محلات المياه المحلاة او المفلتره اين اجدها موضوع للفائده ... سطام vip

[سطام vip]

بسم الله الرحمن الرحيم

السلام عليكم ورحمة الله وبركاته

اخواني اعضاء مكشات الاعزاء

حطيت هالموضوع للفائده للجميع وانا منهم

ياليت كل واحد يذكر لنا اماكن محلات بيع المياه المحلاة

لتعبئة خزانات المياه في السيارات

لاني ناوي اكشت اليوم وصراحه الخزان فاضي وما اعرف

الا محل في المزاحميه فقط على شارع المزاحميه العام

والكشته بتكون يا في الثمامه او دقله

ياليت احد يعرف محل مخصص للمياه فس شمال او غرب الرياض

يدلني عليه ويكون هالموضوع لذكر المحلات في جميع المناطق

مع ذكر المنطقه والشارع والخ...

اتمنى الفائده للجميع

ودمتم بحفظ المولى

اخوكم سطام vip

[نفود الطوقي]

انا مثلك يا اخوي سطام
هل يوجد محل في شمال الرياض

[ابو عنقا]

من العايدين الفايزين يا سطام

موضوع مهم بالنسبة لشرق الرياض فتجده في اول شارع الحمزه من جهة خريص وعندهم وايتات

من حفر العتش ومن الهياثم طبعا الهياثم تحليه

تقبل تحياااتي

[سطام vip]

انا مثلك يا اخوي سطام
هل يوجد محل في شمال الرياض

هلا بك اخوي البدر والظاهر ما فيه في الرياض محلات كثيره

لان الاخوان مايقصرون الظاهر الاغلبيه يبحثون مثلنا

اليوم بحثت في محطات طريق الثمامه ومالقيت للاسف

وان شاء الله نلاقي مطلوبنا قريباً

ودمت بحفظ المولى

[سطام vip]

من العايدين الفايزين يا سطام

موضوع مهم بالنسبة لشرق الرياض فتجده في اول شارع الحمزه من جهة خريص وعندهم وايتات

من حفر العتش ومن الهياثم طبعا الهياثم تحليه

تقبل تحياااتي


يا هلا وغلا اخوي الغالي ابو عنقا

وكل عام وانت بخير وعافيه عاش من شافك يالطيب

والله يعطيك العافيه على هالموقع ما قصرت يالغالي

وانا صراحه ما احبذ التعبئه من الوايتات ابداً

لسبب انه مرت علي عدة حالات مرضيه

بحكم علمي في الرقابه الصحيه بسبب المياه

ولما نرجع لمصدر المياه نجده من الوايتات متلوثه او الابار التي تجلب منها المياه

تمنيت الاقي محلات للفلتره والتحليه ويعتبر حل مؤقت ما قصرت عليه

الف الف شكر لك وتقبل احترامي وتقديري

دمت بحفظ المولى

[نفود الطوقي]

فيه أحد الأخوان قالي أن فيه محلات مياه محلاة للتعبئة بأم الحمام والبديعة
لكن ما تأكدت
أبتأكد وأرد لك خبر إن شاء الله

انا قبل يومين رحت للقصيم ولقيت أنواع محلات المياه المحلاة للتعبئة

وش رايك نروح للقصيم نعبي ونجي
لاتصدق تراي أمزح

[سطام vip]

فيه أحد الأخوان قالي أن فيه محلات مياه محلاة للتعبئة بأم الحمام والبديعة
لكن ما تأكدت
أبتأكد وأرد لك خبر إن شاء الله

انا قبل يومين رحت للقصيم ولقيت أنواع محلات المياه المحلاة للتعبئة

وش رايك نروح للقصيم نعبي ونجي
لاتصدق تراي أمزح


يا هلا بك اخوي البدر :D الله يسعدك اجل القصيم مره وحده

الا عندي لك راي ليش ما نفتح محل انا وانت ونعبي توانك سياراتنا وبعدها نبيعه :D

بالنسبه للبديعه ما اعتقد ان فيها محلات لاني قريب يمهم ولا عمري شفت محل مياه

اما ام الحمام صراحه ما ادري انت شوف ورد لي خبر جعلك تسلم

الف شكر لك يالغالي على اهتمامك

وتقبل احترامي وتقديري

[عبدالرحمن305]

هلا وغلا بالاخ المهندس سطام


ماء التحليه هو نفسه ماء البيت الحلو


وعندما سكنت الدمام لاحظت الشقه لايوجد فيها ماء حلو


لك اجمل واطيب التحايا

[ابوعابد2500]

عندنا بالشرقيه بالخبر مصنع ثلج ويبييع ماء

لكن والله مافي افضل من الماء حقه واذا سويت منه قهوه وشاي تعال شوف الطعم شي خيااايلي

رابط المكان من موقع الخرائط

http://www.wikimapia.org/#lat=26.2692068&lon=50.208528&z=18&l=10&m=b

[النوفي 3535]

اخوي لا تدور وتوجع راسك مافية بالرياض نهائيا
تحياتي

[escape_man]

سطام

في محل خابره مبطي .. مدري موجود لهالحين او سكر ..

