ارجووكم رجاء خاص ياعضاء مكشات وخاصه اهل الخبره

[طير وحش]

السلام عليكم ورحمة الله وبركاته

لو سمحتو ياهل الخبره ابي منكم الافاده

عندي طير جير حر مشاءالله عليه

بس فيه طبع واحد اللى هو اذا جيت ابرقعه يحاول يعض الايد

واذا جيت امسح عليه بيدي يحاول يعضها

ولا هو راكد على الوكر وعلى اليد مشاءالله عليه فيه الطبع هذه وياليت تساعدوني اني اتغلب على الموضوع

وفيه طيور احط ايدي على صوايده ولا يتحرك وفيه احط ايدي على صدره ولا يتحرك بس الطير هذه يحاول يعض اذا مسحت او حطيت ايدي عليه


وتحياتي لكم

واسمحولي على الاطاله

[صاحب نوماس]

وي هذي طبوع الوحوش كذا اذا حاولت تمسح علية يعض بس انت امسح عليى ماعليك منة ولاتفكر انة يبي يعضك لانك اذا جيت تمسح علية ثم وخرت يدك يحسب الطير انك تبي تسوي لة شي بس امسح علية ولاتحاول توخر يدك وكثر النقلة علية حنا اغلب الطيور البيتية اللي نطلعها من الربطة تسوي اعبر من كذا بس مع كثر النقلة يطيح راسة والمسح علية لانك اذا جيت تمسح علية اما انة يعضك والا يوخر راسة من تحت يدك

[شامان 28]

افادك اخوي صاحب نوماس

[طير وحش]

لاهنت وتسلم على ردك واهتمامك وننتظرر الجميع

[@قرناص@]

وعليكم السلآم ورحمة الله وبركاته ,,

افضل طريقة كثر نقلة الطير ووقت التدهيل يدك تكون مقبوضه الطير يخاف من المنفرده ويبدى يعض!

واذا طيرك يعض من الدرجه الاولى امسك منسره من تحت فتره بسيطه وفكه وارجع دهل وعلى هالحركه بعدها ان شااء الله يظبط

[ولد مساكن]

وعليكم السلآم ورحمة الله وبركاته ,,

افضل طريقة كثر نقلة الطير ووقت التدهيل يدك تكون مقبوضه الطير يخاف من المنفرده ويبدى يعض!

واذا طيرك يعض من الدرجه الاولى امسك منسره من تحت فتره بسيطه وفكه وارجع دهل وعلى هالحركه بعدها ان شااء الله يظبط

:good: :good: :good: :good: :good: :good: :good: :good: :good: :good:

[راعي الذيب1]

لف صبعك بتييب
و قرب صبعك على عرض لباذرته و ان ريته يعض دخل صبعك عرض في ثمه و خله شوي فترة لين ينغث
و طلع صبعك
و ارجع قرب صبعك عرض من ثمه و يوم يبا يعض دخل صبعك على عرض مرة ثانية في ثمه و لا تطلع صبعك لين ينغث

و ان شاء الله المرة الثالثة لا قربت صبعك ما بيعض موووووووول بإذن الله

و لو عظ خلك بها الطريقة لين يقلع العظ

[أبو أمين]

عندك قلم حطه عند بوزه الين ما يطفش من التقريط وبعدها ما عاد هو مقرط

[شواهين]

وعليك السلام ورحمة الله وبركاتة
وانت تعلفة على يدك قرب اصابع يدك اليميين من العلف الي على الدس
ولي شفتة نسر قطعة كبيرة ورفع راسة الحق راسة بصابعك وامسح على صدرة براكده
وماراح يعض لانه بيكون مشغول بالنسير ولا تطول
ومرة بعد مرة بيعرف ان يدك ماوراها ضرر وبيركد ان شاء الله
وهذا الي اعرفة والعلم عند الله

[ابو صمعان]

بيض الله وجيهكم حتى انا استفدت منهاذي الطرق الزينه لطير

[الهواوي 502]

اخوي عليك بالنقل ,,,,, وامسحه وصح عليه عشان يخاف منك,,,

وهاذي جربتها في طير من الطيور وضبط,,,,

وفاله الخرب

[جلمووود]

بالنسبه للبرقع شف اذا كان ضيق غيرهواذا كان مقاسه مضبوط في هاالحاله حط له في البرقع لحمه صغيره 3 الى 4 مرات في اليوم

[أبوالحارث]

اخوي الغالي يمكن ان البرقع غير مناسب لطيرك بدل البرقع وبلنسبه لطبع الطير حاول انك تمسح علا صدر الطير بهدؤء وضب يدك بشكل قوي علشان اذا الطير عض يدك ما تتضرر ولاتسحب يدك بصورة سريعه او بخوف لان اذا الطير حس انك تخاف منه اذا عضك يضل فيه هذا الطبع هذا حد علمي والله اعلم وتقبل مروري

[حر الجوف]

الاخوان ما قصروا

[مغرم مقناص]

وعليكم السلآم ورحمة الله وبركاته ,,



افضل طريقة كثر نقلة الطير ووقت التدهيل يدك تكون مقبوضه الطير يخاف من المنفرده ويبدى يعض!



واذا طيرك يعض من الدرجه الاولى امسك منسره من تحت فتره بسيطه وفكه وارجع دهل وعلى هالحركه بعدها ان شااء الله يظبط




والله انك صقار

كفى ووفى وماعلى البقيه قصور ..

[جبريت]

السلام عليكم بالنسبه للبرقع اقرن الطير راح يخدم انشالله للبرقع واذا مافاد معاه القران استخدم التيب الكرتون وماجاك عندي بس لاتعلم احد ههههههههههههههههه

[0ج0]

السلام عليكم ..

اخوي الحلات هذي كثيير.. بس لاتيأس

مردك بتبرقعه .. بس فيه طريقه على شان مايخاف من البرقع يمكنه يخاف من البرقع الطريقه هي .. لي برقعته وجيت بتشل البرقع لا تشله بسرعه

شوي شوي

ولين صرت فاضي .. شله على يدك الدس بيكون على اليسار طبعا .. والبرقع على يدك اليمين .. وحاول انك تبرقعه لو مب راضي حاول حاول ..التكرار يعلم الشطار ..ولف اصابعك بتييب مثل ماقالو عشان مايعض لين يعرف البرقع عدل ولا يخاف منه..


هذه والله الموفق

[طير وحش]

بيض الله وجيهكم ولا هنتوووووو وجعلكم ذخررر


وعزالله انكم كفيتوو وافيتووو