عندي صوت ونونه في دبل الدينالي 2002

[قلم مكسور]

يا اخوان ذهبت للبر آخر مره ولما عدت وركبت الاسفلت صرت اسمع صوت ون ون ون ون كأنها صوت رمان مافيه شحم او صوت حكة حديد المهم رحت وفحصت الموتر قالوا لي صوت الفلنجات قلت يالله فكيتها وشحمتها وولعت عندي لمبة الاي بي اس لاني شحمتها من عند الحساس حقه المهم ما راح الصوت وصار كل يوم يزود ويبدا من سرعه اربعين تقريبا واحيانا يزود حيل واحيانا يخف على حسب لفاتي ومشيي واحت رجولي الحكحكه والونه تقول اني اركض على الاسفلت المهم رحت للوكالة عندنا في الشمال قالوا ماعندنا خبر دبل الله يعينك تروح الرياض رحت اخر شي لميكانيكي تركي فهمان فك لي عمود الدبل وخف الصوت وبقى صوت كنه صوت رمان او حاجه زي كذا اذا مشيت صوتها ناعم ويزود شوي شوي لين امسك فرامل والف يبين صوت ونة رمان وحكه حديد بس اخف من قبل فبصراحة انا احترت وش اسوي ياليت تفيدوني تراي قرفت سواقتها من عقب ماكان اعشقها وشكلي افكر ابيعها لكن تكفون شوفوا لي الحل ودمت بخير

[سحابة قبله]

الصوت ورا ولا قدام

[قلم مكسور]

كل مامني ان الصوت قدام يسار لاني احس فيه برجولي الله يكرمك لما امشي ويطلع الصوت وكنه حكة رمان او حديد في بعضه وترى الصوت احسه يزود كل يوم عن يوم

[سحابة قبله]

ود السياره لاقرب بنشري وشف اذا فيه تهريب جهة اليسار

احتمال كبير تكون صوفة العكس

وفيه شي بعد بقوله شف الكفرات اللي قدام اذا فيه واحد منها متسحل مع جهه معناته عندك السياره يبيلها وزن اذرعه ومقصات وتاكد احيانا يكون منسحل من جهه وخاصة من الداخل (منسحل يعني متاكل)

[sameer_1798]

تأكد من زيت الدبل والجربوكس والكرونات .
وأيضاً شيك على جلد عكوس الدبل يمكن مشقوقه .

[أبوحمييد]

يمكن من الهوب فيه تراب او الفحمات انتهت....

[شامخ ألهيلا]

اخوي قلم مجبور

طال عمرك لاتحكم على السيارة بعد خروجها من البر الا بعد غسيل اسفل السيارة
ياليت تسوي لها غسيل بالماء من تحت وبعدها جرب

من واقع تجربة

[H5N1]

هذا الله يسلمك صوت رمان الفلنجة والله أعلم
وهو مايغير بس تغير كاملة وسعرها من 750 إلى 900 ريال .

[التل الصامت]

انا اقول شيك على السيارة عند واحد ثقة وانشاء الله بتعرف وش المشكلة

وتقبل مروري

[701]

الرمان عكس خيو انا صارت معاي بس مو قوي الصوت

كان خفيف وكنت مطنشه حوالي سنة كاملة لين ماصار قوي غيرتها وراحت الحنه

[عاشق الأطلسي]

هذا الصوت يالذيب حصل معي بنفس سيارتك التي يبارك لك الله فيها


هذا صوت رمان الفلنجه وهو ما يغير الا كامل مع الهوب لا تحتار صاير معي بعد ان دخت الدوخات كلها

سعره كامل بحوالي 550 ريال على ما اذكر من شي سنه تقريبا

حط كلامي على بالك ولا تحتار

[سوبر VTC]

الله ييسر امرك


فحص الفلنجة امامك حلين
1
تفك الفلنجة و تدوره بيدك
اذا كانت خفيفة جدا او به صوت واضح فالمشكلة
من الفلنجه
2
تمشي بسرعه 50 او 60
همن تلف يسار بزاوية 45 درجه تقريبا
لان الصوت عندك يسار على كلامك
طبعا بمكان مفتوح او شارع كبير او مخطط
اذا لفيت و اختفى الصوت فالمشكلة من الفلنجه اليسرى
لان ثقل الموتر عليه اثناء لفة الموتر يسار
ادى الى اختفاء الصوت :good:


