الطير رجع العلف وش السوات يالربع

[لاسلكي 20009]

السلام عليكم ورحمة الله وبركاته

يالربع عندي طير وكري كنت اعطيه يوميا نص سمانه وامس عطيته سمانه كامله وكن الطير رجع العلف وريحت العلف يالربع شينه هل فيه ظرر على الطير ..؟؟وش المطلوب مني حتى مايضر الطير مع العلم ان الطير كنه هزل شووووي

ومشكورين

[لاسلكي 20009]

وين الردود يالربع ..؟!!

[عرق الحمراني]

اخافه مستنكر والا يبي الهده
طلعه وشمسه وخل الريح تطقه
اخافك قرنسته بدون تطيره عقبها
ثم اهم شي اطعمه من صيده كانه حر تراه يزوع الطعام في مثل هاليام

[لاسلكي 20009]

الله يعطيك العافيه اخوي عرق الحمراني

في انتظار باقي الصقاقير

[@قرناص@]

وعليكم السلآم ,,

لآيوجد ظرر ان شاء الله ولاكن اسق الطير مويه وبعد فتره عرضه لشمس ..

ولاتنسى تنضيف مكان الطير من الرآئحه ولو تركت الوضع كماهو بيتسبب في السده الله يبعدها عن طيور الجميع ,

ولاتنسى ان يكون الجو منآسب لطير ماهو بآرد ولاحار . (معتدل)

والله يوفقك ومآفيه الا كل خير

[لاسلكي 20009]

بيض الله وجهك ياقرناص حاليا الطير معرض لشمس

[المغتر2]

افادوك الاخوان
وانشاء الله مافيه شي

[saif2009]

ترجيع العلف له اسباب كثيرة ..كان عندي شاهين العام الماضي علفته وبعد نصف ساعة رجع العلف والصبح مات ..احسن شي وده المستشفى وهذا شوري عليك لا يروح طيرك.

[لاسلكي 20009]

ياجماعة الخير الطير على حاله ماتحسن وماودي يموت مثل الطير الي قبله

صاير ضعيف

[alkreze]

ود طيرك للمستشفى.
وأن شاء الله مافيه الا العافية

[غريم الحباري]

اسمع عطى الطير حبة مضاد حيوى حق البشر 250 مع اشوى مويه نص فنجال
وخل الطير مفرع وحطه فى الشمس وفى اليل خذ ابرة بنسلين250واحقن الطير فى صدره 1سم يمين 1سم الثندوه اليسا لاتعطى الطير شى ياكله رح تشوف الطير يغمى عليه اشوى من البنسلين لاتخاف عليه وخلى الطير يباات واطفى اى اضواء فى مكان مبات الطير والصبح اصحى فجر وعطى الطير سمانه يقتلها وياكل منها اشوى وعقب مااكل اشوى لحم بحجم بيضة الحمامه فك منه السمانه وهو لازال يبغيها وخله على وكره ولاعاد تعطيه علف الااذاشفته نزل اللى كلاه والسلام ختام

[..@القناص@..]

الاخوآن فادوك .. والله مالي بها علم

[صقار مبتدئ]

اسمع طيرك فيه قلاع حبوب الكنكر من الصيدليه البيطريه مع برواز 3سم مضاد مع فتمين لمدة ثلاثة ايام الى خمسة و غير العلف الى قمري و الله يشفي طيرك بتقول ليش قمري؟لان القماري اكلها نظيف وهي نظيفة ومفيدة للطير اما السمان ذا المجمد الله اعلم بحله كله هرمونات و بلاوي

[اعدام]

لاسلكي مساك الله بالخير طيرك طال عمرك في التهاب فارسه وعالجه بحبوب التهاب قبل الاكل بساعتين او اكثر

[لاسلكي 20009]

