إهداء إلى عاشق الصحراء

[راعي الناقة]

عشقت القمر حيث القمر ينبعث به نور
وأخص الليالي البيض تزهاه ويزهنه
وأحب الهوا لاهب مع خايع ممطور
وريح النفل حيث النفل طيب الخنة
وأحب الكريم اللي يفرج عن المعسور
ليا منه خطا حتى هله ما دروا عنه
واحب الجمالة والجمالة بها مسرور
وأحب الغناة وعز نفسي عن المنة
تذكرت شيبان لنا يوم حنا بزور
يحثوننا بالطيب والفرض والسنة
عاشوا حياة قاسية في دهر ودهور
وعسى الله يعوضهم بما فات بالجنة إتمنى من أخينا عاشق الصحراء لو يتحفنا ببقيتها وهي للشاعر الكبير سليمان الهويدي

[عاشق الصحراء]

بس انا ابي اهدي لك هدية غالية.
من جبال ابها الى شرقي الخبر== في الحضر و البدو ما نلقى غلاك.
------------------------------------------------------------------------------

حديث الريح ..أعذب أحاديث..الطبيعة الخلابة و أجملها و بنات الريح ..أحد هدايا
الحب وضعها الزمن بين يدي سمو الامير خالد الفيصل فكانت أجمل هدية تلقاها
و أهداها لنا .. وانا سوف أهديها لك.......


[/poet]
من بنات الريح لي صفراء جفول=كنها ضبي الفلا بجفالها
منوة الخيال عسّاف الخيول=زينها.. في دقّها و جلالها
زينها ما شفت وصفه بالمثول=الله اللي بالجمال اصخى لها
تستذير أكحيلتي من كل زول=ما يصخرها سوى خيالها
أذكر الله كل ما قامت تجول=و أحمد الله خصني بحبالها
كنها تمشي على قرع الطبول=فتنة اللي خافقه يطرى لها
ضافي القصة على الطرف الخجول=تنكسر شمس العصر بظلالها
وصفها وصف السحاب اللي يحول=كل عين تستخيل اخيالها
أو كما طاري على الخاطر عجول=صاحبه حقيقته ما طالها
كل رجل في حياته له ميول=و الهواية تمتلك رجالها