صوت دقه تزعجني في الدركسيون

[رعدالجنوب]

السلام عليكم ورحمة الله وبركاته
إخواني الأعزاء ربما يكون هذا الموضوع قد أدرج من قبل ولكني لم أستطيع الوصول إليه
أرجو العذر منكم في حالة التكرار فأنا في حيرة من أمري.
سيارتي يوكون 2004 وفيها صوت دقه تزعجني في الدركسيون وخصوصا لما أكون ماشي جلد (طريق غير مزفلت) ارجو ممن كان لديه الحل السرعة في الرد.
سبق واني وديتها لوكالة الجميح وصلحوها ما كملت سنه وعادت من جديد وديتها مره ثانيه قالو انتهى الضمان و يبغى لك تغيير إصلاح دركسيون كامل والحساب فوق الهاي قابلت واحد تابع للوكالة في عملي قال ما عليك منهم نصابين مجرد شحم خاص وبس ما لقيت الشحم ولا الميكانيكي اللي يسويها أرجو الإسراع في الرد ودمتم .

[نفود الثويرات]

الصوت هذا من ذراع الدركسون الطويل، يجي اثنين يمين ويسار يمكن يكون واحد منهن، أو من الاثنين، شف أقرب ميكانيكي، وخل السيارة في الحفرة، وخله يتابع الذراع الطويل.

[رعدالجنوب]

ما قصرة الله يسلمك ولكن الاذرعه توني مشيك عليها ما قالو شي اذا حد من الشاركين عنده نفس المشكله وحلها الله يخارجنا

[كبسولة2]

الصوت من صليب عمود الدركسون الي في آخر العمود

يحتاج تغير أو تشحيم فقط

[زيزو]

هذا عامود الدركسون

شفه اول ماتفتح الكبوت تشوفه حول الباكم طالع من الغمارة ونازل تحت

هذا قيمته في الجميح بحدود 550-600

غيرته انا وبعد 8 شهور رجعت المشكلة

السر وشو الله اعلم

[محمد العبدالسلام]

مر على شركة الطاير للهدروليك بالصناعية القديمة عندهم الحل الأمثل مع قطع الغيار انا عندي لاندكروزر وبه طقطقه مود طقه وحده وماشاء الله شغل تمام التمام

[عزبة بر]

نفس الحاله
:(

[رعدالجنوب]

والله انكم تحيفين وسؤالي للاخ زيزو
(((((هذا عامود الدركسون
شفه اول ماتفتح الكبوت تشوفه حول الباكم طالع من الغمارة ونازل تحت
هذا قيمته في الجميح بحدود 550-600
غيرته انا وبعد 8 شهور رجعت المشكلة
السر وشو الله اعلم))))يعني تقصد تغييره مافيه فايده يرجع الصوت وهل فيه امكانيه تركيب عمود موديل ثاني او ترهيم يا اخواني كني اسوق عراوي ذكرني الهايلكس 80
الله يخليكم لعين ترقبكم ويرحم والديكم اذ فيه ورشه بالدمام انا دمامي اخوك:r :l

[التل الصامت]

نفس المشكلة

[بدوي جنوبي]

ينقل لقسم الاعطال

[بدوي جنوبي]

ينقل لقسم الاعطال

[الرامي82]

صوت الدقدقه الي بالدركسون

المحسوسه بذات بالبطناج


هذا والله اعلم من نفس الدركسون تحت هناك جلد ومسامير شد

حصلت معاي وديتها لمكنيكي وقالي هذا شغل كهربائي يفتح الدركسيون من جوه الغماره والغطاء السفلي له الى ان يصل لدعسه الفرامل

[فهدنت2007]

عندي نفس المشكلة موديل 2004 من الوكالة ولا صلحتة (العيب مصنعي) ريح راسك ولا تضيع فلوسك بالصناعية والوكالة

[قناص*07]

في واحد من اخوياي كان عنده نفس المشكله وراح لميكانيكي وفك عمود الدركسون وشحمه من الداخل بس ويش نوع الشحم ما ادري لانه يجي نوع خاص يباع في الشركه وقيمته حول 140 ريال

[صلفان.نجد]

ميزان الباديه/الرياض/الصناعيه القديمه نهاية شارع المنتزه غرب,وان شاء الله بتدعي لي.

