وش احسن هدرز للباترول+ عندي مشكله صغيره

[خالدالقنص]

السلام عليكم ورحمة الله وبركاته

اخواني ودي اركب هدرز موتري فتك 2002 قيرين

وش احسن هدرز للباترول طبعا بركب كامل

وش احسن ورشه في بريده وكم سعره ياليت تفيدوني بمعلومات كامله


المشكله الصغيره

وهي : اذا ركبت الموتر ودعست وصل الانبير 100 بعدين رفعة رجلي عن البنزين يرمي الموتر

بس لو امشي اقل من 100 او ازود وااشيل رجلي مافي شي

في ناس تقول من الشكمان وفي ناس تقول من اسلاك البواجي


والف شكر لكم

[D I K T O O R]

شف اخوي انا كان موتري يرمي
وكلن عطااني رائي وكلها ماظبطت

المهم قدر الله وخربت طرمبة البنزين وغيرتها ومن يوم غيرتها ماشاء الله بدأ مايرمي الحمد لله

[فتك2002]

وعليكم السلام اخي خالد الهدرزات كلهن واحد ومافي غير السيف ببريده هو الي يضبط لك الهدرز انته (ان لم تكن ذئباً اكلتك الذئاب) لا تطلع منه الا مركبلك اوجيه اصليه كامله ويدبلك المسامير ابصواميل برضه الصليه وان كنت تبي يطلع صوت موترك قوي زي الصوات اجيوب الربع الي يطعسون بام حزم ركب كامل 1500ريال وإذا تبيه يصير عادي بس يفرق عن صوت البلد اشوي خله يغيركل شي بس لا تغير الدبه الخلفيه هي دبت الصوت ويطيح عنك 300ريال تقريباً انا غيرته طلع صوت موتري قوي وزاد رميه ورجعته ورجع زي ماكان.
وليت اخونا (diktoor)يذكر لناوش تغير بموتره يوم غير اطرنبة البنزين هل كان موهب صافي؟

[خالدالقنص]

اخوي دكتور بس انا دقيت على واحد يقاله ابو سليمان بالريض مهندس سعودي قال هذا من الشكمان عندك او القزوز


اخوي فتك 2002 بس لازم اعرف كل شي قبل لااروح له عشان مايضحك على بشي

[فتك2002]

السلام عليكم / اخوي خالد من ناحية الهدرز عطيتك كل المعلومات الي واجهته من ناحية الهدرز وشغل ورشة السيف لاكن ان كان تبي تأثير على الموتر فهو يبي يتغير عليك الموتر من ناحية العزم والحراره والصوت كلهن يفرقا بعد الهدرز ويتظاعفاً إلى(70%إو80%)تقريباً .

[سوبر VTC]

و عليكم السلام و رحمة الله

الهدرز يكلف عند السيف تقريبا 1600
مسالة انه يرمي
اللي يفيدك
الهبيش بطريق خضيراء او العثيم بصناعية الرواف
او ابو وليد الصمعاني بالتشاليح
او ابو صالح التركي بالرياض
تخصص باترول
تبي ارقامهم علمن

موفق

[just1love]

اخوي فتك 2002 انت الهدر إلي ركبته كم انش حجمه؟