أستفسار عن قصيده

[راعي شطيفان]

مساء الخير لكل القراء أستفساري عن القصيده

الي من ظمنها هذا البيت !!!!!!!!!!!!!

لاقام ياخذ من طرف ريشها ريش
ليا قضى لعبه عليها لكشها

[قناص خلاوي]

مساء النور
هالقصيدة طال عمرك ومن يقرا للشاعر الكبير عبدالله بن عون يقول فيها :

يا راعي الغر العذاب المباهيش

,,,,,,,,,,,,,,,,,,,,,,رش الكبود اليابسة عن عطشها

دنق علي و طمن الراس بشويش

,,,,,,,,,,,,,,,,,,,,,,واحي العروق الذابله وانتعشها

حبك ينهش ثومة القلب تنهيش

,,,,,,,,,,,,,,,,,,,,,,نهش الحنيش لعرش رجل نهشها

واهل الهوى في سجن غيك دراويش

,,,,,,,,,,,,,,,,,,,,,,,وقلوبهم وجلانه من دهشها

من ذاق من جمر السوالف بخاشيش

,,,,,,,,,,,,,,,,,,,,,,,يبطي وروحه معتقلها بلشها

لا تستمع في هل الحكا والوشاويش

,,,,,,,,,,,,,,,,,,,,,,ناس انقيلي النمايم دبشها

يا خشف ريم ذار واوحي شوابيش

,,,,,,,,,,,,,,,,,,بدوا طلوع الشمس ذاره وغشها

والعين عين اللي جسر عقب توحيش

,,,,,,,,,,,,,,,,امير بيتي الحرار ووحشها

طرح الشبك ما قلبوه الطواريش

,,,,,,,,,,,,ولا قرنسوه اهل العشش في اعششها

وحش وجاي من بعيد المناطيش

,,,,,,,,,,,,,عوق الخريش اللي طياره خرشها

لا قام يأخذ من طرف ريشها ريش

,,,,,,,,,,,,,واليا قضا لعبة عليها لكشها

جابوه من عين الشمال الهماميش

,,,,,,,,,,,,,,,,,,ابرك الهادي طرشة قد طرشها

جابوه لمثمن طويل المطاريش

,,,,,,,,,,,,,,,,,,شيخ قوانين العرب ما دغشها

محمد عشير منقضات العكاريش

,,,,,,,,,,,,,,,,نجل العيون اللي ملامح بهشها

ومهدي للي براسه نغاميش

,,,,,,,,,,,,,,,,,,,لا شوشت حياة الارض وحنشها

محمد مقابل قاصده بالتباهيش

,,,,,,,,,,,,,,,,وملفى الرجال اللي جميلة غطشها

ودايم وبيته مدهل للمداغيش

,,,,,,,,,,,,,,,,,,وكم روح مسعورٍ بجوده نعشها

لا يا بعد ناس تكبر على ويش

.,,,,,,,,,,,,,,,,,لا شافت الناصي تلوت اخششها

لو يملكون ارقام الاموال حتى ايش

,,,,,,,,,,,,,,,,,در الحمارة دوب يروي جحشها

وروس الظبا ما ذكر فيها عراميش

,,,,,,,,,,,,,,,,,,,,لو هي على الزيلة كبار اشوشها

[راعي شطيفان]

مشكور ياقناص ويعطيك الف عافيه

[ابن دُهمي]

صح لسان الشاعر الكبير عبد الله ابن عون
شاعر من شعراء الدرجه الممتازه الجيل الذي الشعر بهم يسموا
سلمت اخوي قناص خلاوي على الافاده لمن سأ ل وعلى حسن النقل لهذه الرائعه الثمينه
لشاعرنا عبد الله ابن عون . شكرا لك ودمت سالما.

[حر المشاريف]

شعــــــــــــر رائع

شــــــــكرا لــــــــــــــــكم

[صقار الشمال]

موفق باذن الله لك مني اجمل تحية