يالعيـن ويـن أنتـي عـن الـنـوم يالعـيـن

[الوهيداني]

يالعيـن ويـن أنتـي عـن الـنـوم يالعـيـن = هاللـيـل نـومـك مـبـعـدات(ن) ظـعـونـه
والله لــو أنـــك عـلــى الـنــوم تبـكـيـن = الـنـوم حــال الـضـيـق دونـــك ودونـــه
ميـر اصـبـري لا عــاد للقـلـب تشكـيـن = ويـزيـد قلـبـي مـــن عـذابــك طـعـونـه
وتكـفـيـن لا تـزيـديـن مـافــي تكـفـيـن = مابـي خـفـي مـابـا البـشـر يبخصـونـه
والـسـد لا مـنـه طـلــع بـيــن الاثـنـيـن = قـامــوا مـقـاريــد الـبـشــر يـنـشـرونـه
والصـبـر مفـتـاح الـفـرج ذكـــر بـالـديـن = وكـم واحـدن شـاف الفـرج فـي عيونـه
والله فـرج ليـوب عـقـب مــرض شـيـن = وعقـب مــاذاق مــن الحـيـاه المهـونـه
عقـب ماكـل جسمـه مـن الـدود ثلثيـن = جــاه الـفـرج مـــن واحـــدن يرتـجـونـه
كــل البـشـر أهــل غـنــاه ومسـاكـيـن = لـــه يـرفـعـون كفـوفـكـهـم يطـلـبـونـه
لـواحـد الـفـرد الـصـمـد فـــارج الـديــن = عـالـم بـغـيـب الـخـلـق لـــو يكتـمـونـه
يالله يــافــارج مــــن الـعـســر لـلــيــن = يـامـن تـسـوق الـريـح بـامــره مـزونــه
لرض(ن) دهر يبس شجرها من سنين = ومـن الـدهـر هـشـم ومـاتـت غصـونـه
يامرجعـلـه عـقــب مـاصــار قسـمـيـن = عــــوده ولا فــــآ الـهـبـايــب ركــونـــه
ياكتب(ن) عشـرة عمـر بيـن شخصيـن = ذكـــــر وأنــثـــى بـســنــة يـتـبـعـونـه
ومـــن آدم وحـــوا خـلـقـت الـمـلايـيـن = وفـرقـت بـيـن الخـلـق شكـلـه ولـونـه
اســود وابـيـض بــس بالخـلـق لونـيـن = والشكل أحسب أرض (ن) بها يسكنونه
هـذا مــن أمريـكـا وهــذا مــن الصـيـن = وكـــل(ن) بشـكـلـه ولـغــه يـعـرفـونـه
وكــل لـــه مـذهــب وديـــن وقـوانـيـن = ومشـى بطريـق أهلـن قـبـل يعبـرونـه
يامعـامـلـن بـنــي سـرائـيــل بـالـزيــن = ومـوفـر(ن)مـايـطـلــبــون ويـــبـــونـــه
خلـقـه ونـفـذ ماطلـبـوا وهــم طاغـيـن = وكــــرم نـبـيــن بـالـطـلـب يـرسـلـونـه
عنهم عفـى فـي كـل ماهـم ماسويـن = وهـــــم كـتــابــه كــانـــوا يـحـرفـونــه
ويـوم أنهـم خـانـون وصــاروا شياطـيـن = وخـوفــه وعـفــوه واصـلــوا يجهـلـونـه
مـن تحتـهـم ارضــه جعلـهـا بــرا كـيـن = وخــل الامــن فــي بيوتـهـم يفقـودنـه
وخلقـه ســوى عـنـده بـكـل المـوازيـن = كـانــوا عــــرب والا عــجــم بالـنـمـونـه
مـاكــرم الا خــلــق لـجـلــه مـصـلـيـن = لـــه يـسـجـدون وبـالـخـفـا يـسـألـونـه
اللـي لهـم فــي ماكـتـب رزق راضـيـن = وماجـا منـه لــو هــو شـقـى يقبلـونـه
الـلـي عـلـى كتـابـه ومافـيـه ماشـيـن = ومـارسـل رسـولــه فـيــه ماينـكـرونـه
ذولـى الـرجـال الـلـي بالفـعـال وافـيـن = والـلــي وســـام المـرجـلـه يلبـسـونـه
الــلــي بــحــب الله والــعــز نـاشـيــن = والــلـــي رزقـــــه الله مـايـحـسـدونـه
هــم الــذي عـاشـوا بـربــح الحيـاتـيـن = وعـنــد المصـيـبـه ربــهــم يـشـكـرونـه
واللـي باعيـب النـاس ماهـو مضاهـيـن = والله سـتـرمـن شـوفـهــم يـسـتـرونـه
وعـاشـوا عزيـزيـيـن ومـاتــوا عـزيـزيـن = واللـي مشـى درب الخـطـا ينصحـونـه