اذا جيت نازل من الغرب للشرق ومخلي نادي الهلال على يسراك .. قبل الاشارة الي توديك يمين لمستشفى الامير سلمان بكم عمارة فيه محل يعبي موية تحلية ..

كنت اعبير منه دبات قبل كم سنة لكن هل المحل باقي ؟؟ مدري عنه

كان قريب فالله لايهينك ازرق له وعلمنا وان حصل لي مشوار يم ذيك الجهة علمتك ان شاء الله

[العابر]

خوي في الرياض ممنوع .............ممنوع

[نواف نجد]

بسم الله الرحمن الرحيم



السلام عليكم ورحمة الله وبركاته


اخواني اعضاء مكشات الاعزاء


حطيت هالموضوع للفائده للجميع وانا منهم


ياليت كل واحد يذكر لنا اماكن محلات بيع المياه المحلاة


لتعبئة خزانات المياه في السيارات


لاني ناوي اكشت اليوم وصراحه الخزان فاضي وما اعرف


الا محل في المزاحميه فقط على شارع المزاحميه العام


والكشته بتكون يا في الثمامه او دقله


ياليت احد يعرف محل مخصص للمياه فس شمال او غرب الرياض


يدلني عليه ويكون هالموضوع لذكر المحلات في جميع المناطق


مع ذكر المنطقه والشارع والخ...


اتمنى الفائده للجميع


ودمتم بحفظ المولى


اخوكم سطام vip



المزااحميه فل محلات المياه لتعيئه والله انك صادق عادي سير علينا بالمزاحميه وتقهوا وعب مويه وروح

[سطام vip]

هلا وغلا بالاخ المهندس سطام


ماء التحليه هو نفسه ماء البيت الحلو


وعندما سكنت الدمام لاحظت الشقه لايوجد فيها ماء حلو


لك اجمل واطيب التحايا




هلا بك اخوي الغالي عبدالرحمن

ايه صحيح نفس البيت بس ياخوي انا ابي مفلتر بحكم استخدامه للشرب والطبخ والغسيل

والا مان عبيته من الخزان ومن باب المحافظه على التانكي من الرمل وطعم الهوزات

المنزليه والشرقيه واعتقد جده مياه الشقق فيها غير محلاة

الف شكر لك على مداخلتك يالغالي وتقبل احترامي وتقديري

دمت بحفظ المولى




عندنا بالشرقيه بالخبر مصنع ثلج ويبييع ماء

لكن والله مافي افضل من الماء حقه واذا سويت منه قهوه وشاي تعال شوف الطعم شي خيااايلي

رابط المكان من موقع الخرائط

http://www.wikimapia.org/#lat=26.2692068&lon=50.208528&z=18&l=10&m=b



ما شاء الله تبارك الرحمن

الله يعطيك العافيه اخوي ابو عابد والاختلاف بين المحلات يعتمد على الفلاتر وقدرتها على

ازاله الروائح والطعم والشوائب كل الشكر لك على مرورك ومشاركتك

وتقبل احترامي وتقديري

[سطام vip]

اخوي لا تدور وتوجع راسك مافية بالرياض نهائيا
تحياتي


شكله كذا بس ابشوف المحل الي قال نه اخوي ابن غيثات

وشاكر لك مرورك وردك

دمت بحفظ المولى



سطام

في محل خابره مبطي .. مدري موجود لهالحين او سكر ..

اذا جيت نازل من الغرب للشرق ومخلي نادي الهلال على يسراك .. قبل الاشارة الي توديك يمين لمستشفى الامير سلمان بكم عمارة فيه محل يعبي موية تحلية ..

كنت اعبير منه دبات قبل كم سنة لكن هل المحل باقي ؟؟ مدري عنه

كان قريب فالله لايهينك ازرق له وعلمنا وان حصل لي مشوار يم ذيك الجهة علمتك ان شاء الله


يا هلا وغلا اخوي الغالي ابن غيثات

والله يعطيك العافيه على مرورك وردك وان شاء الله اليوم ابمر عليه اذا فضيت

وابعطيكم خبر اكيييد

الف شكر لك وتقبل احترامي وتقديري

دمت بحفظ المولى

[سطام vip]

خوي في الرياض ممنوع .............ممنوع


هلا بك اخوي العابر وصادق شكله ممنوعه هالمحلات والا كان

تشوف البنقاليه مالين الرياض محلات تحليه

الف شكر لك على مرورك وردك

ودمت بحفظ المولى



المزااحميه فل محلات المياه لتعيئه والله انك صادق عادي سير علينا بالمزاحميه وتقهوا وعب مويه وروح