[waledsaleh]

السلام عليكم يا اخوان المشكلة هذي تجيني بالاسبوع مرة او مرتين وحلها بسيط و غير مكلف فقط 15 ريال بخاخ الصداء اي سي ديلكو يوجد صليبين في عامود الدركسون واحد من الداخل يعني تحت الدركسون والثاني في كبوت السيارة تحت علبة الفرامل رش عليهن بخاخ الصداء وامش على السيارة ويختفي مع الحركة والسلام عليكم

[رعدالجنوب]

أشكر ألأخوان المتجاوبين جميعا ولكن اذا احد يعرف ورشه في المام الله يرعاكم

[البداد]

السلام عليكم
مشكلتك بإذن الله سهله ومحلوله في عظمات بلاستك داخل الدركسون قيمتها تقريبا 150ريال وهذا عيب في اليوكن والسوبربان من موديل 2000الى 2006 تسمع صوت طقطقه والغشيم يفكر انها بالهيئه انا حصلت معي وصلحتها والحمد لله سليم 100بالميه لازم تشوف لك كهربائي يفتح الدركسون وتشتري العظمات ويبدلهن وتروح المشكله 100بالميه وسلامتك

[الوجيه 96]

انا رحت لورشة وقال لي الحمد لله انك طبيت عندي
وقال بالحرف الواحد انا بحثت في الموضوع من كثر السيارات الي جتني وغيرنا وترجع بعد فترة واكتشفنا انه عيب مصنعي سيارتي يوكون 2003

[رعدالجنوب]

السلام عليكم
مشكلتك بإذن الله سهله ومحلوله في عظمات بلاستك داخل الدركسون قيمتها تقريبا 150ريال وهذا عيب في اليوكن والسوبربان من موديل 2000الى 2006 تسمع صوت طقطقه والغشيم يفكر انها بالهيئه انا حصلت معي وصلحتها والحمد لله سليم 100بالميه لازم تشوف لك كهربائي يفتح الدركسون وتشتري العظمات ويبدلهن وتروح المشكله 100بالميه وسلامتك

الله يخليك اذا ممكن اسم الورشه وياليت بالمام

[سوبر VTC]

السلام عليكم يا اخوان المشكلة هذي تجيني بالاسبوع مرة او مرتين وحلها بسيط و غير مكلف فقط 15 ريال بخاخ الصداء اي سي ديلكو يوجد صليبين في عامود الدركسون واحد من الداخل يعني تحت الدركسون والثاني في كبوت السيارة تحت علبة الفرامل رش عليهن بخاخ الصداء وامش على السيارة ويختفي مع الحركة والسلام عليكم



اخوي رعد
طبق كلام اخوي وليد صالح :good2::good:
تراه خبره ما شاء الله :good:

[سامرنجد]

اقتباس:
المشاركة الأصلية كتبت بواسطة waledsaleh http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3563674#post3563674)
السلام عليكم يا اخوان المشكلة هذي تجيني بالاسبوع مرة او مرتين وحلها بسيط و غير مكلف فقط 15 ريال بخاخ الصداء اي سي ديلكو يوجد صليبين في عامود الدركسون واحد من الداخل يعني تحت الدركسون والثاني في كبوت السيارة تحت علبة الفرامل رش عليهن بخاخ الصداء وامش على السيارة ويختفي مع الحركة والسلام عليكم



اخوي رعد
طبق كلام اخوي وليد صالح :good2::good:
تراه خبره ما شاء الله :good:

طيب هل يلزم فك الطاره والا بدون نبي اجابه مفصله وشكرا

[سامرنجد]

للرررررررررررررررفع

[سامرنجد]

للرررررررررررررررررفع

[سامرنجد]

وينكم يا اخوان الي عندهم خلفيه عن الموضوع لايبخلون علينا بالرد

[ابوعمر م]

بسيطه جدا ياشباب لا شحم ب140 ولتغير العمود 600 وبعد سنة يخرب مرة
الصوت زي ماذكر بعض الاخوا من صليب عمود الدركسون والعيب انة مايتشحم وهو فى مكانة
لازم تفكة له تيلة من داخل الكبينة ومسمار جنب الباكم يتشحم وترجع العمود
واعرف ور شة تصلحة فى الرياض

[سامرنجد]

ابو عمر لاهنت الطاره لازم تنفك والا لا

[خشم الرثمه]

بسيطه جدا ياشباب لا شحم ب140 ولتغير العمود 600 وبعد سنة يخرب مرة
الصوت زي ماذكر بعض الاخوا من صليب عمود الدركسون والعيب انة مايتشحم وهو فى مكانة
لازم تفكة له تيلة من داخل الكبينة ومسمار جنب الباكم يتشحم وترجع العمود
واعرف ور شة تصلحة فى الرياض



طيب...؟؟؟!!! وش أسم الورشه وموقعا...

