هنا توضع جميع الاستفسارات عن الربيع واماكن الكشتات وظهور الفقع لموسم 1430-1431هـ

[ابوعمر م]

جبل طخفه
n24 55 02
e043 10 12
قريه طخفة
n24 55 43
e043 09 12

[قصر سيف]

الله يوفقك اخوي ابو عمر على ردك السريع
الجبل هذا يستاهل العنوة له
وبماذا يتميز به ؟

[.. Anas ..]

يا غالي
أنت رحت لقطن هو قريب من التكوين الجبلي لقطن
جبال رائـعة يحفها شجر السمر من كل مكان

على قولتهم وبالنسبة لي
ونيســة

[أشهب الال]

:l
السلام عليكم ورحمة الله وبركاته
ياليت الإخوان عند الإنتها من كتابة الموضوع يذيلونه بالتاريخ 0 لأني أقرأ موضوع وأفرح فيه ثم الاحظ بعد قليل أن الموضوع قديم وأنتهت مناسبته 0 علماً أنه يمكن أن يكون هناك طريقة معينة أو زاوية ينعرف من خلالها التاريخ ولكني أجهله 0:D
حفظكم الله جميعاً:s :good2:
14/5/1431هـ

[دامر الصيد]

سلام عليكم ورحمة الله وبركاته كيفكم ان شاء الله بخير الله يوفقكم ابغاء اقرب حول الرياض جايه مطر عليه العلم اهم شي اقل من 200كيلو ووشاركم بثادق

[غليص 506]

القويعيه_الزلفي_القصيم_الدوادمي

[سعيد بن مسعدة]

السلام عليكم
يالربع مساكم الله بالخير ، أنا ياجماعة معلم بالحفر ورجال أحب الطلعات والشبات:f ودي تدلونني على أماكن تصلح للطلعات القريبة طلعة عشاء وخصوصاً أماكن رملية
وشكرا

[سال السيل]

أنا بأكشت يا جماعة الآن ..

وش رأيكم وين أروح أبي شعبان وفلة حجاج ..

جهة الرميحة ولا الطوقي ؟
ولا العيينة وحريملا ؟

ولا الغاط ؟؟

[حرنا بك]

اطلع من الرياض وامسك طريق الدمام ولف من عند طريق رماح وشف شعيب الخويش همن يجيك شعيب غيلانة ومر شعيب رماح ولا يفوتك منظر السيل من عند كوبري الرمحية وارجع من الرمحية من عند بويب وشف الشعبان الي يقطعها الطريق ولا يمنع انك تمر حميم و شعيب الثمامة الكبير الي يقطعه طريق الرمحية بويب بعدين شعيب الجريذي وبعده بويب ومر بنبان من عند مزرعة الملك... والله يستر عليك ويسهل لك دربك والله الله بالصور والمقاطع الي توسع الصدر :)

[سال السيل]

شكرا جزيلا أخوي حرنا بك ..

[تميم الغالي]

السلام عليكم اخواني كيف الربيع في حائل الان ناوي اطلع الأسبوع الجاي وين اروح جزاكم الله خير

[أبو ريان]

السلام عليكم


الطنايا مساكم الله بالخير


قررت أنا وبعض الزملاء زيارة حايل نهاية هذا الأسبوع للتمتع برؤية المناظر الخلابه فيها - المناظر البرية


من أماكن الربيع والجبال الحلوه والعيون (إن وجدت )
فمن يتفضل علينا بتحديد هذه الأماكن وبيانها ولكم الشكر مقدما


وليس بمستغرب عليكم أهل الطنايا المبادرة والفزعة فأنتم أهل الكرم واقراء الضيف ..


لكم تحياتي ...

