المساعد الشخصي الرقمي

مشاهدة النسخة كاملة : مشكلتي مع رجه السياره


عاشق vip
27/11/2009, 07:16 PM
السلام عليكم ورحمه الله وبركاته

أهلاً وسهلاً بالجميع

* عندي مشكله أعاني منها يا أخواني الكرام من زمان .. فياليت من لديه الخبره أو لديه أي معلومه يفيدني فيها الله يسعدكم .. ومشكلتي هي إن معاي كابرس موديل 88 .. عندي رجه بالسياره كلها .. الرجه تختلف بعض الأحيان تطلع من 80 وبعض الأحيان تطلع 120 .. وبعض الأحيان رجه قويه وبعض الأحيان رجه بسيطه .. غيرت الكفرات والجنوط أخذتها نظيفه جداً وسويت لها ترصيص ونفس المشكله .. غيرت عمود الدوران وكانت نفس المشكله .. ما أدري وش المشكله بالضبط .. ( وللمعلوميه عندي الدفرنس في حنه ما أدري هل لدفرنس دور في رجه السياره أو لا لآن مالي خبره كافيه في السيارات ) فياليت تساعدني الله يرحم والديكم .. وكلي ثقه بخبرتكم الكافيه في جميع المجالات ..

تقبلوا شكري مقدماً
turke2545
27/11/2009, 10:53 PM
السلام خير بدايه واشرف غايه
يشرفني ان اكون اول من يرد على موضوعك
تقول ان فيه حنه او حره في الدفرنس يعني يا في الكارونه
او في الرمان حق الكارون او في الفلنجه حقة العمودالخلفيه
في طريقه لفحص اذا كان العمود في صليبات يسبب رجه او
حره
رفع السياره من الخلف كامله وتعشيق السيارة بدون ان تدوس بنزين
وتنزل وتطالع تحت السيارة راح تشوف العمود فيه رجه يايكون ينزل ويطلع
العمود اذا يكون يطلع وينزل فكه وده لاحد المخارط ليفحص العمود والصليبات
ارجوا انها وصلت المعلومه وشكرا:)
عاشق vip
27/11/2009, 11:12 PM
هلا فيك أخوي

ولي الشرف الأكبر بحضورك

أما بخصوص العامود فأنا مغيره من قبل سنه ـ وغيرت كمان الجربكس لأن في واحد قالي إنه منه وغيرته ونفس المشكله ـ بس اليوم في واحد من الشباب قالي إن المشكله من الهوبات معدومه ما أدري هل الهوبات تسبب رجه ترج كل السياره وهل لها سرعه معينه أو إن رجتها بسيطه .. أنا بصراحه ما شيكت على الهوبات لأني أبعدته نهائياً لأن الأغلب تكون الرجه من الكفرات والترصيص ومن العامود ولا الجربكس يعني ما أدري هل للهوبات دور في رجه السياره ؟؟ ياليت تفيدونا الله يجزاكم بالخيير .. وشاكر لك أخوي على حضورك وردك السريع والله يعطيك الف عافيه ..
turke2545
27/11/2009, 11:42 PM
اخوي عاشق vip الهوبات ماتسبب رجه ابد في السيارة الا اذا مسكت
فرامل يرج الموتر لاني الاسبوع الماضي مغير الهوبات لانه فيه رجه
عند الفرامل قلت شكله يبي خرط قالي المهندس لازم تغيير لانه منتهي مرة ......
أبو نديم
27/11/2009, 11:59 PM
السلام عليكم

أخوي أقترح عليك تعمل ترصيص للكفرات عند أحد الورش

وغالبا عند المخرطة لأن عندهم جهاز الترصيص أفضل من اللي عند البناشر

أو محلات بيع الكفرات فالأجهزة بتاعتهم مو مزبوطة

أرجو أن أكون أفدتك

تحياتي
سوبر VTC
28/11/2009, 02:20 AM
و عليكم السلام و رحمة الله

ارفع الموتر من الخلف و خل شخص يدوس على سرعه 100 و تحت
على مستوى الرجه
ادخل تحت السيارة و حط سكروب على حد العمود الخلفي
و لاحظ هل العمود يبعد عن السكروب ام لا
حط المفك على 3 اماكن من العمود
اوله
اخره
و في الوسط

تاكد من الصليبات
تاكد من كراسي القير و المكينة


موفق
عاشق vip
28/11/2009, 08:34 AM
السلام عليكم ورحمه الله وبركاته

في البدايه أحب أشكر الجميع على التوضيح لي .. والله يعطيكم الف عافيه .. ويرزقكم الجنه بلا حساب ولا عقاب .. أما بخصوص الموضوع فإن شاء الله راح أشيك على العامود مع إني مغيره قبل سنه وأخذ واحد جديد .. وبإذن الله راح أشيك على الصليب والأمور الباقيه .. والله يعطيكم الف عافيه .. وما قصرتوا ..