اصحاب الخبرة في الهايلكسات.....سؤال؟

[برق نجد]

السلام عليكم ورحمة الله وبركاته
يااخوان معي هلي2003 ابي ارفعة من قدام
رفعته الين طقت المسامير على الاخر لكن
مانفع ابي ارفعه زود قالي واحد اقلب العمدان
لكن مافهت قصدة واي عمدان؟؟
ومشكورين...

[السالمي]

انت الظاهر راعي مراقى وماتبي الموتر يضرب وجهيته

واغلب اللي عندهم هواية المراقى يشيلون اللحيه اللي تحت

لاكن الطريقه اللي انت قلتها ماعندي خلفيه عنها

[فـ(الجـوف)ـتى]

اخوى

بالنسبه للرفع من امام انا انصحك ان لاترفعها زياده لانه ربما الى يرفعه لك لايوزنها

وفي هذه اللحظة يصير بالسياره(( سحكيه )) ويظر بها لكن اذا انت تبيها للبر شل اللحيه

التى امام واذا انت مصر على الرفع ربما الذي رفعها لايعرف او لايجيد الرفع والله اعلم

الذى انا اعرفه انه ترتفع من امام عادي لكن العمدان لا ليس لى بها خلفيه وشرط من

يرفعها لك ان يوزنها لكى لاتصير بها سحكيه 0

http://www.wanash.com/up/33333.bmp

[ممتر البران]

السلام عليكم ورحمة الله وبركاته
اخوي ما جربت ترفعه عن طريق تركيب مساعدات ومثل ما قالو الاخوان احلق اللحيه عفوا فكها
عشان مايحك بالرمل او يظرب وجهه
وبالنسبه للرفع يقلبون المسامير الي تحت الي ماسكه البودي بالشاصي وبكذا يرتفع وجهه ولا انصح بهالطريقه مع ان اخوي مسويها لكن بيتحسف
بس فيه اظرار
1-يلعب الهوا بالموتر
2- يطيح عزمه بسبب ظرب الهوا فيه
3-تزداد صرفية البنزيم
فاعتقد المساعدات هي الحل المناسب ولازم تكون من نوع جيد
هذا الي عندي واي خدمه انا جاهز
على فكره في اظرار اكثر لكن هذا الي يحظرني

[برق نجد]

السالمي
فتى الجوف
مشكورين وماقصرتوا...
اخوي ممتر البران
وين المسامير الي ماسكه البودي بالشاصي
طيب وش ا لفرق بين رفعه بالمساعدات وبالمسامير؟
الله يعطيك العافية.

[أبو يوسف]

اخوي اذا رفعته الين اخر المسامير ترا الكفرات بتفرش وتصير مايله

نصيحة لا ترفعه زاجد


مع التحية

[أيمن]

السلام عليكم ورحمة الله وبركاته ..
رفع الهايلوكس من الأمام بالضبط مثل الطريقة التي ذكرتها، وهي تؤثر في الغمارة لكن تأثير الرفع في الغمارتين ضئيل جدا ..
اللحية كرامة ورجولة فلا تفرط فيها ..
- كل ما في الأمر أنه لابد أنك تقلب الحدية اللي ماسكة العمدان المنتهية بصوامين الوزنية ..
- الوزنية أمرها سهل جدا ولا يحتاج لها مختص.
- قمت بعملية رفع موتري بتقليب عمدانه منذ ما يقارب سنتين ونصف ولم أشتك منه مرة واحدة.
- المساعدت ليس لها أي تأثير إطلاقا في رفع الموتر، تتحكم فقط باهتزازه.
- سيكون هناك تأثير بمقدار رفعك لوجهية الموتر في السرعات العالية بعد 100 كم/في الساعة، من تأثير على العزم والصرفية.

تحيتي

[فتى الجنوبية]

نصيحه من اخو لا ترفعها ترا الهايلكس ما تصلح للرفع تحياتي

[برق نجد]

ابوهديل
فتى الجنوبية
ماقصرتوا

مشرفنا العزيز ايمن (وولد ديرتنا:D )
اقلب العمود كله ولا الحديدة الي ماسكتها الصامولة
اقدر اقلبها بنفسي ولا لازم ورشة
((اللعابات وين احصلها فيه))

[ممتر البران]

السلام عليكم ورحمة الله وبركاته
اللعابات يا اخوي للي ورا عشان ترفع الصندوق
والمسامير مثل ما قال ايمن وتلقاها باينه من عند الكفر وراه لف الكفر يمين وتبين من جهت باب السواق اوالمعاوني اذا لفيت يسار
والفرق ان المساعدات ما ياثر وجد
وان المساعداتتبدلها بس
بدون ما تلعب فيه وتقلب

[الفــــارس]

اسمع النصيحه ترا الرفع يضر السياره مررره انتبه

[أيمن]

عفوا أخوي عاشق الدخل على التأخر ..
المقصود الحديدة اللي ماسكة الماصورة، وبعدها يمكنك ترفع موترك أو تجعله مثل ماكان .
أما قضية هل يلزم ورشة أو لا .. أنا عندي قاعدة دائمًا أطبقها، مادام شي لا يمكنني إفساده حتى لو ما عرفت له لابد أن أعمله، وهو ما فعلته بدما وفرت المكان المناسب والعدة المناسبة، وانت ورايك أظن المحلات يوونها أقل شي 50 ريال.
اللعابات ما تلقاها مخروطة إلا بالصناعية القديمة ويجي منها أطوال أطول شي 20 سم.
من عيوب اللعابة أن اللسست تكون بينة من ورا ويمكن يضرب فيها شي وانت راجع على ورا ..
بإمكانك وضع جلب بين السست !
أو تقويس السست وطرقها حسب الطول اللي تبيه .

أرجو أني أفدتك، وأنا حاضر إن كان عندك استفسار .

تحيتي

[برق نجد]

تقصد الحديدة الي جنب الكفر ام صامولتين
او الي ماسكتها مسامير الوزنية

[أيمن]

نعم .. اللي ماسكتها مسامير الوزنية.

تحيتي

[برق نجد]

اخي ايمن كفيت ووفيت والله لايحرمك الاجر
المعلومة وصلت
وكذلك الشكر موصول لكل الاعضاء الذين شاركو في هذا الموضوع...

[قناص شقراء]

اخوي
عاشق الدخل أنصحك اذا انت مصمم على الترفيع

انك تجرب الــ(كعكات)+ تغيير اليايات+ تغيير المساعدات(جرب الأسترالية) تراها :good: :good:





أخوك:
راعي الهواوي .

[برق نجد]

راعي الهواوي
وشي الكعكات ممكن توضح اكثر؟؟

[قناص شقراء]

الكعكات : هي مثل الربلات لها مقاسات عديدة دائرية الشكل تلقاها بالماية (المركز الرئيسي) .