[مشكات33]

حياك الله بديار حائل
فيه نايلات ربيع
فيه حبران ربيع
فيه شامة تربه جنوب تربة 15كيلو ربيع خزاما
فيه طعس القليبه والمنفرش ربيع
هذا ماعرفه لك
واذا اردت قرب حائل عليك بالشعبان مشار او قرين عنز او شطيب

[أبو ريان]

حياك الله بديار حائل
فيه نايلات ربيع
فيه حبران ربيع
فيه شامة تربه جنوب تربة 15كيلو ربيع خزاما
فيه طعس القليبه والمنفرش ربيع
هذا ماعرفه لك
واذا اردت قرب حائل عليك بالشعبان مشار او قرين عنز او شطيب




مشكور أخوي على الرد السريع

لكن لو سمحت كم المسافة بين هذه الأماكن ومدينة حايل ؟ وفي أي اتجاه ؟

ولك الشكر الجزيل ..

[biak23]

السلام عليكم

أبي أطلع إن شاء الله خميس وجمهة أشوف آثار السيل .... شعبان تمشي , سدود , نفود ممطور
طبعا أبي المكان بين الرياض والقصيم

ووش الافضل أروح جهة المجمعة والزلفي والأرطاوية
ولا اتجه شوي غرب يم شقراء وأم حزم والمذنب

مع الآخذ بعين الإعتبار الأماكن اللي فرصتها أكبر للمطر خلال الخميس بإذن الله

وشكرا

[جبال اجاء]

فيه قرية نايلات تبعد عن حائل 70 كم شمال غرب طريق حائل الحفير فيها مناظر حلوة

واماكن ربيعية وشعبان ونفود وجبال في مكان واحد وهي وجهة اهل حائل هذه الايام


وفيه قبلها قرية اسمها الحفير داخل النفود ولها مفرق قبل نايلات بخمس كيلو ونفودها مربع


وهذا رابط لربيع نفود الحفير


http://www.mekshat.com/vb/showthread.php?t=292264

[قاع الجحفه]

بعد التحيه
عندك الوصف للمكان الزين
اذا دخلت حايل من طريق القصيم يجيك اول كبري بمدخل حايل خذ يمين
مع الدائري وجهك يكون شمال ورح لاتلف ابد يجيك دوار ابتل معه وجهك غرب
تجيك اشارة معها ومن تحت الكبري تمشي حتى تجيك لوحة ام القلبان قنا الحفير
جبه ومن عندها رح يمين امش شوي تجيك اشارة تعدها وجهك شمال طريق جبه
تمشي حوالي 30 كم يجيك مفرق الحفير ادخل يسار وامش حولي 20 الى25
يجيك مفرق ولوحه نايلات موقق افرق يسار تمشي يمكن 8كم تجيك نايلات
اذا جاك اريل الجوال يمين افرق يسار تكون شرق نايلات ادخل داخل مع الشعيب
صراحه سيء يسر ربيع وخير وبطحاء على الكيف

دعواتك/ ابو معاذ التميمي:f

[رشيد البغيق]

ياهلا ابوريان اعتقد الربع ماقصرو معك

والوصف الي وصفه لك ابومعاذ

وهذا رابط للصور للربيع صورتها يوم الأحد 18/5/1431هـ

http://www.mekshat.com/vb/showthread.php?t=294138


واذا تبي شيئ ارسلي رساله وراح ارسلك رقم جوالي اذا بغيتو شي

[أبو ريان]

أخواني الكرام
مشكات33
جبال اجاء
قاع الجحفه
رشيد البغيق

يعطيكم العافية ومشكورين على المعلومات القيمة

نورتونا الله ينور بصايركم وينور طريقكم دنيا وآخرة

== لكن مهوب كثير عليكم يا أهل حايل يابعد حيّ هذه عوايدكم الطيب والكرم .

لكم مني الشكر الجزيل على مبادراتكم

وعاجز عن شكركم لكن لكم منا الدعاء بظهر الغيب

اللهم اغفر لي ولهم ولجميع المسلمين ..

[برايدوي عنيد]

السلام عليكم...............

الاماكن :
1. سد عقده وهي غرب حائل على الدائري.

2. متنزه مشار على طريق جبه .

