خيمة البيرق

[الجيب عز]

تحية للجميع ،،،
ناوي أشتري خيمة البيرق 3#3،،،لكني متردد ،، هل هي بالفعل سهلة التركيب والفك؟؟
آمل من خبراء الكشتات أن لا يبخلوا على أخيهم بالمشورة.

[عاشق السيل]

خيمة البيرق أفضل من أي خيمة من ناحية التركيب والفك والمتانة والجودة والمواصفات المميزة ،،

عيبها الوحيد غاااااااااااااااااااااااااالية !!!

وأنا أنصحك تاخذ 4*4 تراها أوسع بكثير ،،،

[سرهيد]

السلام عليكم

هلا بك اخوي الكريم

اما سهلة الفك والتركيب هذي ما يحتاج واسألني عنها

تستطيع حملها وتركيبها بنفسك انت

سؤالي كم عداد افراد الرحلة ، لاني من واقع اراه صغيره نوعا ما

وهناك منها نوعان المبطن والعادي



تقبل مودتي

[واحد بري]

انا شخصياً استخدم مقاس 3*3 غاطين
وهي قمة في الروعة من ناحية سهولة النصب والفك بسرعة خيالية
وكذلك خفة الوزن عند الحمل
وطبعاً يوجد مقاسات اكبر من هذه
4*4 و5*5
ويعتمد اختيار المقاس على احتياجاتك وعدد افراد الرحلة
لكن اذا قررت انك تاخذ غاطين وهي ادفئ من الغاط الواحد
ومقاس اكبر من 3*3 فاني انصحك انك تاخذ مقاس 5*5
لان الفرق في الوزن بين مقاس 4 و 5 لا يذكر
بين الفرق بين 3 و4 كبير في الوزن
هذه التفاصيل
مقاس 3*3 غاطين الوزن 32 كيلو
مقاس 4*4 غاطين الوزن 50 كيلو
مقاس 5*5 غاطين الوزن 55 كيلو
وفي النهاية لك الاختيار لان الاسعار تدخل كذلك في مسألة تحديد الحجم المناسب

[الجيب عز]

أخواني: عاشق الليل ،، سرهيد ،، واحد بري
اشكر تفاعلكم ،، في الواقع عدد أفراد الرحلة من خمسة لسبعة أفراد،،، ماذا تشرون علي به،،3#3 أو 4#4
؟؟وهل أشتري الخيمة من القاضي نفسه ام من موزعين أرخص ؟؟أطلت عليكم بس فرصة الواحد يجد من يشور عليه من خلال الجمع المبارك.

[سرهيد]

أخواني: عاشق الليل ،، سرهيد ،، واحد بري
اشكر تفاعلكم ،، في الواقع عدد أفراد الرحلة من خمسة لسبعة أفراد،،، ماذا تشرون علي به،،3#3 أو 4#4
؟؟وهل أشتري الخيمة من القاضي نفسه ام من موزعين أرخص ؟؟أطلت عليكم بس فرصة الواحد يجد من يشور عليه من خلال الجمع المبارك.

السلام عليكم

انا اشير عليك بـ 4 * 4 وفوق لان لها فتحة مع احد الجوانب بالكامل بهذا الشكل

http://www.mekshat.com/pix/upload03/images124/mk40450_mk62360_1-5-1.jpg

http://www.mekshat.com/pix/upload03/images133/mk40450_6ec87b79d4.jpg

كان هناك مقاس 4.5*4.5 لكن لم يعد يصنع لا ادري ما السبب

انصح بالمبطنة مع انه اثقل قليلا لكنها رائعة جدا

واتمنى من يفيدنا بسعرها الحالي

تقبل مودتي

[الجيب عز]

يامال العافية اخي سرهيد على الشور والطلة ،،أنا معك أنتظر من يأتي بالسعر ،،لك فائق احترامي وتقديري..

