المساعد الشخصي الرقمي

مشاهدة النسخة كاملة : الكشاح...يحتاج الى احداثيات..الغرابي


الكشاح
25/10/2004, 11:43 PM
السلام عليكم ورحمة الله وبركاته

اخواني الكرام سبق وان زرت الغرابي وكان في رمضان الماضي..لشراء بعض مستلزمات الرحلات

كصندوق العزبه..والرواقات..وبعض الاشياء..الذي يحتاجها الكشات...

ارجو ان اجد احداثيات الغرابي ...او المحلات التي تبيع لوازم الرحلات

وان كان هناك محلات على طريقى وانا ذاهب الي مكة بمشية الله..ارجو افادتي عنها

على ان تكون اسعارها مناسبه...

وكذلك اود ان اعرف موقع توافق للخيام..

وجزاكم الله خير
مشغول
26/10/2004, 10:33 AM
هلا والله وغلا بالكشاح .

عندك الله يحفظك محلات كثيرة على الدائري الشرقي وازينهم سعر واغراض محل المقناص مخرج 15
وعندك في طريق الملك فهد محل ذيب الصحراء في اسواق العويس .. وعندك محل اليوسف خلف وكالة سزوكي في طريق خريص .. وايضا محل صيد قريب من الجسر المعلق الدائري الغربي .


أما عن شارع الغرابي ممكن اوصفه لك ان بغيت .. بس تراه زحمه مررررة وغالي .

وفي الخدمة .. دق علي واوصف لك اذا مادليت .. وغذا تبي اوصلك بعد ..
طبعا بعد ما اعطيك الرقم :)

وهلا بك أخوي
ولد وايل
26/10/2004, 10:55 AM
هلابك اخوي كشاح

الغرابي قريب من حي البطحاء بقلب الرياض.....

اذا ما دليت ارجو ارسال رساله sms قبل الاتصال 00966500667881

اوارسال رساله على الايميل ho985@hotmail.com

بس ياريت توصف لي ياخوي وين ينباع قدر الشوي وكم سعره
الكشاح
26/10/2004, 11:26 PM
السلام عليكم ورحمة الله وبركات

الاخ مشغول تسلم ياطيب والله يبارك فيك

كل كلام جميل وطيب والله يعطيك العافيه...بس انا ودي...بالاحداثيات..على القارمن..لتمكن من الوصول بسهوله

وجزاك الله خير


عزيزي ولد وايل اشكرك على خدماتك...وانا خابركم اهل الرياض ..قول وفعل

وتسلم على ردك الطيب وترحيبك..بالنسبه للقدر...كتبت عنه في نفس الموضوع...

عموما القدر موجود في جيع محلات الاواني المنزليه...الامارات وخاصه المدن الكبيره

والاسعار مختلفه..على حسب الاحجام..فالي شفتة قيمته..85 درهم..

وتسلم اخي الفاضل...ورقمك محفوظ لاخلا ولاعدم
فتـ الخرج ـى
27/10/2004, 08:04 AM
أخوي الكشاح بعطيك الوصف بتفصيلل الممل
وأنت على طريق الملك عبد العزيز ووجهك جنوب أطلع قدام لين يجيك دوار الستين بتقولي ما تعرف دوار الستين بقولك اللي يجي عند محلات تأجير السيارات بتقولي ما تعرف محلات تأجير السيارات بقولك انزل على من الدائري على مخرج 10 وجهك غرب لين يجيك طريق الملك عبدالعزيز ثم لف يسار وسيييييد لين يجيك الدوار في وجهك
طيب وصلت الدوار لف يمين واطلع لين تدخل تحت نزله يعني فوقك شارع وأمش لك كم إشارة قدام لين يجيك أشارة ما فيها لفة يمين لف معها يسار ثم أول إشارة تجيك لف يمين بتصير دخلت الغرابي بيجيك على اليسار محلات كفرات بعدين بتجيك أشارة ما تقدر تطلع قدام هذي وراها في الأخير محلات الرحلات عشان توصلها لف يسار و ادخل مع أول لفة يمين وسييييد لين تجيك أرض فاضيه في وجهك لف معا يسار لا تناظر يميمن لأنك بتشوف محلات السيارات مالك دخل فيها المهم لف يسار لين تطلع على الشارع و لف يمين واطلع قدام لين تجي محلات الخيام في وجهك وقف سيارتك مقابل المسجد اللي قدامه ليين بنزين التسهيلات و أكون كذا وصلتك الغرابي

*** لو تتبع التوصيف الللي عطيتك بتوصلل للي تبي براحة ****

أرجو أني ما طولت عليك
عروان
27/10/2004, 09:19 AM
أخوي الكشاح


أنا عندي أحداثي الغرابي بالرياض. بس أصبر علي لين أخذه من الجهاز الليلة لان الجهاز بعيد عني الحين, و أرسله لك أو أحطه بالموضوع هذا.


أطيب تحية لك
عروان
28/10/2004, 06:24 PM
أحداثيات سوق الغرابي كما وعدتك بها أخوي الكشاح:

24.38.662 N
046.43.195 E

و موقعة في الرياض "وسط المدينة, البطحاء"


بالتوفيق أن شاء الله
علي الخضير
06/04/2015, 09:31 AM
جزاكم الله خير