ابشتري كمية سمك من الدمام وين تنصحوني

[علوان]

ياهل الشرقيه

السلام عليكم

ابي تنصحوني بأحسن واحد في سوق القطيف او الدمام اريد 4حافظات سمك و ربيان

الوقت هذا ماهي انواع الأسماك واسعارها

ابرجع ان شاءلله للقصيم يوم الخميس

نسيت اقول عيدكم مبارك قبل الزحمة والشحمة

[علوان]

نسيت اقول لكم اني رحت البارح لسوق الدمام لقيت الشعور واحد يبيع الكيلو ب12 وثاني يبيعه ب20
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
وهو نفس النوع فطلعت وانا ماشريت شي ولا لعشاي!!!!

شربت سمكة يالله اكلناه من ريحته الغرييييبه من مطعم الرمانه الشارع الاول

[هوا بحري]

عليكم السلام
اذا تبي الشور رح للحراج بسوق الدمام او القطيف وخذ من الحراج
زاود بالسعر وخذ وعادة يكون الحراج بعد المغرب مباشرة أنت رح
قبل المغرب وشف السمك المعروض بالحراج قبل يبدا وشف الي
يناسبك وزاود عليه بكذا اوفر لك من المحلات وتضمن أنه
طازج وجديد وفالك طيب

تحياتي

[accentkool]

الله يرزقك السمك الطيب

[نمط]

لا تعتمد على شخص معين
لأن كل يوم يختلف السمك الطيب وتواجده عند من
أفضل شي مثل ما ذكر لك الأخ هو الحراج
لأن السمك طازج توه جاي
وسعره مناسب

رح حراج القطيف بعد صلاة الفجر , والحراج الثاني في العصر او بعد صلاة المغرب
بتلقى أطيب الأسماك
خد ما يناسبك وزاود بالسعر
ولو تمت على غيرك تقدر تشتريها منه وتعطيه فايدة

وناظر السمك وقلبها وبتعرف جودتها
السمك الطازج يكون متماسك
وعيون السمكة تكون حادة صافية , اذا كان فيها غمام فهي غير طرية
لون خياشيم السمكة الطازجة تكون حمراء فاتح قريب من الوردي
اذا احمر غامق قريب من البني فهي غير طرية

وبالعافية
عندك الآن أنواع كثيرة طيبة , الفسكر ولعريضي ولسبيطي
والشعري تقريباً متوفر على مدار السنة
أنصحك في الربيب , خصوصاً الربيب الحجم الكبير يكون ألذ
للصالونة وللكبسة وللمقلي
من 3 كيلو وطالع

الكنعد الآن موسمه أيضاً
الصافي طيب وهو في نهاية موسمه
خصوصاً صافي القمبار أو صافي الغزول هو ألذ من صافي القراقير وأقوى منه

[jasim7]

وعليكم السلام ورحمة الله وبركاته


وانت بصحه وسلااامه


تقريبا من كم اسبوع رحت لسوق واخذت جوووووله


فيه سمك حتى البسه(cat) ماتاكله (بسوق الدمام)
اسأله متى جاي هذا السمك يقولي اليووم :eek:


:no2: قلت له هذا شكله عندك من شهرر


(اللي ماعنده خبره بالسمك يشتري من الحراج)


مثل ماقالوا لك الاخوان احسن شي من الحراج



ع فكره حراج الدمام بعد صلاة الظهر



بالتوفيق لك اخوي


وعوافي مقدمااا

[سفير الشرقية]

أنصحك أخي الكريم بأن تنتظر وقت حراج السمك وهو بعد صلاة الفجر وبعد صلاة المغرب من كل يوم في الأسبوع أرخص في السعر وطااااااااااااازج وأفضل حراج الدمام
تحياتي

[eleas]

افضل حراج حق القطيف ورح بعد صلاة الفجر يكون طازج والي اعرفه انه موسم الكنعد وكلهم طالعين البحر يصيدونه لان السمكة الوحدة يوصل سعرها الف ريال

[علوان]

السلام عليكم

اشكر لكم تفاعلكم

رحت لم سوق القطيف بعد المغرب على طول بس حصلتهم يحرجون على جمبري بس ووصل1300

ولقيت كنعد المن300 ريال
وهامور300
يعني مهب شين

شكرلكم

[A B D U L L A H]

اخوي روح حراج سوق السمك بالجبيل - نظيف وطازج ومافي زحمه زي القطيف والدمام

وآي خدمه هناك من عيوني ... آكلم لك ( المحرج ) برآسه يساعدك

رآسلني

[al3omdaah]

سوق القطيف والجبيل