فزعتكم ياشباب في كلتش فتك 2009

[وارد بيشه]

<?xml version="1.0" encoding="windows-1256"?>
<message />

السلام عليكم ورحمة الله وبركاته

اخباار الشباب عساكم بخير

مالكم في الطويله .. انا موتري فتك 2009

كنت في البر الاسبوع اللي طااف وزودت على الموتر شوي (( والله شي لايذكر بسيط جددا ))

وطلع ريحة كلتش في الموتر

اليوم الثاني وديته الوكاله ( طبعا على الضمان الموتر ) وقال عندك دسك الكلتش يبيله تغير

وبيكلفك حدود ثلاثة الاف وكسر بعد ... وقلتله الضمان ؟؟؟ قال هذي قطع استهلاكيه

وتقدر تمشي على الموتر شهرين الى 3 عاادي ...(( طبعا الموتر مافيه الا الريحه بس ))

ومريت ورشه اعرفه قالي تقريبا بيكلفك 600 ريال ....

والحين ياشباب بغيت نصيحتكم ... اصلحه بالوكاله ولا برا .... مع ان الوكاله ماافيه امل اصلحه عندهم .!!!!!

وهل اصلحه الحين ولا بعدين ...؟؟

واللي يعرف ورشة بالرياض كوويسه ورخيصين ياليت يدلني لها

وصلى الله وسلم....

[الثويرات]

ثلاثة الاف وكسر بعد --هههههههههههههههههههه


شايفين الناس مهابيل والا وش سالفتهم.

لا غيره عند مكانيكي خلك بعيد عن الوكاله بس هاه انتبه تفك المكينه خلهم ينزلون القير.

لاكن غريبه كلتشه خرب بسرعه ذي انا اتوقع انك ساحب احد مغرز او انك مغرز وتحاولبه يطلع بدبل الخفيف.

[خيال النفود]

عسى ربي يعوضك قل امين
اذ تبي نصيحتي . مر على اكثر من ورشه وسأل عن الورش الزينه اللي بصناعيه القديمه ترا هم اللي عندهم العلم
أهم شي خذ راي اقل شي اربع ورش عشان تتأكد ان الكلتش فيه شي
لانه مو معقوله الموتر جديد وانت على كلامك انك على خفيف . مو معقوله انه يخرب الدسك بها السرعه . الشي الثاني اذ لو سمح الله طلع فيه شي
وغيرت الكلتش ترا له طريقة وزن لازم يرجعونها مثل ماكانت . اذكر واحد من ربعي غير الكلتش ولا سوو له الوزن حق الوكاله واحترق عليه مره ثانيه
وأهم شي لا تسرع وانا خوك وقف موترك بالبيت وأن شاءلله يفيدونك الشباب لانه فيه منهم كثير يعرفون الورش الزينه بالصناعيه القديمه . بس لاتمر ورشه وحده مر على اكثر من ورشه
وعسى الله يعوضك ان شاءلله
وعلمنا وش يصير عليك

[باثفندر]

إصلاح الكلتش بسيط ولا هو معقد ، يكلف وقت وجهد ، تنزيل قير وفك كلتش ،،،
أنصحك حاليا إنك تتعبر فيه لين يصير حابس ولا يسرع الموتر ،،، يمشيك حوالي 6 شهور ،، وبعدين خذلك طقم كامل ،، فحمات ودسك إذا فكيته خل الميكانيكي يشيك ذراع الكلتش هل هو سليم أو يبيله تغيير ،،،

والله يعينك .

[بواسامه]

2009 واصلاح كاتش
كم ماشي موترك
بالنسبه للريحه امر عادي يالغالي وكل موتر يجيه جور لازم تطلع ريحته


اركد ولا تلعب بحلالك توه جديده
غالبا الكلتش يغير اذا مشى فوق 150 الف وزود

[هويدي]

السؤال اللي يطرح نفسه ( هل نسمت الكفرات قبل دخول النفود ؟ )


ريحه الكلتش طلعت مره وحده بالبر ؟ او مستمره الى الآن


اذا كانت مره وحده وسواقتك راكده ومابدى يفلت الدزق شرط ان يمشيك سنين موب شهور


وبالنسبه لسعر الكلتش كامل ( دزق وفحمه وكلتش ) شاريه قبل اربع سنين من وكاله الحمراني 840 حق باترول 4500 الحين اكيد شلعو السعر فوق


ونا من رأيي والراي لك انك تنشب بحلوق الوكاله يغيرونه على الضمان اذا ما تجاوبو ارفع صوتك قدام الناس وابدي تذمرك من خدمتهم صدقني المهندس ومديره بيخاف
على وظيفته أوتقييمه وبيحاول بشتى الطرق يتخلص من الموقف بأي وسيله


واذا طالت السالفه راسل الشركه الام


عام 99 خرب علي كلتش هايلكس ورحت الوكاله وقالو نصلحه بـ1500 نشبت بحلوقهم وجلست عندهم ثلاث ساعات والمهندس كل شوي يدخل الورشه يتهرب مني واذا اقبل استقبلته :) وصرت تقل مسوي حادث العالم يسألون وش السالفه واشرحلهم بصوت عالي مالك بالطويله غيرو الكلتش ودفعت 250 ريال فقط


وساامحونا على الاطاله وركاكه الاسلوب من الحره :mad:
محد يرضى لأخوه المسلم الضرر والخساره

[وارد بيشه]

حياااااكم الله ...

الله لايهينكم جميعا

وبالنسبه لاسألتكم... الموتر ماشي 23 الف فقط

وريحة الكلتش مستمره ... الى الحين ...

على كلامكم شكلي برجع للوكاله و (هويدي) والله يستر بالعواقب خخخخ

بانظار باااقي الشباب يعلمووني بالورش السنعه

[سطام2009]

مشكووورين على الفائدة

[adil33]

خله لا تعمل له شيء رايح يرجع يوزن نفسه بنفسه

[مطارد القمري]

يفيدونك الاخوان

[هويدي]

على كلامكم شكلي برجع للوكاله (هويدي) والله يستر بالعواقب خخخخفزعه شي لايردك الا لسانك <= وش عنده هوق هوقن ... امزح

يارجال انت طلاب حق مافيه عواقب ومشاكل ان شاء الله

[سوبر VTC]

خله لا تعمل له شيء رايح يرجع يوزن نفسه بنفسه


خلك مثل ما قال اخوي عادل :good::good::good:
لا تحرك ساكن
و ما يذبح الكلتش و القير الا الدبل الخفيف
خصوصا اذا انت حطيته بنمرة خفيفه
او تسحب موتر بنمره خفيفة و بالدبل الخفيف :no2:
لكن ما يمنع تمر ورشة التركي بالصناعيه القديمه
تخصص نيسان
ان بغيت رقمه علمن
موفق

[وارد بيشه]

الله لا يهينكم ... في الوقت الحالي رااح اخليه زي مااقلتو وبعد الاجازه بنشوف

وش بيصير .. والله يكون بالعون

ويعطيكم العافيه مره اخرى