من يعرف وكيل المولد او اماكن بيع قطع غياره

[سعد بن مطلق]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

أولاً أهنئكم بحلول شهر الخير والمغفرة والله يعوده علينا بكل خير وبركة

والله يرزقنا ويكم المغفرة والعتق من النار

==============

ثانياً : خالي ابوعقل يسلم عليكم وطلب مني أسئلكم المساعدة في أيجاد وكيل او مكان تباع فيه قطع غيار ماطور الديزل اللي عنده بالبر والمشكلة ان الماطور مايولد 220 فولت لاكن يولد 120 فولت
وكان من اول يولد الفولتين . وبعد الفرة والتدوير قال المختصين لازم يتم تغير قطعة التحويل الخاصة بال 220 فولت.ولكن للأسف مالقينا له وكيا ولا أحد يبيع قطع غيارة :(
المهم الماطور اسمه : BRUSH

وهذي صور له :

http://anak.jeeran.com/pore/17.jpg

http://anak.jeeran.com/pore/18.jpg

http://anak.jeeran.com/pore/19.jpg

[خشم الحصان]

الاخ الغالي
معذب الغيد
السلام عليكم ورحمة الله وبركاته
اقول الله يغفر لنا ولك انت مريت شارع الريل مر وكود ان شاء الله تلقاء من يبع قطع الغيار واما لقيت شف اخر الشارع لم الصناعيه محلات يصلحون الدنموات ويرهمونها وعساك تلقاء
اخوك
خشم الحصان

[عروان]

خشم الحصان

الرجال من عنـك. عندنا بالشرقية.

وينه و وين شارع الريل :)


ألا أن كان بيفزع له

[معشي الطيـر]

سلام

مساك الله بالخير يالخالدي

شف وانا اخووك رح يم محل الخشيــم اللي بالصناعيه حقت الدمام ( الخضريه) محل كبير يبين على الشارع وكيل مواطير وعنده كل شي ْء


واذا مالقيت حاجتك عنده شف الجهه الثانيه فيها محلات واجد تصلح المواطير وترهم وتلف الدينمو المحلات طال عمرك عقب مستشفى الامل

وانت متجهه للدمام جهة الصناعيه تلقى المحلات جمب محلات الدباااااااااباااااااااات وانشاء الله تلقى غرضك هنااااااك


تحياتي لك ولاهــل عنــك

[سعد بن مطلق]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

خشم الحصان

لاهنت طال عمرك وجعلك ذخر

==========================

عروان

شكراً لك على التوضيح لخونا ولاهنت

==========================

معشي الطيـر

يالله حيوة ولاهنت يالقرم

وتسلم على الرد الوافي

وبالنسبة للمحلات مريتها كلها بما فيها خشيم وغيرة

=============================


الأخوة أشكركم على ردودكم لاكن مازلت أبحث عن وكيله في السعودية ودول الخليج المجاورة .

وبأذن الله أحد يعطينى الجواب الشافي.

وترى الخال ابوعقل يشكركم جميع وبيحط أسمائكم بالقصيدة اللي بيسويها في مدح اللي
يفيدنا عن الوكيل ولا المحل اللي يبيع قطع غيار هذا الماطور.;)