هلا بك اخوي نواف نجد

يا مال الغناة وياجعل عمرك طويل بيت اخونا ونتشرف بمعرفة الرجال شرواك

وانا كل اسبوع امر المزاحميه

واعبي من المحل المذكور في بدايه الموضوع وان شاء الله بكره ابمر عليه

امس بالليل باقي في التانكي ماء وقلت خلني افرغ الي فيه علشان النظافه

لاني ابي الرايش وبودرة التلحيم تروح منه المهم من طلعت من روضه المحليه

الين وصلت المزاحميه وانا مخليه يصب واشتريت اغراض قلت اخليه يفضى مره

ولما فضى رحت اعبي ماء ولقيت المحل مغلق ههههههههههه ياهي غبنه

وجعل في الامر خيره

ياليت تذكر لي بعض المحلات الثانيه لتعبئه المياه الي في المزاحميه اذا تعرفها جعلك تسلم



شاكر لك مرورك وردك اخوي

وتقبل احترامي وتقديري

دمت بحفظ المولى

[نفود الطوقي]

المزااحميه فل محلات المياه لتعيئه والله انك صادق عادي سير علينا بالمزاحميه وتقهوا وعب مويه وروح


أخونا نواف نجد
ياليت تحط لنا أوصاف هذي المحلات
الله لايهينك

[نفود الطوقي]

أخونا سطام Vip

احد الاخوان بحث في ام الحمام لكن ماحصل شيء

لكن فيه سؤال طرا على بالي

هل الماء الموجود لدى محلات التعبئة اللي برا الرياض مثل المزاحمية والقصيم وغيره ، أو في الرياض إذا كان موجود
محلى ومفلتر ، يعني عندهم مكائن تحلية فلترة
أم أنه هو ماء البلدية مثل الموجود في بيوتنا

[ابو الشباب3]

حي الشباب كلن بسمه كيف الحال وكل عام وانتم بخير

فيه محلات في حريملاء بيع وثادق فيه بيع وفيه خيري حاطينه الموسى اعبي منهم كل اسبوعين بحكم الحلال قريب حولهم ومويه حلوه طبعن مكاين تحليه..

وفيه في البير مجانآ حاطينها النصار و فيه قبل توصل للبير 10 كيلو فيه ناس حاطينها الظاهر الحيدري

الله يجزاهم كل خير ...

[عبدالله الدوسري]

أخوي سطام فيه تحلية خيري بعدما تتعدى العيينة ثم الجبيلة (كأنك رايح لسدوس) يجيك على اليسار
وفيه كذا محل في العيينة وسدوس لكنها بيع

فيه محلات تحلية في حريملاء وثادق والبير زي ما قال أخوي أبو نواف
ثادق فيه كذا مكان لكن المشهور منها المجاني (خيري) لابن موسى الله يجزاه خير
والبير فيه تحلية ابن نصار على طريق البير ثادق
وفيه تحلية ابن حمدان (مزرعة المعمورة) قبل ما توصل البير وأنت جاي مع طريق سدير القديم
جميع ما ذكر في شمال الرياض:)

[الستانس]

وازود معلومة فيه في ملهم والقرينة القديمة مقابل بيت الأمير وفيه في حريملاء وانت طالع من الشعيب
يجيك الشارع الرئيسي فيه شارع يتفرع منة يمين ابتل معه سيدا تجيك تحليه على اليمين والبير فيها ثلاث محطات اعرفها بن نصار و الحمدان وفيه وحده في النص ولكن انها غير واضحة المعالم

[علي الشهري]

أنا والله دخت وأنا أدور في الرياض ولا لقيت
والوايتات ما أثق فيها بصراحة!!!!

وأفكر أركب فلتر على الماصورة اللي جايه من التحلية وأعبي منها مباشرة

[س ل ي م ا ن]

السلام عليكم ورحمة الله وبركاته

قبل فتره قرأت موضوع في هذه الخيمه عن أماكن بيع مياه التحليه وكان كثير من الأعضاء


يبحث عن مثل هاذي الأماكن وأنا منهم

وبالصدفه وجدت وايتات ماء قبل صناعية النسيم مقابل بنده على أمتداد مخرج 15

وأنت متجه شرق

عبيت التانكي منه 60 لتر ب10 ريال الصراحه واجده لكن ماودك بكثره الجراكل بالموتر

فحبيت أفيد الأخوان بمكان البيع ولاتنسوننا من صالح دعواتكم

أخوكم سليمان

[TIGER11]

والله يا سطام عندي علم

والشباب مايقصرون مع احد

[الدنيا حلوه]

http://www.br2h.com/uploads/9af720ae05.gif

[سعد ناصر]

بالنسبة للمتجهين لديراب يوجد على الخط جهة اليمين قبل بوابة الحرس الوطني وايت ماء للتعبئة