3. اذا فرقت جهه الحفير تمشي ممكن ثلاثه كيلو يجيك مزرعه وخزان ماء يمينك ناظر يسار تشوف سور مقبره

تحت الضلع رح يمه ينزل الخط بك يم الشعيب اطلع يمين لمين ياقف بك الخط (الطريق وعر شوي )

يجيك مناقع مياه ومناظر حلوه جدا ( ماء يمشي خفيف نوعا ما )
4. جبل السمره شرق حائل .

5. متحف النايف في جبه . تراث جميل

تقبل مروري .............

[sohib]

لاجيت حائل مانت بحلان كل عيال الحمايل لك مدلال
وين ماتجهت كله جمال وجمايل افعالهم على كل اللسان

[أبو ريان]

لاجيت حائل مانت بحلان كل عيال الحمايل لك مدلال
وين ماتجهت كله جمال وجمايل افعالهم على كل اللسان



صدقت أخوي بارك الله فيك


والله ما بحلت وأنا ما جيت وش إذا جيت


الله يعطيهم العافية ما قصروا معنا عبر الشبكة العنكبوتية فما بالك إذا حضرت لهم



مشكور أخوي برايدوي عنيد على المعلومات الجميلة ..

[abu saud123]

السلام عليكم ورحمه الله وبركاته

قررنا ماهو أتي

اني أطلع مع الاهل لمكان قريب من الرياض

وبصراحة توهقت مادري وين اطلع بهم

ابي احلى واجمل مكان اقدر اطلع له من الرياض لا يتجاوز 100 كيلو

ودي نسوي غدانا في مكان جميل ورايق ليوم الجمعه

[قايد تميم 1]

شعيب الاوسط في نساااح صاد ولاحلولك احد انشاءلله
قبل طعوس المحليه على اليسارمع المزلفت الين تجيك هجره على اليسار ثم خذ يمين وتلقى الشعيب قباالك
وتروحون وترجعون بالسلامه

[abu saud123]

بارك الله فيك يالغالي

على اني ماعمري رحت نسااح

لكن شكلي بروح له

الله يجزاك الخير

[ABU_ASER]

لو تبي نصيحتي وغداك باكر الجمعه
روح للدرعية عند السد او حوله
او العماريه
انا اليوم كنت هناك وكلهم عوائل

[abu saud123]

وين بالضبط

لان ماعمري زرتهم

[S4500]

رح لسد درعية و تدعيلي بس زحمة بشكل غير طبيعي

ولا عندك نساح او الخرارة

[سلتونه]

الخرارة ولا أروع فيه عوائل استمتع بكل أوقاتك هناك

[f 16]

شعيب محارق والطيري وخريم والرمحية موب زينات هالوقت تراي مادري عنهن بس اخبرهن غرض خوينا اللي يدور مكشات

[abu saud123]

يمدحون خرارة

ونسااح

إن شاء الله متجه لهم

والله يجزاكم الخير يالمكشاتية

[ابو سلطان1234]

الخرارة هذه وين طريقها بعد القدية

[خيال الغلبا]

يا اخوان افيدوني عن اقرب غدير ماء
غدير كبير من المطر حول الرياض

طبعا غير النظيم لان النظيم الغدران بين البيوت

وانا اريد بعيد عن العمران والبيوت وفي نفس الوقت قريب من الرياض

[auob]

السلام عليكم ورحمة الله وبركاته

الله يحييك يخوي خيال الغلبا في منتزة الخرارة بمحافظة المزاحمية غرب مدينة الرياض الذي يبعد حوالي (30) كيلو من كبري العريجاء بحيرة بين النفود

[خيال الغلبا]

شكرا اخوي ايوب

نريد نعرف الغدران الاخري من جهة الشرق والشمال والجنوب

[شجاع بن مطر]

اذا تعرف شعبان طوقى كلها غدران نتاسف ما

[مقناصي12]

عندك شعيب غيلانه 50كم على طريق رماح وشعبان جنوب روضه خريم بنفس الموقع 10كم عن غيلانه شعبان وسيول يحبها قليك

http://www.mekshat.com/vb/showthread.php?t=295839

[جعد الوبر]

غيلانه رماح الرمحيه الطوقي الوسيع خريم التنهاة

[وبل الغمام]

أنصحك تروح الخرارة قريبة من الرياض ومليانة ماشاء الله
وعلى جال النفود ..

