هواش على حباره

[هياط]

حصل هواش بالكلام وبغى يوصل للأيدي قدامنا بين مجموعتين على جرة حبارة ناس لاقطين الجرة من شرق وتفاجأو بناس من غرب مع جرتها وكلن ما شاف الثاني ولا يدري عنه وبعدين هدو عليها إلي من شرق وصادوها وصار فيها زعل
وش رايكم يالربع في هالحالة من له الحبارة
وشكرا

[المغتر2]

والله كلام يزعل حتى الحباره اتفرق بين الناس
لاحولة ولا قوة الى بالله

[شامان 28]

لاحولة ولا قوة الى بالله

[سيف الحمادي]

لو انا كان بتنازل عن الحبارى
الا اذا انا سابقهم ما بتنازل عنها
بس ما تسوى هواش بالأيادي

[شايش الراس]

المعروف ان الي يلقط اثر الحبارى من غرب له الحبارى بشرط انه مايكون شايف الريجيل يقصونها لن هذا يسمى تخطيم اما الي لاقطها من شرق مفروض يقصها وخويه يقطعلها من قدامه واذا شاف احد يسترفعه وبالنسبه لهواشهم اكيد الي نيته شينه حتى لوطيره صايد ما الله يوفقه وبيفرطها او بعيي طيره منها لوهو معيد

[قرناس شماالي]

ياخوي المشاكل كثرت على الحباري ويمكن يةصل لقتل

[القنــ أبو تركي ـــاص]

والله السنة هذي غريبة
عندنا في ينبع وفي وادي الحنو بالتحديد
شفت ناس محولين من سياراتهم ويقصون اثر
قلت في عقلي اكيد جرة حبارى
ويم قربت منهم إلى والله فيهم ناس اعرفهم
طلعت الجرة جرة كراوين
والقصد من السالفة ان الناس هالسنة يحرصون حتى على جرة الكروان كيف بالحبارى

______________________________
يعني في حال القصة الي ذكرت اخوي تكون الحبارى للي يحصلها شوف
اما تدرج قدامة او يكون طلع علها طيرة
_______
وعموماً الزعل بين القناصة يكون لحضة بس وبعدين تهدى النفوس ويطيب الخاطر

[هواي داورد]

الله يخارجنا ....

[alkreze]

الله لا يبلانا
ناس تتهاوش على ريش والله لو حنا في مجآعة

[حر الجوف]

لاحول ولا قوة الا بالله

[القطاوي 2008]

لاحولة ولا قوة الى بالله

[محمد الظاهري]

الحين محد فيه رجوله يخجل
ياخي خلوها امكن خيره امكن الطير فيه مرض اواي شي
لاحوولا قوة الله بالله

[صقار قديم]

كما ذكر الاخوه اعلاه :

من قص الحبارى قبل له الحق فيها ، لكن في حال ان غيره قصها و طيرها بدون ما يلتقي الفريقان فاكيد الحبارى تكون نصيب من صادها لا من قصها .. مثال اذا قصيت حبارى وتبعتها لمسافه و بعدها قصيت ثر سياره تتبعها ! و بعد شوي الا و الريش امامك فهل تعارك الاثر ؟؟ ام تنازع الريش ؟؟ اكيد يكون الوضع نفسه لو لحقت عليهم قبل لا يهدون عليها ماذا سيكون عذرك ؟؟ ان الله جابك على ثرها ليل و جاب الاخرين على ثرها الصبح فعلى ماذا ستلومهم ؟ هل على قل حظك او على ماكتب الله ؟؟

لمن يتبع حبارى الحق في تنبيه كل من تراه عينيه فقط ولا حق له عند من ظهر عليها وطارت امامه و هد عليها

ويقولون قديما ً:-

الصيده لمن صادها لا من رادها

تحيتي

[رحاال 2009]

كما ذكر الاخوه اعلاه :

من قص الحبارى قبل له الحق فيها ، لكن في حال ان غيره قصها و طيرها بدون ما يلتقي الفريقان فاكيد الحبارى تكون نصيب من صادها لا من قصها .. مثال اذا قصيت حبارى وتبعتها لمسافه و بعدها قصيت ثر سياره تتبعها ! و بعد شوي الا و الريش امامك فهل تعارك الاثر ؟؟ ام تنازع الريش ؟؟ اكيد يكون الوضع نفسه لو لحقت عليهم قبل لا يهدون عليها ماذا سيكون عذرك ؟؟ ان الله جابك على ثرها ليل و جاب الاخرين على ثرها الصبح فعلى ماذا ستلومهم ؟ هل على قل حظك او على ماكتب الله ؟؟