اسمع عطى الطير حبة مضاد حيوى حق البشر 250 مع اشوى مويه نص فنجال
وخل الطير مفرع وحطه فى الشمس وفى اليل خذ ابرة بنسلين250واحقن الطير فى صدره 1سم يمين 1سم الثندوه اليسا لاتعطى الطير شى ياكله رح تشوف الطير يغمى عليه اشوى من البنسلين لاتخاف عليه وخلى الطير يباات واطفى اى اضواء فى مكان مبات الطير والصبح اصحى فجر وعطى الطير سمانه يقتلها وياكل منها اشوى وعقب مااكل اشوى لحم بحجم بيضة الحمامه فك منه السمانه وهو لازال يبغيها وخله على وكره ولاعاد تعطيه علف الااذاشفته نزل اللى كلاه والسلام ختام

بيض الله وجهك

اذا عطيت الطير المضاد الحيوي لازم اعطيه ابره بنسلين ؟؟!!

وش قصدك بـ( اذا نزل الي كله ..؟؟

[لاسلكي 20009]

اسمع طيرك فيه قلاع حبوب الكنكر من الصيدليه البيطريه مع برواز 3سم مضاد مع فتمين لمدة ثلاثة ايام الى خمسة و غير العلف الى قمري و الله يشفي طيرك بتقول ليش قمري؟لان القماري اكلها نظيف وهي نظيفة ومفيدة للطير اما السمان ذا المجمد الله اعلم بحله كله هرمونات و بلاوي

الله يعطيك العافيه

طيب يالغالي كيف حكمت انه قلاع ..؟؟

البرواز وشو ..؟؟

[لاسلكي 20009]

لاسلكي مساك الله بالخير طيرك طال عمرك في التهاب فارسه وعالجه بحبوب التهاب قبل الاكل بساعتين او اكثر

بيض الله وجهك والله يعطيك العافيه

لاكن لو كان الطير مافيه التهاب فرسه واعطيته الحبوب هل تضررره ..؟؟؟

وش اسم الحبوب وشكلها ..؟؟

[عاشق الفتك 20]

ماااقصرو النشامى

[صياد ليبيا]

السلام عليكم ورحمة الله وبركاته
الطير اما يكون ضعيف جدا وما ينزل عشات واذا بات العشا في فرسته الصبح يرده
وممكن يكون متعشي ومازال عنده روباجة ما رماها اسقيه ماء وعطيه فيتامينات
واصبر عليه ممكن يرمي روباجته وعشيه شوي شوي بعد ما يروح عشاه عطيه ثاني
والله تعالي اعلم وان شاء الله يشفي طيرك

[رأعي الخرشه]

لاسلكي مساك الله بالخير طيرك طال عمرك في التهاب فارسه وعالجه بحبوب التهاب قبل الاكل بساعتين او اكثر

السلام عليكم ورحمة الله وبركاته
نعم هذا الكلام الصحيح التهاب الفرسه او اي التهاب داخل بطن الطير
يخلي الطير يرجع العشاء بخصوص الشاهين مايستحمل اي التهاب داخلي شوف حبوب التهاب عام من المستشفى الخاص بالطيور افضل
من حبوب بشريه
تقبل مروري

[الشله]

السلام عليكم

ياأخي طيرك انت قلت هزيل فالطير الهزيل تكون عملية التصريف صعبة لكن خذ نصيحتي مع احترامي للاخوان اللي عطوك رايهم عط طيرك علف بس لا يكون في رباج يعني عطه ثندات حمامه وحده واذا شفت الطير صرفها مره عطه الثانية وياليت تقطع الثندات إلى قطع صغيرة وجبلك مح البيض الاصفر بس جرب قطعة شف الطير ياكلها او يردها اذا اكلها زين نفس الطريقة انت طيرك يبيله قبل كل شي ترفعه شوي والبرد الله يستر عليه تراه يبي يذبحه .