[الهاوي 9]

شعيب حميم فوق الثمامه وهذي صور
http://sub3.rofof.com/img4/05utzbx9.jpg (http://www.rofof.com)

[اتركوني لحالي]

الثمامة فيها بحيرة عند التقاطع شفتها بالصور انتشرت بالنت

[همس الغدير]

الخراره حوالي40 كيلو غرب المزاحميه

[قريش]

<p>السلام عليكم</p>
<p>الفزعه يا اهل حايل<br>عندي ابل واسئل عن الاماكن اللي تشبع بها البل لاني بجي من الرياض</p>

[الكاشتn97]

ياشباب لو سمحتو ابغى اعرف كيف ادخل صور بموضوعي

[هداج7]

السلام عليكم :

الأخوة أهل حايل أهل الكرم والجمايل .
وش لون الربيع حول الروضة وأزين الأماكن حولها

ولكم جزيل الشكر ,,,,,,,,,,,,,,,,,,

[مراويح]

يا أهل حايل أهل الكرم و الطيب
ما هي أجمل الأماكن عندكم في الوقت الحاضر .
و الله يحفظنا و إياكم

[عاشق وسم]

يا إخوان أبي مكان فيه منقع ماء كبير .. و قريب من الرياض ( غير الخرارهـ ) واللي حولها


ويصلح للجلسة فيه


تكفون طلبتكم طلبة !

[عاشق وسم]

حياكم الله جميعآ :)


أنا طالع بكرة وأبتمشى في كم منقطة حول الرياض ولا أدري وش الزين من الاماكن :(

أنا أبي مكان قريب من الرياض يصلح للجلسة فيه على السريع



وحبذا يصير فيه مناقع ماء :good:



أبطلع بكرة العصر .. تكفون أبي كم مكان بسرعة اليووووووووووم

ولو تعطوني خطة للسير بعد :D




أخوكم . عاشق وسم



* للمشرفين /
(( أدري فيه موضوع مخصص .. لكن لظروف العجلة و للحاجة للمكان بأسرع وقت حطيت الموضوع هنا ))

بكرة لو بغيتو احذفوهـ :D

[ميمون111]

اناا اسمع في فيضه الخرارة بالقرب من المزاحمية مادري هل يوافقوني الأخوان
بس مادري ممكن تكون بعيدة عليك

[الهاوي 9]

بسم الله الرحمن الرحيم


هلا اخوي حبيت افيد واستفيد
المحلات الحمد لله كثر
منها شعيب حميم بتجاه الثمامه تجيك محطة الخزامى الي عند الطعوس
لف يمين اطلع من 40- 50 تقريبا كم ادخل البر 3كم تجده امامك
بس انتبه لاتضيع
ملاحظه هامه لما تتجه بعد المحطه راح تشوف مناقع ما على السيار كبيره
http://sub3.rofof.com/img4/05slmvg11.jpg (http://www.rofof.com)


ومنها هذا المنقع الحلو مدخل تمير بتجاه القصيم مخرج 11
اليوم الثلاثاء
http://sub3.rofof.com/img4/05qcmyu11.jpg (http://www.rofof.com)


او تتجه الى سد العاذريه
وانت بتجاه لادار المطار على اليسار اطلع سيده
t يسار تصبح المزرعه على اليمين اطلع سيده حتى تبين لك على اليسار منازل قديمه دقق في اليمين
سوف تشاهد هذا المنظر (( محد يمك ))


http://sub3.rofof.com/img4/05suhlr11.jpg (http://www.rofof.com)


والمحلات كثيره ان بغيت زت
بس خلاني اشرب فنجال قهوة
تقبل تحياتي

[ابو سلطان1234]

هههههههههه حلوة خلني اشرب فنجان قهوة
عموما اخوي الخرارة بالمزاحمية جميلة جداً انصحك فيها ولها صور موجودة بخيمة الرحلات البرية الظاهر وان شاء الله ابروح لها الخميس انا والعيال

[ابو سلطان1234]

يا إخوان أبي مكان فيه منقع ماء كبير .. و قريب من الرياض ( غير الخرارهـ ) واللي حولها


ويصلح للجلسة فيه


تكفون طلبتكم طلبة !