لإني أعاني من نفس المشكله

[سامرنجد]

ما حد رد خير

[ابوعمر م]

ابو عمر لاهنت الطاره لازم تنفك والا لا


ما يحتج تفك طارة

[ابوعمر م]

طيب...؟؟؟!!! وش أسم الورشه وموقعا...



لإني أعاني من نفس المشكله

راسلنى على الخاص

[ابوعمر م]

اللى يبي موقع الورشة يراسلنى على الخاص مودنا نزعل المشرفين

[سامرنجد]

تسلم يابو عمر ماقصرت وراح استوضح منك اكثر على الخاص

[سامرنجد]

ابو عمر الله يوفقك اذا تقدر تشرح لنا عملية فك العمود وتشحيمه اكون لك من الشاكرين لأني بالعربي حاط في راسي اني افكه بنفسي وما اوديه الورشه لو يقرقع دايم بالنسبه للخاص ماقدرت اراسلك لان مشاركاتي الى الان اقل من خمسين وصراحه اعتب على القائمين على المنتدى ليه خمسين مشاركه المشاركه اذا ماهي على اصولها مالها داعي شكلهم يبوني اعبي المنتدى على الفاضي ههههههههههه

[kahmed26]

هذا والله اعلم عمود الدركسون من الصليب حقه

[سامرنجد]

هذا والله اعلم عمود الدركسون من الصليب حقه
ماجبت جديد المشكله معروفه بس نبي الحل / او بالاصح طريقة فك العمود وتشحيمه

[سامرنجد]

ويــــــــــــــــــــن الناس

[غريب عن دياره]

اخوي هذي صارت معي في جيب لاندكروزر
وكل الورش تعطيك على مزاجها
لاكن الحل وانا اخوك وانشاء الله يكون صحيح

هي جلد الدوده تكون انتهت من كثر المطاب والحفر

شف لك ميكانيكي خاصة وانصحك بالصناعية القديمه
وخله يفحص الجلد
والسلام عليكم

[سامرنجد]

اخوي هذي صارت معي في جيب لاندكروزر
وكل الورش تعطيك على مزاجها
لاكن الحل وانا اخوك وانشاء الله يكون صحيح

هي جلد الدوده تكون انتهت من كثر المطاب والحفر

شف لك ميكانيكي خاصة وانصحك بالصناعية القديمه
وخله يفحص الجلد
والسلام عليكم
يعطيك العافيه اخوي غريب مشكلة دركسون السوبر هذي مختلفه عن مشكلة اللاند كروزر هذي دقدقه تسمعها فالدركسون قريبه من الطاره يعني في عمود الدركسون من جهة السايق ماهو من جهة علبة الدركسون

[سامرنجد]

الي يعرف ورشه في الدمام تصلح مشكلة الدركسون لايبخل علينا يعطينا اسمها

[سامرنجد]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

[سامرنجد]

??????????????????????????????????????????

[عبود بلاص]

السلام عليكم
نفس المشكله بس سيارتي من نوع لاندكروزر عندي طقه بسيطه عند تحريك الطاره ويصير واضح عند المشي على عيون القطط بالطريق الصراحه تضايق مرررره مريت ورشة العضيب بالصناعية القديمه تبع الاندكروزر وقالي هذي الشغله يبغالها شغل اربع ساعات وتكلفك حوالي 600 ريال وهي فك الدركسيون وتعبئة الفراغ الي بالعمود ولاااا ادري هل هي مضمونه ولاااا لا .
الي عنده خبره ينوهنا وله جزيل الشكر (اريد حلاً)

[سامرنجد]

السلام عليكم
اخواني الاعزاء الي عنده نفس المشكله لا يستعجل حلها بسيط انشاء الله ولا يحاول يسويها عند بعض الورش الي قاعده تعلم على حسابنا بس عطوني وقت بسيط انزل الموضوع كامل بالصور لأن الموضوع يتعلق بالدركسيون وانتم عارفين الايرباق ومشاكله ممكن اي لخبطه فيه تسبب مشكله يصعب حلها او تكون مكلفه جدا .