[المساعدي]

حقيقة انها خيمة خفيفة وراائعة . نقلااا على من استخدمها

اضافة الى ان لها شكل جميل جدااا


بالتوووفيق ان شاء الله

[ابو عبدالله 911]

عيوبها( انحش نصيحة مجرب ثقيلة ممله تاخذ مكان في السيارة وزنها خمسين كيلو وتثقل بعد المطر اكثر(نصيحة تجربة شخصية) انا ماخذ ها 1450 ريال.) تكسر الظهر في شيلها
مميزتها الطبقتين دافية -باب واجها كاملة- سرعة نصبها (4*4)تحتاج شخصين في نصبها:D

[لاتكب البيالة]

السلام عليكم
خيمة 3*3 مهما كون نوعه لا تاخذ شي له عامود بالمنتصف لان الخيمة بتضيع
وبالنسبة للبيرق ميزته سهولة النصب وهالميزة موجودة ايضا في كثير من الخيام اما الخفة فهي عادية بالمقارنه بغيره السعر غالية
وغيره احسن منه بالمطر والهواء القوي

[قطاع البراري]

أخوي خربت خييييييييييييام واااااااااااااجد والله مالقت احسن منها
عمليةوخفيفه وانيقه وسريعة النصب
طلعت مره انا وبعض الشباب ومعي البيرق 5*5. اثنين منهم شروها على طول اول مارجعنا

[شملول]

ياخي الثقل مشكلة..
مافيه خيمة خفيفة..!!

[عزبة بر]

ما شاء الله خيمة حلوه
لكن غااااااااااااالية :(

[الجيب عز]

اشكر جميع الأخوان على تفاعلهم ،،،
رحت بعد صلاة العشاء (وطيقت) لي وحده،،البيرق 4#4 طبقة وحده السعر 1270 ريال ،،،
رحت ناوي 3#3 بس لقيتها مكتومه وما فيها ميزة أن الواجهة بالكامل مفتوحها ،،أنا كنت أظن أن جميع المقاسات فيها ميزة الواجهة المفتوحة لقيت هالميزة فقط في 4#4 وطالع ..
المهم فكرت واشتريت 4#4 لأن الواجهة المفتوحة تصبح مثل المظلة وبكذا تكون الخيمة 8#8
بس الصراحة مثل ماقال ابو عبد الله الخيمة وهي في جرابها مع حديدها ثقيلة مرة:eek: تمنيت يأجرون معها (افغاني ) بنظام الساعة علشان يشيل معي :D
أنا الحين (زمل) وش لون احطها فوق التندة:j

[فلاجكوو]

خيمه حليوه لاكن غليويه شوى....

[عاشق السيل]

اشكر جميع الأخوان على تفاعلهم ،،،
رحت بعد صلاة العشاء (وطيقت) لي وحده،،البيرق 4#4 طبقة وحده السعر 1270 ريال ،،،
رحت ناوي 3#3 بس لقيتها مكتومه وما فيها ميزة أن الواجهة بالكامل مفتوحها ،،أنا كنت أظن أن جميع المقاسات فيها ميزة الواجهة المفتوحة لقيت هالميزة فقط في 4#4 وطالع ..
المهم فكرت واشتريت 4#4 لأن الواجهة المفتوحة تصبح مثل المظلة وبكذا تكون الخيمة 8#8
بس الصراحة مثل ماقال ابو عبد الله الخيمة وهي في جرابها مع حديدها ثقيلة مرة:eek: تمنيت يأجرون معها (افغاني ) بنظام الساعة علشان يشيل معي :D
أنا الحين (زمل) وش لون احطها فوق التندة:j

ألف مبروك ،،، وخير ماسويت وهذا اللي أنا ناوي أسويه إني أشتري 4*4 بدون بطانة علشان تكون أخف بالوزن من المبطنة وأقل بالسعر ومن ناحية البرد يكفي الفراش الزين واللبس الدسم ;) !!

والحمد لله طمنتي على السعر إنه ما ارتفع كثير كانت قبل سنة 1250 والحين 1270 !!!

ومن ناحية الوزن أنا ناوي أسوي حركة تخفف من وزنها وهو إني أفصل جراب خارجي خاص للأعمدة والأطناب والشاكوش وتصير الخيمة لوحدها بالجراب حقها وبكذا صارت جرابين بس خفيفات :good:

وش رايك عاد بالفكرة ؟؟؟؟ :D

[فيصل التميمي]

ان شاء الله الشباب يفيدونك

[الجيب عز]

أخي عاشق السيل،،الله يبارك فيك ،،،وبما أنك ناوي على وحده ،،حبيت أقولك أني سمعت أن فيه نيه لزيادة السعر بعد العيد على أساس بداية الموسم ،،
وبالنسبة لفكرة تجزئة الخيمة فهي فكرة رائعة اهنيك عليه وسوف اقوم بها .