اخوي عندك وادي بنبان طريق الثمامة مع الدوار الثالث يسار يجيك الوادي

[عاشق وسم]

الله يعافيكم جميعآ ..

بالخصوص أخوي هاوي 9 ما قصرت كفيت ووفيت .. واشرب فناجيل قهوة ما دامها بتجيب الطيب هههههه .. إن كان عليك كلافة تجيب لي الأماكن اللي تقول واجد . لكن على هونك اشرب القهوة واقدع وفلها .. عشان تمخمخ صح هههههههه

[الفاينل]

يعني في فقع لا لا السنه هذي

اخاف نشتر زي العام

[خيال الغلبا]

ياشباب ممكن وصف دقيق لشعيب حميم الظاهر في الصورة اللي فوق

ضروري الله يجزاكم خير

[عآشق المزن]

والله الفيضة صدق فيضة ام الذياب او ام الذيابة حول الارطاوية والله يافيضة ودك تعيش عمرك هناك مناظر خيالية السدر ماتشوف الا شوشته من عمق المويه ماشاء الله
العالم تسبح واللي يهيجن ويقصد وساعة صدر يالله من فضلك
الحمد لله والشكر لله على هالنعم ...

[تميم الغالي]

السلام عليكم ورحمة الله
اتمنى منكم إفادتي بأهم المناطق الربيعية في حائل علماً أنني قادم من المدينة المنورة نهاية هذا الأسبوع..
شاكر لكم مقدماً..

[خيال الغلبا]

عاشق المزن

مااقرب طريق الى ام الذيابه

بالنسبة للقادم من الرياض

[عآشق المزن]

عاشق المزن

مااقرب طريق الى ام الذيابه

بالنسبة للقادم من الرياض

والله وانا اخوك هي هالفيضة على طريق الارطاوية ام رقيبة وانت طالع من الارطاوية متجه لام رقيبة

بتجيك اول محطة لوزن الشاحنات على يمينك قبلها بتجيك لوحتين بينها ردمية تدخل بين هالوحتين وتمسك الردمية تقريبا 3 كيلو الا انت بسطها ...

[raied_qamar]

السلام عليكم ورحمة الله وبركاته

اخواني الاعزاء عندي استفسار بسيط لاهل الطائف يريت احد يقدر يفيدنا عن وادي سيسد واحداثياته وهل الوادي سال ولا لا واذا في اودية ثانية اجمل في الطائف وجوها بارد مشكورين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تقبلوا تحيات اخوكم
رائد الوحش

[raied_qamar]

يا هوا مافي رد ليش ؟؟؟؟؟؟؟؟؟؟؟؟؟؟

[جب هآت ود عط]

ياهووووه أدخل هنا وحط ألي تبيه مهب مقصرين معك الشباب :D
7
7
http://www.mekshat.com/vb/showthread.php?t=246081

[dr.tooth]

ومسوي لي وحش ومني عارف ايش

هههههههههههههههه

الله يسعدك يا قمر

تراك تعرفني بس ماني قايل

[raied_qamar]

السلام عليكم يا شباب ابغا اعرف اخبار اودية الطائف واي وادي سال وفيه مويه الان والاحداثيات اذا سمحتو ناوي على زيارة يوم الخميس لا تتاخروا علينا

[حياتي البحر]

يفيدوك ان شاء الله الشباب

[السعودية99]

ياشباب احد يفيد الرجال

[شلقطه]

صبحكم الله بالخير

عندي كم سؤال الله لا يهينكم عن الخرارة لمن راح لها

كيف اجوائها ها اليومين ؟ ناوي ارح لها ان شاء الله بعد باتسرالخميس ان الله اراد .
كيف طريقها ؟ وهل تروح له سيارة عاديه ( فكتوريا وكامري ) ؟ ولا يبيلها جيب
كيفيها للعائله ؟ مناسبه ؟

