تكفوووون افيدوني

[م ل ك 111]

السلام عليكم

أخباركم شباب

عندي استفسار بسيط

السلقة كم تجيب من جرو انا سمعت انه على عدد ديودها

هل هو صحيح او لا؟؟؟؟

بانتظاااار الردود

[صقر القصيم 16]

هلا اخوي بلنسبه لعدد ديويها مادري بس الضاهر تجيب من 5 الى 7
يفيدونك الذيابه
تقبل مروري

[ابو زنه]

يفيدونك الشباب
ان شاء الله

[فيصل الدشاش]

عددديت ديودها انت ؟

[مستشارالصحراء]

لا ياخوي السلق تختلف على حسب الخبره من الشيبان
السلقه الطيبه تجيب من2 الى3 الى 4 هذي السلقه الطيبه
اما السلقه من 5الى 6الى 7الى فوق هذي حليوه

[طارد سحاب]

السلام عليكم
مالها دخل كل سلقه تختلف عن الثانيه
تقبل تحياتي

[قناص عفيف]

على حسب معرفتي اذا السلوقي ركبها مره تجيب من 2 او 3 او 4او مرتين 6 او 7 الي 12 عادي
يعنى على حسب الشغل

[الخماش111]

هههههههه العلم عند ربي كم تجيب المهم تجيب 1 الى 12 ماتعداها اذا كانت اول ولده مايتعدون عيالها خمسه

[هاوي 94]

السلام عليكم التشبات مالها دخل طمر عليها مره او مرتين هذي من الله والسلق مو شرط على عدد الديود

وتقبلوا مروري

[الأكيدر]

اول شي كل شي بيد ربك والسلقه تجيب من 1 الى 12 واتوقع الي يفرق هو قوة الاخصاب عند الذيخ والسلقه ...
فيه سلقه جابت مره 12 والولده الي بعدها جابت واحد والي كان مشبيها جرو توه تام السنه عشان كذا اتوقع ان قوة الاخصاب تلعب دور وانا اخوك ...
وانشاء الله الشباب الي عندهم خبره اكثر مننا يفيدونك اكثر وماقصرو الاخوان الي ردو ...