثاني وقماشها ابو طير

[مزهب الطراقي2]

لالا اللي العزبة اللي تنفتح من قدام افضل :good:

:no2:

:j

[أبوياسر1]

فيه عند السنيدي الي بالرياض مركا عزبة..تنفتح من فوق
تنجيد قماش ابوطير بــ 125
وتنجبد قماش شعبي بــ 115

[الناب]

أختي لاتتعبين نفسك ممكن المحل يرسلة لك إلى جده
عن طريق بريد زاجل وقيمة التوصيل 20 ريال

لكن تأكدِ من أنه نفس المركى قبل إرسال المال عن طريق وصفه
أو إرسال صوره عن طريق البريد الإلكتروني لأنه يوجد أكثر من نوع وشكل

المحل برق الحيا: الرقم 014455666


الصورة رقم ( 1 )
http://www.mekshat.com/pix/upload/images30/mk34406_1.jpg

الصورة رقم ( 2 )
http://www.mekshat.com/pix/upload/images30/mk34406_2.jpg

الصورة رقم ( 3 )

http://www.mekshat.com/pix/upload/images30/mk34406_3.jpg

الصورة رقم ( 4 )

http://www.mekshat.com/pix/upload/images30/mk34406_4.jpg

جولة في محل برق الحياء ...... (http://www.mekshat.com/vb/showthread.php?t=80024)

موفقه خير
بن فهد

[تحب الكشتات]

مالقيتها برق الحيا ولا السنيدي
والظاهر بديت افقد االامل فيها

[azmm2009]

انا مثل ما قال الاخ الناب في المشاركة اعلاه شايفها في برق الحيا
المحل برق الحيا: الرقم 014455666

[تحب الكشتات]

طيب ممكن رقم المندوب الي بالزلفي

[ابوعبدالله البدراني]

الحل سهل جداً اذهبي لنجار واعطيه الفكره وهو يفصلها ومن ثم اعطيها منجد ينجد المركا على اللون اللي يناسبك وتحبيه

[ahg55]

كم سعرها في برق الحيا