الله لا يهينكم ؟

[ابومحيميد]

توكل على الله ورح تستاهل من يروح له

لكن حاول تاخذ معك مظلة اللي تباع عند السنيدي ترى الدعوى حر

والوصف ماودي اضيعك مارحتها الا مرتين لكن مايقصرون الشباب ان شاء الله

[شلقطه]

^
جزاك الله خير على الرد .. بس ما قلت لي كيف طريقها هل هو سهل للسيارات الصغيرة ؟

الله يوفقك

[ولدالديره009]

اخوي شلقطه بعد التحية
طريق الخرارة طريق مكه مخرج 7 ارجع معه متجه للرياض بعد 800م تقريباً يوجد محطة زمزم بعدها مباشرة طريق ادخل معه ثم سيد سوف يكون على اليمين والشمال مزارع واستراحات برضه سيد لغاية ما يجيك مسجد على اليمين عندها لوحه مكتوب عليها منتزه الخراره لف يسار تجيك امامك مباشرة ونصيحتي لاتدخل كثير لانها رمال كثيفة بعد انقاص هواء الاطارات اما بالنسبة للعوائل فهم قلة الاكثرية شباب واعتقد بانها لاتصلح للعوائل خاصاً في هذه الاجواء حاره جداً .. متمنياً لك التوفيق تحياتي ..

[ابو الوجاجه]

صبحهم بالخير كيف حالكم انشالله بخير

لاهنتو يارجال ابي اماكن فياض ولا ربيع زين بين القصيم والرياض
بالمجمعه وحوله وان حصل احداثيات لاهنتو اكون شاكر لكم

[قرناس الليل]

^
جزاك الله خير على الرد .. بس ما قلت لي كيف طريقها هل هو سهل للسيارات الصغيرة ؟

الله يوفقك
افادوك الشباب بطريقها والكوامري تخش

بس ليت تشوف الوضع باقي شي ولا الحر بخر الدنيا كلها ومابقى شي;)

واللي يعرف كيف وضعها الان ليت يفيدنا

[لبنان11]

سلاااااااااام يالنشاما
وش ح ـالكم ؟؟ انشاالله بخير
يالربــــــع سؤال مايتأجل ولا عليكم امــر ابي الرد ضروري الليله
لأن ماعندي الا بكره وابي اقضيه ..
ابي انشدكم عن روضة التنهات كيف اجوائها بكره احد جاها قريب هل فيها حيا ورهيبه ذال اليومين ..؟؟؟؟؟
ابي الر الله يخليكم ... ومشكوووووورين بانتظاركم

[vwxy229]

Fashion and Discount Supra Shoes, Supra Footwear, Cheap Supra Shoes Sale on the world. It is your best choice , Supra skytop (http://www.high-tops.com/supra-skytop-shoes-c-56.html) shoes , high tops shoes (http://www.high-tops.com)

[هاوى البر111]

ياسلللللللللللللللللللللللللللللللللللللام علمنظر الرهيب

[شاطح وفا]

السلام عليكم ابي تكفون صور لروضة الهايس

[منوخ الركايب]

السلام عليكـمـ...
يالربع انا في الرياض ... ما خبرتوا اماكن قريبة للكشتـــة؟؟
لاهنتوا أبـــــــي الرد ضروري...

