شوزن ام خمس ماركة لانبر اسبانيه

[zawick]

السلام عليكم ورحمة الله وبركاته

اخواني بغيت رايكم وخبرتكم حيث اني شريت شوزن ام خمس ماكة لانبر اسبانيه جديده وابغا اعرف هل هي جيده وكم ضغط الفشق اللي يناسبها.

مانستغني عن الله ثم عن خبرتكم ورايكم.

[براوينغ]

مرحبا اخوي والله يعطيك خيرها ويكفيك شرها وعسى فالها الحباري والقطا
وبالنسبه للاسبانيه لانبر ,, انا سمعت عنها كلام والكلام على عهدة الراوي ,, وانا بصراحه ما استعملتها عشان أقدر افيدك بكلام 100 % , انا سمعت بواحد من الشباب رمى فيها قرامات وانفجرت يقول ما تتحمل قرامات قويه ,, وانا ما ادري كم كحد اقصى الغرام اللي ترميه بس اتوقع انها ( ماغنوم 3" ) أي ترمي من 24 إلى 56 ,, وانا اقول لك الضغط اللي يناسبها ويناسب كل بندق حتى لو من الايطاليات كـ بنلي وبرتا ,, هو من 24 إلى 40 قرام كحد اقصى !! وانا اتوقع اكبر شئ بترميه الا وهو الكرك والبط و 40 قرام كافي عليه وهذا يطول بعمر البندق لو انها رديئة ,, اما بتستعمل فيها قرامات حتى لو انها من بنادق الطيبه تبي تتأثر مع كثرة الاستخدامات ,, وانا سمعت بأن الاسبانيه لانبر انها ترمي طلقتين او ثلاث بضغطة زناد واحده يعني كأنها رشاش وبصراحه الكلام على عهدة الراوي انا ما جربتها واتمنى لك التوفيق واتمنى أفدتك ولو بالشئ البسيط :: واسمحلي على القصور طال عمرك

[ابو99]

اخي عندنا ثنتين مانرمي بهن اظغوط ما تحمل ازود من 36 والا هي مازونه والله يطعممك من خيره ويكفيك شره

[مجنون الجوني]

السلام عليكم
أخوي في اثنين رجال شرواك اعرفهم زين عندهم {لانبر}الاسبانيه حلوه ماصورته للقميري قوه والله بعد مشيه الله ماتخطيه ابد تضمنه ضمان
اما للضغط ماتصلح ابد أحسن شي له {32.36}غرام
الصراحه هي حلوه قوه بس فيها عيب قوي ماله قطع غيار ابد وإذا خربت تلحم لان ماتوجد بالسوق ابد نادر تلقاه
انا انصحك ماتشريه لان قطع الغيار مشكله كبيره
فيه التركيه الستوقر موديل 2000 التركيه حلوه أنا الصراحه ماشفته بس سمعت به
أما الاسبانيه أنا مستخدمه حلوه قوه للرمي القميري والقطا بس قطع الغيار مشكله
أخوي الله لايهينك عندي سؤال الله لايهينك تجاوب علي {{بكم سعره}}

[zawick]

اولا احب اشكر اخواني الشقرديه ولابه قصور في باقي اعضاء المنتدى ويشرفني ردودكم وبصراحه استفدت منكم عظيم الافاده, وبالنسبه للبندق انا شريتها بكرتونها وبترخيصها ب5000 ريال سعودي

[قناص خليص]

ماعندي علم عنها يالغالي بس مايقصرون معك الأخوان

[صلفان.نجد]

البندق من تجربتي لها ممتازه وارم قد ماتقدر ضغوط لانها سوبر ماغنوم ةهي تشيل 7 طلقات ويجي منها نوعين (منقوش/ساده)وبالنسبه للقطع متوفره بالكويت عند وكيلها(البواردي/مزيد).وهي خفيفة الرمي وبعض الربع يفضلها على غيرها.

[هولوكس2005]

اخوي المعلومات الي تبيها موجوده على الماصوره
تلقى ثلاث ارقام يا 2 وثلاث ارباع يا 3 يا 3 ونص
2 ماترمي ضغوط
3 حده 56
3ونص حده 67

[أخو شمروخ]

خفيفة و أنيقة و تنفع للحمام فقط