مازال الطمع مستمر ,, ارتفاع اسعار المندي [الأرشيف]

فصاص

22/11/2009, 08:12 AM

السلام عليكم

صباح الخير عليكم جميعا
امس كانت الصدمه ,, مريت مطعم الهدوج لاني طالع من الدوام وفي راس خشمي ريح المندي وطلبت منه نفرين وكانت المفاجأه يوم قال لي 100 ريال :confused:

وش دعوه ؟؟ قال والله يالحبيب سعر نفر المندي صار له 3 ايام مرتفع
انا لله وانا اليه راجعون

الظاهر اوفر للواحد الحين يطق له فرن او برميل مندي ولا ينحد على هالحراميه

دمتم جميعا بود

نفود الطوقي

22/11/2009, 09:01 AM

يا اخي مصيبه
والمصيبه الأعظم
أنه عندك شعب ماهمه
يدفع أي مبلغ

fahd33

22/11/2009, 09:03 AM

صباح الخير

والمشكلة ياخوي انه فيه بعض المحلات الي مايخافون من الله يخلطون الحم بالمبرد (مثل تيوس الهندية والباكستانية)
وانت عارف اسعارها رخيصة مرة !!!!

سهيل تميم

22/11/2009, 09:50 AM

اتوقع بسبب انه ارتفعت اسعار الذبايح لقرب عيد الأضحى

واحد من الشباب شاري نجديه بـ3000 ريال.. ويقول ان النعيمي الطيب ماتاخذه دون الـ1700

الله يعينا بس

الشريف خالد

22/11/2009, 09:55 AM

الله لا يربح كل طمّـــــــــاع

ملف علاقي

22/11/2009, 10:03 AM

تحياتي للجميع وكل عام وانتم بخير يااخوان مافيه علاج لهم إلا المقاطعه لمدة اسبوع فقط اعتقد ماراح نموت لو مااكلنا مندي لحم لمدة اسبوع خلهم يكومونه بقدورهم ويكون لهم رادع 0

إبن البادية

22/11/2009, 10:05 AM

هذا أحد أبشع امراض العصر واذا تمكن من النفوس يتسبب في خراب الذمم

q8 فارس

22/11/2009, 10:07 AM

الله يخارجنا

فهد550

22/11/2009, 10:13 AM

المشكلة ياخوي ارتفاع اسعار المواشي ارتفاع غير طبيعي
التيس من فوق 650ريال

ابو ناصر2020

22/11/2009, 10:16 AM

يقول جدي عليه رحمة الله علاج الغلاء تركه

والي يصير هذا شي يفجر القلب

الحين التيس كامل كم نفر تقريبن 10 إلى 11 انفار يعني من 50 =550 والتيس مشتراه الجمله 300يعني طبخ التيس يكلف 70 يعني كل كامل 370 ويبيعونه 550 يعني الارباح 180 بكل تيس هذا حسبه خفيفه يعني هذا غير اذا كان يحطون التيس الواحد 15 نفر ويقللون لك الحم عشان البيع يكون اكثر ومافيه عليهم رقابه بكمية الحم الي يحطونه

ماقول الا الشكوى لله

بروق الشام

22/11/2009, 10:28 AM

لاحول ولا قوة الا بالله

فصاص

22/11/2009, 11:38 AM

السلام عليكم

يامرحبا بالجميع

المشكله ان نفر المندي مايشبع الرجال الا ان كان بيدب بهالرز الين يطلع مع اذانه

وان اخذت منهم تيس رح وتفقده واتحداك اذا لقيته كامل

لازم يجمركون منك

عشة الحمام

22/11/2009, 08:34 PM

ابو ناصر تبيهم يبيعونه لك بنص ريال .. لازم يربحون وراك .. وبعدين خمسين ريال حلوة للي يبي شيء زين .. كم كيلو الكباب المبرد .. تراه بستين ريال

اللي يبي الزين لا يقول غالي .. >>> واحد ناوي يفتح محل مندي

صقرحايل

23/11/2009, 07:49 PM

كثر الكلام ماينفع
لاكن كثر الدق يفك الحديد
خلونا من اليوم هذا ولى مدةشهر ما نشترى منهم وانا والله العضيم انى اول واحد يطبق المقاطعه على نفسه
بس الى يقدر يسوى لها دعايه علشان تنجح
اليوم6\12\1430 اول ايام المقاطعه عندى وشكر لكم
بس لاتكثرون الكلام نبى فعل

مطعوس

23/11/2009, 10:38 PM

لاحول ولا قوة الا بالله انا لله وانا اليه راجعون

برج المعيدي

23/11/2009, 10:53 PM

ياخوان اكثر اصحاب مطاعم المندي بشرقيه
تيوسهم يشترونها من الثلاجه العالميه قيمة التيس
350 ريال وهذا ماكده لي الباع والسعر مرتفع له
اكثر من شهر

ياعين ابوي

24/11/2009, 04:28 AM

فعلآ اكثر المطابخ ان لم يكن جميعهآ تشتري التيوس الباكستانيه الي يسمونهآ ( المكفن).بسعر بخس ويكسبون أضعاف ثمنهآ. ويقولون تيس بلدي وطازج و و و ... مال حرآم .. وغش .وأكل لأموال الناس بالباطل ... وين بيروحون من الله .. الله حسبي ويكفي .. لآحول ولآ قوة الآ بالله,,

هويدي

24/11/2009, 04:41 AM

قبل شهرين اخذت نفر مندي بـ 43 حسبي الله عليهم

وليته يسوى قسم بالله عظمين وشحم وقطعه لحم كبر الاصبع

بعدها حرمت اشري من هالحراميه آخذلي كيلو حاشي واطبخه اصرف وانظف

Raselny

24/11/2009, 04:43 AM

راعي المقانيص

24/11/2009, 05:53 AM

هل حنا مجبورين ناكل لحم ؟ ؟ ؟ ؟

خلونا نقاطع اللحم شهر بس والحمدلله فيه بديل ( السمك والدجاج ) الله يديمها من نعمه ويحفظها من الزوال

وانا واثق بان الاسعار تبي تنزل غصب من ورا خشومهم وانزل من اول يبون يدورون الي يشتري

فصاص

24/11/2009, 08:30 AM

السلام عليكم

انا من ناحيتي اعلنت المقاطعه ,, وش حادنا

البدائل كثير

اجل نفر بـ50 ليش ؟؟

(((( مقـــــــــــاطع))))

ابوقاسم

28/11/2009, 05:56 AM

والله انا ريحت راسي وجبت لي برميلين مندي متنقلين
واحد صغير ياخذله دجاجتين أو ربع تيس بالكثير
و واحد كبير ياخذ ذبيحة كاملة

واعرفلي ملحمة تجيب تيوس سودانية مبردة بشكل شبه يومي
والتيس الغالي عندهم بـ 270 ريال بالكثير (وبصراحة أطعم من البلدي , واطعم من المطاعم)
وهات يامندي.

حدد مكانك يالاخو ووصف الملحمة وين عساها حولنا
وابي اسئلك عن برميل المندي هل يجي اكبر يعني ياخذ اربع حبات دجاج
تحياتي