انتل دموند 6.5 ديبي و 280 واط ومكثف اصلي توه نازل السوق

[المترو]

السلام عليكم ورحمة الله وبركاته
اولا لاحظت ان اغلب المواضيع الموجوده خيمة الأجهزة اللاسلكية قديمه شوي كلها من عام 2000 وانت نازل الا ما ندر وكما يعلم الجميع ان عالم الاتصالات يتغير بشكل سريع وخاصه الاجهزه وملحقاتها ومن هنا فقد لاحظت هذه الايام اناتل وبعض الاجهزه الاخرى ومنها بالذات الاناتل

وهذا من باب التجديد لا التنقيص بالمواضيع الاخرى

دموند 6.5 ديبي 280 واط ومكثف راكب معه وسعره حوالي 160 ريال وشرط اصلي بدون القاعده
بدل القديم 150 واط الاصلي

سيريو انتل ايطالي جديد قديم بس انه وصلتين اصلي بعد وعليه ضمان يجي وصل وواطاته كثيره بس ما اذكرها

كيبل امريكي RG8 ومكتوب عليه صناع امريكيه وبسعر الصيني 3ريال للمتر طبعا حسب كلام صاحب المحل وفعلا قريت هذا الكلام من ناحية الصناعه made in usa

واشياء اخرى لم اركز عليها

هذا والسلام عليكم الرحال2003

[نقا هشال]

يعطيك العافيه ياغالي

[تركي عبدالله]

السلام عليكم ورحمة الله وبركاته مــــمــــكـــن ان تــــــكــــتــــب رقــــــــم المـــــوديــــــل او ان صــــورتـــــــه وهـــــــل جــــــربــــتــــه وكــــــــيف ارســـالــه وتـــنـــصــح بــي اســــتـــخــدامـــه وشـــــــــكـــــرآلـك يــــخــــي الـــرحـــــال 2003

[الخبير]

السلام عليكم
خبر جميل والله يبشرك بالخير، لكن هل هو وصلتين؟

فيما يتعلق بالكيبل كود اجربه.

[ابو فاطنة]

السلام عليكم ورحمة الله وبركاته
الله يبشرك باخير اخوي الرحال 2003
وزي ما قال الخبير هل هو وصلتين ولا وصله وحدة
وهل هو افضل من الدايمنت الوصلتين القديم ويعطيك العافية

[المترو]

هلا بكم جميعا
نقا هشال بالخدمه يا خلفهم
هلا اخوي تركي العبدالله
لا يا خيي ما جربته لكن هو طلبيه لدار البوصله لن تجده عند غيرهم اما انا لم اجربه وللاسف لايوجد عندي رقم موديله ولا صورته بس مر على دار البوصله واسأال عنه ابو مكثف الاصلي

الخبير نعم هو وصلتين وجاي طلبيه لدار البوصله وعجبني مكثفه غريب شوي طويل واهم شيى انه اصلي و150 ريال قليله على الانتل الاصلي
اما الكيبل فعلا التجربه خير برهان ولاحظت السلك الداخلي خمسه ماهو زي الثاني سيم واحد عند ادنى عفطه ينكسر هذه ملاحظاتي عن الكيبل

اما الانتل السريو فهو مشهور بدول الخليج طبعا الاصلي وشركة سريو مشهوره

ابو فاطنه هلابك وهو نعم وصلتين اما افضل من القديم نعم من ناحية تحمله الى 280 واط لان الاصلي القديم 150 واط فقط
وتحياتي للجميع الرحال2003

[رفيع الشان]

أخوي الرحال يعطيك العافيه ....

بس عندي سؤال وش فايدة زيادة قوة الكثف للأريل بالواط يعني تحمل واط اكثر من الجهاز ...
شكرا

[المترو]

هلابك دمعة بعير لكن لم افهم اي جهاز تقصد
اذا كان المقصود الامبي فهي 200 واط وانا اخذت انتل كومنت 3.5 ديبي يتحمل 300 واط حسب نصيحة مشرفنا العزيز الخبير وبعد القياس طلعت الامبي تطلع صافي 286 واط اذاً كان اخوي الخبير صادق انه انتلي بهذا المقاس مناسب للامبي 200 واط بس كان الخطاء انه الانتل ردي ماهو اصلي وراجعه 2 وهنا الخطاء الفادح لي لكن غيرته بأنتل اخر الدموند 200واط وصله وحده الاصلي وراجعه 1.1 كان قديم عندي تلافيا لزود الراجع وبعد يمكن انه ما يتحمل امبيي لانه ببساطه ماهو اصلي وطارت 60 ريال بالهواء لكن العمر فاني



اما اذا كان المقصود الايكم فا بصراحه تفاجئت لاتغير الارسال عندي بعد الدعثه اللي سويت بالاعلى
صرت اطفي الامبي و افر القسام بين انتل الانبي وانتلي العادي انتنكس قصير واراسل افضل بنسبه من 60 ال70 % من السابق بدون امبي اما في هذه الحاله فلا دخل للواطات بالموضوع اللهم المكثف يحسن الارسال والاستقبال افضل
يا خيي صرت اروح حول التنهات واراسل اهل الرياض

الزبده انتل اصلي اي نوع وصله وصلتين ان حصل + كيبل RG8 + تاريض للانتل والايكم = ارسال افضل ب 70 % من السابق

وان كنت فسقان طق امبي 200واط مع اللي فوق وراسل افضل من السابق 200 %

وبالسياره راسل اللي حولك من 200 الى 250 كيلو

وهذا بفضل الله ثم مكشات ومواضيعه واخص بالذكر توجيهات الحبيب الخبير مشرفنا العزيز المشرف على رسالة الاستيشن اللي سويت واقسم بالله اني اول مره اتعرف على هالعلوم
كثرت عليكم وخصوصا دمعة بعير شكلك تقول ليتني ما سألت

وسلامتكم جميعا الرحال2003

[رفيع الشان]

شكرا لتعقيبك أخوي الرحال ... ويعطيك العافيه

اللي قصدت هو ان مكثف الارايل اذا كان عالي مثل الجديد اللي عرضته انت يتحمل واط أعلى خارج من الجهاز والامبي ولا لا ... لك الشكر

[ولد وايل]

يا شباب ما حصلت انتل اصلي بالسوق ولا حتى امبي .... من يساعدني


انا اسمع بسيريو هو زين ومن وكيله هل هو الصقر والصقار (اليحيى)

وكم سعره وفزعتكم يا شباب......

...........تقبل الله منا ومنكم صالح الاعمال...........

[المترو]

دار البوصله عندهم سريو الايطالي الاصلي
وفعلا سمعت من بعض اللي استخدموه انه زين والله اعلم

اما الامبي فالغالب اللي بالسوق نوعين امبي طوكيو قطع اصلي تجميع ماليزي
اللي لونه رصاصي والذهبي قطع تايواني تجميع تايوان اللي هي 200 واط

والله اعلم