الشتاء جاء اريد الحل في حراره السياره

[برايدوي عنيد]

السلام عليكم
جاء الشتاء وجاء وقت التحماه للسياره.........
وانا صراحه مالي خلق التحماه ابد وخاصه اذا صرت باجلس بالسياره...احيه برد:)
اريد منكم افضل طريقه ؟
وهل امشي على السياره وهي بارده يضر المكينه,
به ناس يقولون عطه نمره وخله تمشي على راحته اذا احتمت حط رجلك.


ارجوا الرد.................خاصه من له خبره بالموضوع

[طير المحبه]

و الله يابعدي أشوف الوالد يشغل الموتر ويمشي بعز الشتاء و الحمد لله موتره ماجاه شئ ..

[S4500]

ابوي اتوقع انك اذا مشيت على سيارة وهي باردة تضر على سيارة
لانة يكون زيت مجمد

[سوبر مكشات]

المشي يضر كمع الزمن اذا صارت السياره بخاخ
يضر الراس والبلوفا

ما اذا السياره كلبليتر احلق عيني اذا قدرت تمشي بدون تحميه
والله ما تمشي
لازم تحمي وتدعس البنص 5دقايق

ثم بعد كدا ممكن تمشي



اشوف الشباب شغل وامش بس سياراتهم صغيره يعني الزيت يمديه يدور حتى احدهم كورلا دايم حاطه بالاول عشان اذا شغل علطول يمشي ......







لكن ياعزيزي وش معجلك الرفق زين والركاده حلوه وصفى الراس ازيناذا كنت عجل مرررررره حم دقيقه

دقيقه ونص الين يدور الزيت ويسخن شوي ولاتسسرع



ن
سيت اقولك اللي يشغل ويمشي علطول يضعف عزم السياره مررره

غير المشاكل اللي تصير حراره مايعرف وش سببه

والبلا من الراس
يبي له خرط ولا راس جديد



موفق

[zyarahmy]

اذا سيارتك موديلها من 2000 وفوق حمها دقيقتين ع الا قل عشان يدور الزيت وعشق
وامش بس لا تدعس 100 متر وبعدين بكيفك

[باثفندر]

الضرر اللي يصير بسرعة طفية السيارة بعد مشوار في ليلة باردة أكثر من ضرر تشغيلها السريع ،،

[شامخ ألهيلا]

السلام عليكم
اخوي في كتالوج السيارة التحميه مدة دقيقه واحده فقط وبعض السيارت مكتوب 30 ثانيه
اطلعت على موضوع لمهندس الماني في في احد المواقع الاجنبيه
من كلامه يقول تحميه السيارة دقيقه وامش عليها مثل ماتمشي عجوز بسيارتها << كلامه هو مو كلامي :D

ولد عمي معه سفاري 98 معه وكاله من عرفته يشغل ويمشي بس ممشاء خفيف
والان السيارة معه 11 سنه وماشيه فوق 450الف
وزي الحلاة

[عابر شمال]

اخوي العزيز : المشي على السيارة بارده يضرها ومضاره ماتبين على طول. انا معي سياره في يوم بارد السيارة رحت عليها مشوار ووقفتها واخذت 5ساعات ماشغلتها وبعد كذا شغلتها كان الوقت مساء وجوا بريدة بشتاء الله لا يوريك ، شغلتها ماحميتها مشيت عادي السيارة تمشي وبعد كذا صارت تقطع دعست عليها ومشت شوي وبعدين طفت وديتها للورشه دور مافيها مشكله قال رح ادق عليك بعد هذا دق علي السيارة سليمه من ناحية الكهرباء والبنزين بس ماتشتغل قال لا زم افك الماكينة قلت خلاص بعد وقت دق علي يقول العامود الي داخل الماكينة مكسور نصين وهو حديد ؟؟؟!!! ماصدقته رحت يمه وفكه والله ياجماعه انه مكسور سألت الميكانيكي قال هذا مايكسره شي هين ، وهو مستغرب كيف إنكسر ، إضطريت اني اوضب الماكينة وبعد هذا صرت اسخن السيارة 10دقائق الدعوا فيها ماكينه ،

هذا مشكله صارت معي وإعذروني على الاطاله

[برايدوي عنيد]

السلام عليكم....
شكرا للاخوان على مرورهم, وردودهم الحلوه

لكن نبي من كلام ميكانيكي مختص.

بانتظار البقيه والمشرفين

[فهد بن مشبب العاصمي]

بصراحة ياخوي انا كان معي هايلكس 99 كلب ريتر

ايام الشتاء والصيف مااسخن الموتر

ايام الشتاء اشغل وادعس شوي اخلي الضغط على 2 وبعدها احطها بنمره وازر على الموتر وتسلك اموره

وهذاها معي 4 سنوات الحمد لله مااشتكيت منها بشيء مع اني من النوع اللي يكود على السياره

لكن اظنه توافيق :)

[عايد الحربي]

تخيل اول ماتقوم من النوم يرطك ويقول اركض..........................
ماتقدر السياره مثلك لازم تحما

[غربي هواوي]

حمها من دقيقة الي ثلاث دقايق بعدين امش عليها لكن لا تشدها على مهلك الين ترتفع الحرارة شوي اشوي ثم خذ راحتك

[نديم السهر]

اذا كانت السياره قير عادي الله يعينك تطلع تشغلها قبل المشوار بعشر دقايق

لكن اهم شي لاتكرر على دعس البنزين والسياره بارده يضرها

[Rapture]

افضل طريقة لتحمية السيارة انك تمشيها


هذا الكلام من المواقع الاجنبية


تحمية لمدة 30 ثانية ثم تمشي عليها بشويش الى ان يرتفع العداد

[6166]

السلام عليكم..
ليش ماتركبلك جهاز تشغيل عن بعد بحيث تشغل السيارة قبل ماتطلع...
او تحطلك دفايه تحت السيارة وتشبكة بمؤقت تشغيل حق الثيل ,بس انتبه راح تلقاها مليانه بساسه.:p

[بدوي جنوبي]

لا اعترف بتسخين السياره نهائيا
حتى فى المناطق البارده تصل حرارتها الى 10 ردجات او اقل
واستخدمت عدة سيارات وموديلات مخلتفه

لكن بشرووط

اولا :
فى حالة وجود الثرموستات (بلف الحراره)

1-اذا شغلت المحرك لا تدبل بنزين (بعض السيارات تحتاج لتدبيل بنزين * قبل التشغيل
مثل الباترول الكلبرتير والكابريس والددسن والهايلوكس تقريبا )
2-اتركها لمدة دقيقه
3-بعدها امشى على سرعات منخفصه اقل من 60 كلم
4-اذا بدأ انمبير الحراره بالارتفاع قليلا بأمكانك زيادة السرعه
5-اذا وصلت مقر علمك او جامعتك قبل تطفئه المحرك ادعس بنزين
-دعسه قويه ثم اطفئ المحرك ،،


فى حالة عدم وجود بلف الحراره :
طبق جميع الخطوات
عدى خطوه رقم 2 اعتقد 3 دقائق تكفى
بالتوفيق