اتمنى اني وصلت المعلومه الصحيحه والسليمة ... وشكراً

[الشله]

السلام عليكم

ياأخي طيرك انت قلت هزيل فالطير الهزيل تكون عملية التصريف صعبة لكن خذ نصيحتي مع احترامي للاخوان اللي عطوك رايهم عط طيرك علف بس لا يكون في رباج يعني عطه ثندات حمامه وحده واذا شفت الطير صرفها مره عطه الثانية وياليت تقطع الثندات إلى قطع صغيرة وجبلك مح البيض الاصفر بس جرب قطعة شف الطير ياكلها او يردها اذا اكلها زين نفس الطريقة انت طيرك يبيله قبل كل شي ترفعه شوي والبرد الله يستر عليه تراه يبي يذبحه .

اتمنى اني وصلت المعلومه الصحيحه والسليمة ... وشكراً

[غريم الحباري]

بيض الله وجهك

اذا عطيت الطير المضاد الحيوي لازم اعطيه ابره بنسلين ؟؟!!

وش قصدك بـ( اذا نزل الي كله ..؟؟

هلا اخوى عطه البنسلين وعلى فكره البنسلين يعتبر حصانه للطير من كل لامراض ولاتخاف عقبه عاد يصيب الطير اى مرض
وبنسبه لمصطلح نزل يعنى صرف اللى كلااه يعنى نزله للماعده وصرفه
والسلام ختام

[عاشق المقناص3]

أفااااادوك الذيابــــة

[ذياب العتيبي]

البيطـــــــري البيطـــــــــري لايمــــــــــووووت

عجل يـآخـــووووي

[الامبراطور777]

بعد التحية اخوي اذا طيرك ضعيف ويرجع الاكل الله اعلم انه فيه دود <مرص الجساس>

يبيله حبوب قامبا الزرق حبتين لمدة 5 ايام

وتقبل مروري سلام

[معط الله]

شكرا لك يا اخا العرب

[الشين]

السلام عليكم....
الأخ الكريم لاسلكي ...
الكلام الصحيح واللي لا غبار عليه مع إحترمي لآراء الإخوان هو كلام الأخ صياد ليبيا والأخ الشله, لأنك قلت أن الطير هزيل يعني ضعيف وما يقدر إينزل العلف من الحوصلة للمعدة لأن تنزيل الطعام يحتاج مجهود من الطير وضغط عضلات وكل هدا يحتاج أن الطير إيكون قوي حتي يقدر علي دلك, والعلف عنده فترة معينة يقعدها بالحوصلة وبعدها إما أن الطير ينزل منه أشوي أشوي (لما ايكون قوي )أو يتعفن بالحوصله ويرجه الطير (لما يكون ضعيف ولكن مازال عنده أشوي قوة يقدر يرجع بيها العلف) أو ما يقدر إ ينزله ولا يرجعه ( لما يكون ضعيف جدا) و يبقي العلف بالحوصله ويموت الطير.

والحمد لله إن طيرك مازال قادر علي ترجبع العلف وإندار ليك أن الطير ضعيف و مايقدر ينزل و التالي يجب عليك تقديم العلف طازجا و لحم صافي من دون عظم ولا ريش علي هيئة قطع صغيرة جدا أو مفروم مع مسهل للتنزيل و هو مح البيض أو الزيت وبنسب قليلة يعني تعطيه أشوي ولما أينزل تزيده وهكدامع الراحة التامة ودون أن يبدل أي مجهود, وإن شاء الله ما عليه خوف بالطريقة الماضية.

ملاحظة:-
إدا كان الطير قوي ورجع العلف فإن دلك يعني أن العلف قد خالطه شئ كيماوي مثل البترول ومشتقاته أوالطيب أو الفحم و التي قد تلحق بالعلف عن طريق الدس أو مايعلف عليه الطير وهي خطيرة جدا وقد تؤدي إلي موته مع قوته, إو هناك إلتهاب بحوصلة الطير .

وكل دلك من خلال التجربة ( وأسأل مجرب ولا تسأل طبيب)

أسال الله أن أكون قد أفدتك و راجائ من الإخوان الزيادة أو التصحيح .....ألف سلامة علي طيرك و تأكل من صيده إن شاء الله .

[الخضاري]

أغلب الضن الطير فيه قلاع