***


الرمان اذا كان خربان فانه يكون مستمر حتى على سرعه 140 ما ينقطع نهائيا


***
اذا كان الصوت على سرعة 80 و نازل
ووو ووو ووو ووو ووو
فهو من كلتشات الكارونة الامامية (وردات دائرية)
بعضهم يحط شحم او برادة خشب عشان يختفي الصوت
خصوصا شريطية المعارض
و عموما ترى الصوت ما يضر :no2:
لانهن مثل الدفلك
***
يوجد 3 اشخاص معهم يوكن و جمس م2000 و طالع
غيروا الفلنجات و لاستفادوا :no2:
انصحك لا تغير الفلنجات :good:
ادخل موضوعي عن فك الفلنجة بالصور
بالتوقيع
الفلنجة ما تخرب الا اذا ضربت مطب او جفرة


موفق

[قلم مكسور]

الله لايهينكم وماقصرتوا كل من تفاعل ورد على موضوعي له الشكر الجزيل

لكن يالربع اناشحمت الفلنجات والصوت للحين يزود وصار من امشي اسمعه مخاويني وغسلت السيارة من تحت ولقيت جلدة العكس الايسر كنها تهرب شحم بس بسيط مره

وانا اتوقع ان المشكلة رمااااااان ماهو فلنجه او ان الفلنجه مانفع فيها التشحيم
ويبيلها تغيير

بس ما ادري انا اغير الفلنجه والا جلدة العكس والا العكس او رمان العكس مدري وش بالضبط

لكن للعملومية فكيت عمود الدبل وخف الصوت وبقى صوت يسار قدام مثله الصوت الاول بس على اخف

تقبلوا تحيايت وشكري الجزيل لكل من مر على موضوعي ولاهنتوا يالذيابه

[سوبر VTC]

اللي اعرفه ان
الفلنجة مكبوسة من الوكالة
وشلون تقدر تشحمه ؟ :confused:

[قلم مكسور]

عن طريق فك حساس الاي بي اس طال عمرك


لافكيتها كلها لازم تفك الحساس وتقدر تشحمها


اشكر مروركم

[سوبر VTC]

اذن بهذه الحالة تقدر تشحم
بس ما تستفيد :no2:
لان الرمان كبير و ضغطه اقوى من الشحم
و لاراح الشحم يخفي صوت الرمان :no2:
خصوصا اذا كان خربان

اتصور ان رمان الفلنجة ما خرب عندك
لانه قوي جدا و يتحمل الجروف و المطبات القاسية




http://www.mekshat.com/vb/../pix/upload02/images77/mk53291_mhfn24.jpg


http://www.mekshat.com/vb/../pix/upload02/images77/mk53291_mvhngn25.jpg


http://www.mekshat.com/vb/../pix/upload02/images77/mk53291_nhngnb26.jpg

[قلم مكسور]

ما قصرت ياذيبان على الصور الواضحة

لكن ياشباب لو اعرف وش مكونات الدبل قدام يمكن قدرت اشخص المشكلة

انا اتوقع ان الجلده اللي طالع منها شوي شحم هي اللي مسببة المشكلة واقرب ماله قدام يسار الصوت

فاللي عنده خبره يقولي اذا اقدر افك العكس او اذا فيه رمان بالعكس

او اني اغير الفلنجه واجرب

مدري وش الراي السنع..؟؟

[سوبر VTC]

ما قصرت ياذيبان على الصور الواضحة
لكن ياشباب لو اعرف وش مكونات الدبل قدام يمكن قدرت اشخص المشكلة
انا اتوقع ان الجلده اللي طالع منها شوي شحم هي اللي مسببة المشكلة واقرب ماله قدام يسار الصوت
فاللي عنده خبره يقولي اذا اقدر افك العكس او اذا فيه رمان بالعكس
او اني اغير الفلنجه واجرب
مدري وش الراي السنع..؟؟


لاهنت
اذا انت موسع الصدر :)
جرب غير الفلنجة لكن احتمال كبير ما تستفيد


هذي ورش من الاخ ماجلان


للجموس





اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...


والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه


وفي عندك صناعية ام الحمام ورشة القحطاني رقم 11 سوداني فلته في الكهرباء