أيهم أفضل شد حايل أم السنيدي أم عروق الشمال ( من واقع خبرتكم )

[مغامر]

السلام عليكم ورحمة الله وبركاته


يالله حي الربع , وكل عام وأنتم بخير ..


من واقع خبرة أو تجربة أو معاينة ..
أيهم أفضل شد للشاص , حايل ( الاختيار ) أم السنيدي أم عروق الشمال
وماهي مواصفات كل واحد منهم , ووش مميزاتهن ..
لأني شفت بالعرض حق السنيدي أن شدهم يختلف عن الثانيات
من حيث أن الجلسة الداخلية فيه أمكانية تصير أوسع ويصير فعلاً مجلس شعبي ..


انتظركم , أبي شرح مستفيض لأني جازم أطق حداهن ,,
ومالي غناة عن ربعي بمكشات أهل الخبرة والحنكة بالكشتات ..

[سرهيد]

السلام عليكم

هلا بك اخوي الكريم

لن يفيدك بالامر مثل من جرب واخي الضاحي مجرب شد حايل

وانا مجرب شد عروق الشمال في ددسن وجمس

والحقيقة من وجهة نظري الشخصية حائل شغل رائع جدا ، لكن يعيبه ثقلة وسعره اغلى من عروق الشمال

عروق الشمال شغله زوين وما عليه بس يحتاجك معهم اثناء العمل لتلافي اي خطأ قد لا يكون على مزاجك وركبت عندهم ددسن وجمس وما شفت خلاف الى هذه اللحظة

السنيدي لم اجربه حقيقة ولكن ما تحدثت عنه سعره غالي

هذا ما لدي

وتقبل مودتي

[لاتكب البيالة]

السلام عليكم
اذا انت بالرياض فعندك المواهب انا شفت واحد مفصل عندهم الشد صراحة شغلهم ممتاز اما الشراع فالغرابي ويبيطلع لك بنصف التكلفة
واذا انت تبي احد المحلات اللي ذكرت فأنا اشوف ان عروق الشمال اكثر شي يفصلون عنده

[ألنشمي]

السلام عليكم

قبل حوالي سنه تقريبآ, اجريت دراسه نظريه لي حيث كنت ناوي اركب واحد منهن.

الخيار الاول كان الاختيار لكثر ماسمعنا عنه.
الحديد يفصل بورشه ثانيه غير الاختيار. وهم بس يركبون الشراع.

بالصدفه سمعت عن السنيدي انه يفصل اشرعه فزرة مركزهم الرئيسي ببريده. وطريقتهم نفس الاختيار بس ارخص شوي.

وكلا الطريقتين يعيبهم شي واحد, الا وهو تسكير الابواب الجانبيه بواصطة التلزيق(الشيكشوك) الى مع الوقت راح تبطل تلزق على بعض من خبره.

اما عروق الشمال والى ركبته يمتاز بانه يقفل الابواب الجانبيه بواسطة زوايا حديد مما يقلل من دخول الغبار والماء ويخدم. والى الان له راكب اكثر من سنه ولم يتغير عليه شىء.

وأنصحك تشوف وتجرب قبل ماتركب, سكره عليك وشف الضوء يدخل مع الابواب ولا لا. وابتعد عن التقفيل بالتلزيق لانه راح يخرب من الشمس بعد صيفيه وحده.

[الضاحي]

تفضل يا اخي الكريم

اضغط هنا (http://www.mekshat.com/vb/showthread.php?t=82187&pp=15)وستجد معلومات وافية عن شد حايل

الله يوفقك