لأهل الخبرة

[طير علوان]

السلام عليكم ورحمة الله وبركاتة:
وش رايكم بالبعير يصلح للنياق أصايل
البعير الظاهر أنه من عيال الطويل حر وسلامتكم
http://up.arab-x.com/Nov09/8jC74813.jpg

[مدري بس أدري]

لا ما أعتقد

[SIF]

البعير عادي جدا

أنصحك تضرب النياق من غيره

بالتوفيق

[نجم 1]

والله يصلح ضحيه حاول دور غيره

[المشقي]

الله يرحم ابوه اقول ضربه والله يوفق

[ابو سعد 515]

ماشاء الله
اخوي هده على النياق وترا البعير طيب وانشاء الله انتاجه اطيب

[عبدالله العلوني]

مرحبابك يا طيرعلوان
انشد عن انتاجة وش سوى هل حقق مراكز او لا

[جرة عقرب]

بدون مجامله - لا تضرب به نوقاتك ...

[طير علوان]

بيض الله وجيهكم جميعاً على الردود اخوي عبدالله العلوني البعير ماله ذكر جديد في الساحة

[فارس الخاتله]

اخوي انا بنصحك انشاءالله ان نصيحتي طيبه

البعير ماهووبزين ابد ابد ازقم هذا وانا اخوك قصب

بس ضرب وحده من ابلك بس وشف انتاجه يمكن سبحان الله يطرح فيه بركه

ولا البعير لو تقول بالفين ماشريت

تقبل مروري::ابو بداح::

[عبدالله العلوني]

طيب هل فحم البعير من قبل
بعدين فحول الهجن ما تقاس بالشكل بال بسبق شوف تاريخ البعير وتاريخ اخوانة ، امة .
ممكن البعير انتاجة طيب وممكن لا .
فية كثير من انتاج الزمل المعروفة كنسل وهذا رزق من الله ونصيب ×

[alannaby]

اقترح عليك اسأل أهل خبرة

[الهواوي 98]

اللي ماله في الهجن لا يفتي من مخه

[sultan18]

البعير عادي جدا

أنصحك تضرب النياق من غيره

[مكشاتي كوكتيل]

أتوقع الإخوة اساؤوا الفهم

الفحل هذا من الهجن يعني فحل سبق . يعني ماتنطبق عليه معايير الجمال في مزاين الإبل . له معايير أخرى تدور حول السبق والسباقات


أخوي طير علوان مالك إلا تنشد أهل الهجن وهم يعطونك تقرير عن الفحل وعن أبوه وأمه وأسلافه .