يــــاالله يـاكـافــل حــيــاة الـمـعـاقـيـن = يـــارازق(ن) طـيــره وسـبـعـه بـكـونـه
يـارب ياللـي ماتـبـا يـكـون فــي حـيـن = يـانـاصــر بـالـديــن مـــــن يـنـصـرونــه
يـامـجـريـن دم الـبـشــر بالـشـرائـيـيـن = عـفـوك قـبــل لـــي الـقـبـر يحـفـرونـه
يــــارب لا مــنــي تــركــت المـحـبـيـن = ابـــا الـسـتـر والـخـيـر لـــي يـذكـرونــه
وعفـوك مـن ذنـوب(ن) علـيّـه ملايـيـن = بـيـوم(ن) بــه العـالـم جـبـر يحضـرونـه
يوم(ن) حضـوره مايحصـل فيـه بعديـن = يـــوم(ن) تـغـيـر فـيــه أمـــن حـنـونــه
يــوم أختـبـار الـلـي بهالعـمـر لا هـيــن = الـلـي ورى مــال الـشـقـى يـطـردونـه
وبالـعـمـر مـاســروا بـعـيــد وقـريـبـيـن = ومـاحـصـلــوا بـوجـيـهـهـم يـلـهـمـونـه
ولا همـهـم نــاس مــن البـعـد عـانـيـن = وقـريـبــهــم والـــجـــار مـايــقــدرونــه
نــاس(ن) سـعـاره بالحـيـاه ومجـانـيـن = أقـــرب قـريــب لـيــا حـصــل ياكـلـونـه
وقـت السعـه بالـهـرج مـاهـو بسطـيـن = أقـــــوال والا الـفــعــل مـايـضـمـنـونـه
ولا شفتـهـم تـقـول وش هالسلاطـيـن = الـطـيـب لـــو أنــــه بــحــر يـشـربـونـه
ووقـت الشدايـد مـاحـدن فيـهـم أيبـيـن = والـــبـــاب لـلـمـحـتــاج مـايـفـتـحـونــه
والطـيـب لــو انــه لـنــاس(ن) غنـيـيـن = ان كــــان ثـلـثـيـن الــعــرب يـتـركـونـه
مـاطـاب بـالـمـوال كـامــل والبابـطـيـن = الــلــي بــلــد بـامـوالـهــم يـعـمـرونــه
الطيب ملك اللي علـى الطيـب ضاريـن = لــو الفـقـر عـضــت أيـديـهـم أسـنـونـه
الـلـي لـهـم بالطـيـب ذكـــر وعـنـاويـن = لـو هـو سبـب فـي فقرهـم يشتـرونـه
الـلـي كرمـهـم مــع بعـيـديـن وادنـيــن = وخـــف الــقــدم للـمـرجـلـه يتـعـبـونـه
ولا يـذبـحــون لضـيـفـهـم دون ثـنـتـيـن = لـــو أنـهــا ديــــن وعــقــب يـدفـعـونـه
واللـي لهـم ذكـر(ن) يـسـر الحجاجـيـن = ويـحـشـمــون الـضــيــف ويـكـرمـونــه
وكل(ن)يـراقـب كلمـتـه قـبـل لا تـبـيـن = الــهــرج قــبــل بـدايـتــه يـفـحـصـونـه
مـن شــان مايـاتـون بالـهـرج مخطـيـن = ومــن جــا خـطـاه بــلا سـبـب يدّبـونـه
ولـيـا عـطـوا يـعـطـون روس البـعـاريـن = شطـر(ن) قـبـل مقـيـول زلــت حتـونـه
قوم(ن)بفعـل الطيـب دايــم ماسمـيـن = طـبـع(ن)ولــد مـعــهــم ولا يـتـركـونــه
سبحـان مـن لـه يسـجـدون المصلـيـن = خـــلاق كــــون الــنــاس مايعـلـمـونـه
وجـيـال تخـلـق فـيــه وجـيــال فـانـيـن = وكــــل حــفــظ لـلـجـيـل مايـفـعـلـونـه
تحفظ قصـص وشاعـر وسـط الدواويـن = وحيـن بقـى عـن مامـضـى ينشـدونـه
وتبقـى علـوم الطـيـب والطـيـب يبـيـن = والا الــردي مـنـسـي قـبــل يدفـنـونـه
وعزي لحال اللـي عـن الطيـب مقفيـن = يــنــزلـــون الـــــــراس مـايـرفـعــونــه
والـلــي فـعـولــه ماعـلـيـهـا بـراهـيــن = هـــرج الـكــذوب الـنــاس مايهـرجـونـه

[راعي العشاير]

صح السانك ويعطيك العافيه

[ابو عنقا]

تسلم على القصيدج الرائعه

وعـزي لـحـال الـلـي عــن الطـيـب مقفـيـن يـــنـــزلـــون الـــــــــراس مــايــرفــعــونــه

وعزالله صحيح

تحياااتي

[برق مرات]

ماشاء الله
صح لسانك اخوي الوهيداني وماقصرت