لمن يتبع حبارى الحق في تنبيه كل من تراه عينيه فقط ولا حق له عند من ظهر عليها وطارت امامه و هد عليها

ويقولون قديما ً:-

الصيده لمن صادها لا من رادها

تحيتي
كلام صحيح الصحيح :good: :good:

[صقار مبتدئ]

بغى يصير هواش على ريش ؟؟؟؟؟؟؟؟؟؟؟؟؟
ليش تستاهل الحبارة ان الناس يتقانلون سبتها
اهل العقول في راحة

[kroz]

لاحولة ولا قوة الى بالله

[ذيب الحرار]

لا حول هوشه على حباري مرض هذولي

[stewrd]

لاوالله اللي غلطان طال عمرك الحبارى المفروض
انها اول شئ تحل المشكله اللي صارت وبعدين تطير

[@السيف@]

انا من رايي يجيبون حريمهم معهم المره الجايه لانهم ارجل منهم في هذي المواقف اخواننا يذبحون على الحدود وهم يتضاربون على حباره والله انهم رخوم وخساره الطيور معهم اللي مثلهم ياخذله نبيله

[بارود22]

والله انكم صادقين كثرت المشاكل بين الربع بعد
والله العام ربع وكلهم من ديرة وحده ومتهاوشين على حفان الله لا يوريك
واحد يوم جاء بيفك الا الثاني يفرفش بحمامه ويقوله فك وهاذي حمامته عندي
واخر شي يوم فك واحد منهم فكو كلهم وابشررركم الحبارى ارتكزت في قلب السماء
والطيور شي تشابك وشي راج وغير الجو كله

[classica]

أغلب الصقارين للأسف مضيع وقته ...ياخي مافيه شي تهد عليه ...ليه تربي طير ..

ومره لقيت ناس هادين على حمامه بالبر وخمس جيوب وراها ..

وأهل السلاح قليل منهم من يصيدون الكراوين وأنتم ماتصدقون تلقونه ...سؤال تأكلونه عاد؟؟؟؟؟


والهوشااااات كلن يبي يهايط ..ًًًًٌََُ

[@قرناص@]

لاحول ولاقوة الا بالله .. رآس مالها ريش


عموما انا رئيي دام ان الجميع قصها ولا احد شآف الثاني ,,

الي طيره طلع ولا الي طارة حباره قدامه وهد فهي من نصيبه ,,

والله يخآرجنـآ ,,

[الوتر الحزين]

الحمد لله على نعمه العقل

هواش على حبارى !!!

[H5N1]

ارفعوا فيها للمحكمة

[العود&& الازرق]

لاحولة ولا قوة الى بالله

[عاشق الفتك 20]

االله لايبلانا اتهاوش عشان ريشه
اول اول شي الي يشوف الحباره بعينه له الحباره

[دمع المزن]

لا حول ولا قوة الا بالله
يا اخوان الزمن هذا صار فيه الهواش حتى على الريش لاحول ولاقوة الا بالله
قريت قبل شهر تقريبن بالجريده انه رجل مسن دخل العنايه المركزه بسبة حباره شباب ضاربينة ولا اعلم تفاصيل القصه لانها لم تذكر لا حول ولا قوة الا بالله

[aboali22]

لاحول لا قوة الى بالله

[هياط]

أشكر الجميع على المرور والتعليق والحقيقة أن النية إذا كانت شينة وصارت المسألة أنانية وطمع وكذب تحصل مثل هالمشاكل
الظاهر في المستقبل لازم يحطون في المحكمة قضاة مختصين بفض منازعات الصقاقير والشباكة
ولا حول ولا قوة إلا بالله ...

[((ابو وعد))]

العقل زينة الرجال 000ومن ترك شئ لله عوضه الله خيرا منه

[قناص ابن غنام]

الخطا ماحبه الله سواء حبارى ولا غيره واذا انت تشوفه ريشه الناس تختلف هي اسمها المخلفه يسمونها الشيبان وكنا قبل نترك المكان الي فيها قناص مو الحين الناس اختلفت ولا فيه احترام للقناصه ولا للكبير يعني يجيك واحد وعندك احبارك تقصها ويضياقك ويهاوش ويقول الحبارى لي ماراح اخليه له لو يصير الي يصير اذا انا متاكد ان الحبارى لي وانا اقول الي يلقى جره يرتفع يشوف عنده احد ولالا ثم يقصها ويقطعلها لين يشوفها درج ولا تهرب منه ثم يوقف في رفاع