[ابو عزام2001]

[
color="#FF0000"]
السلام عليكم ورحمة الله وبركاته
ابي رايكم وشوركم

بتنتهي اختباراتي الاسبوع الجاي وودي اطلع اغير جو واجدد نشاطي لمدة 10ايام

جلست انا والشباب نبي نحدد الوجهه اللين شابت روسنا وماحددنا

ومترددين من ناحية السفر للجهات الجنوبية والجنوبية الغربية

يقول البعض ان ماهو وقت الروحة للجنوب والجو ما يأهل للروحة وان مافيه امطار

يالربع تكفون وش رايكم في كلامهم وان كان كلامهم صحيح

واين نتوجه واين نروح نبي نترك الحرررررررررررررر:f :s :s :f


الفززززززززززززززززعة
والله يجزا من يرد علي بخير ويرفع مقدارة ويجمعه بوالديه في جنات النعيم
[/color]

[alsat3]

[


color="#FF0000"]
السلام عليكم ورحمة الله وبركاته
ابي رايكم وشوركم

بتنتهي اختباراتي الاسبوع الجاي وودي اطلع اغير جو واجدد نشاطي لمدة 10ايام

جلست انا والشباب نبي نحدد الوجهه اللين شابت روسنا وماحددنا

ومترددين من ناحية السفر للجهات الجنوبية والجنوبية الغربية

يقول البعض ان ماهو وقت الروحة للجنوب والجو ما يأهل للروحة وان مافيه امطار

يالربع تكفون وش رايكم في كلامهم وان كان كلامهم صحيح

واين نتوجه واين نروح نبي نترك الحرررررررررررررر:f :s :s :f


الفززززززززززززززززعة
والله يجزا من يرد علي بخير ويرفع مقدارة ويجمعه بوالديه في جنات النعيم
[/color]


وعليكم السلام ورحمة الله وبركاته
تبي تترك الحر عليك بتنومة والنماص جو رائع وعليل وارض خضراء بعد الامطار
اتكل على الله وان شاء الله ماتندم
لك تحياتي

[ابو عزام2001]

وعليكم السلام ورحمة الله وبركاته
تبي تترك الحر عليك بتنومة والنماص جو رائع وعليل وارض خضراء بعد الامطار
اتكل على الله وان شاء الله ماتندم
لك تحياتي


شاكر لك ومقدر

[البر هوى بالي]

صباح الخير يالربـع

أخواني اولاً : أنا جديد يعني ضيف عندكم
ثانياً : لاهنتم اخوكم ساكن الرياض جديد وابي اطلع للبر بكره أخر اليوم مع العائله وش افضل مكان قريب من الرياض

الرجاء سرعة الرد لاهنتم يالنشاما

[عمار المهند]

اريد الذهاب لابها وابغى الوقت المناسب لسقوط الامطار لهذا العام1431

هل في شهر 8 مناسب الوقت لسقوط الامطار

تحياتي لكم

[مكشاتي طيبه]

والله يااخي العزيز والعلم عند الله ان وقت الامطار تقريبا من 20 شعبان وصاعدا مجرد توقع

[وادي غران]

اريد الذهاب لابها وابغى الوقت المناسب لسقوط الامطار لهذا العام1431

هل في شهر 8 مناسب الوقت لسقوط الامطار

تحياتي لكم

هلا بك أخوي


حسب متابعتي السنوية فإن أمطار عسير الغزيرة غالباً تبدأ بعد منتصف يوليو (شهر 7 ميلادي) وقد تتأخر أحياناً بضعة أيام لكن أقواها غزارة تكون من بعد الثلث الأوسط من شهر أغسطس وهي توافق رمضان هذا العام :(.

[شمووس]

السلام عليكم

الله يعطيكم العافية ويسعد من يرد علي بحياته

باذن الله متوجه من المدينة المنورة الى الشمال اقصي حد طريف وراجع للمدينة وطريق

الرحلة المدينة حايل عرعر طريف والعودة عن طريق تيماء تبوك المدينة اكيد راح تواجهني

اماكن للكشتات ولاكن معلوماتي قليلة الاماكن ذوات الخضرة والاودية الجارية او العيون ومجدول

وانا راجع ازور الديسة جهه تبوك الله لا يحرمكم الجنة تفيدووني ولكم مني كل احترام :d

[المذهـــــــب]

الله يوفقك أخي العزيز على هذه الجهود

[yasore]

انا ابغى اعرف كيف طعم الفقع و نفسي اكله

[عبدالعزيزالثبيتي]

ماشاء الله تبارك الله
الله يعطيك العافيه