[راعي المجهم]

السلام عليكم
اخواني الاعزاء الي عنده نفس المشكله لا يستعجل حلها بسيط انشاء الله ولا يحاول يسويها عند بعض الورش الي قاعده تعلم على حسابنا بس عطوني وقت بسيط انزل الموضوع كامل بالصور لأن الموضوع يتعلق بالدركسيون وانتم عارفين الايرباق ومشاكله ممكن اي لخبطه فيه تسبب مشكله يصعب حلها او تكون مكلفه جدا .

نحن في أنتظارك !!!

[hp2005]

خذو الحل من عاشق اليوكن اخوكم ابو عبدالله
بس يجب تطبيق الطريقة بحذافيرها وذلك هو الافضل بس ممكن الاستغناء عن ابرة الشحم بإبرة عادية تعبأ
بشحم الرمان البلي الالماني الخاص بالشاحنات وتجدوه عند قطع غيار الشاحنات مع خلطه بقليل جداً من زيت المحركات الخفيف والديزل ليكون سائل وانسيابي داخل العامود بس حاول تسد الطرف الذي قمت بتعبأته بالابرة لكي تضغط العامود بيدك يعني تدخلهم في بعض فيخرج الشحم من الطرف الاخر من عند التروس المسننة وليس من مكان التعبئة وهذه فائدة الجلدة السوداء التي تأتي مع الابرة البيضاء مثل السدادة ثم تخرجها بعد الانتهاء ثم تعيده في السيارة مرة اخرى وانتهينا
فقط طبق كما في الصورة
http://www.gmtruckclub.com/forum/showthread.php?t=18106
او
http://www.gm-trucks.com/resources/h...omment-page-1/ (http://www.gm-trucks.com/resources/how-to/2009/01/22/lubing-your-intermediate-steering-shaft-for-1999-to-2004-trucks/comment-page-1/)

بالله شوفوا الخواجات الي تساعد بعض مش ؟؟؟؟؟؟؟؟؟؟؟؟؟؟؟؟؟
موفقين ياجماعة

[hp2005]

وممكن تصنع في العامود مشحمة تركبها في المخرطة يخرم فتحة صغيرة مقاس 2ملي ويسوي سنة وتركب قطعة المشحمة وتريح راسك من فك العامود كل ماتريد تشحمة وتجد هذه الطريقة في الدقيقة الثانية بس يجب إغلاق نهاية الطرف لكي لايخرج الشحم على العمود الثاني السفلي كما هو موضح من مقطع اليوتوب في الدقيقة الثانية
http://www.youtube.com/watch?v=6GigDxHKz2Y (http://www.youtube.com/watch?v=6GigDxHKz2Y)

[VIP-503]

يالربع انا عندي شفر 96 ونفس المشكلة من العامود لاكن فوق الي هو جنب الباكم لاكن الموتر الجدد بدون جلدة هذا على الصليب حق الدركسون جلدة وصوتة مزعج

[faris2006]

انا قراءة قبل فترة
يوجد ربل او بالاستيك في عمود الدركسون من الداخل تغيرها
شف رابط اليوكن والتاهو

[faris2006]

هذا الربط http://www.mekshat.com/vb/showthread.php?t=171953&page=259

[الايث الابيض]

بسم الله *الحل الجذري لصوت القرقعه الي تسمعها في الدركسون
كانت عندي وكرهة اليوكن عشانها والحمدلله رحت لورشه في ابها وفك العمود حق الدركسون وكبسه وركبه ورحعت السياره ولا احلي ولا تسمع لها صووووووت

[bndar2055]

بسم الله *الحل الجذري لصوت القرقعه الي تسمعها في الدركسون
كانت عندي وكرهة اليوكن عشانها والحمدلله رحت لورشه في ابها وفك العمود حق الدركسون وكبسه وركبه ورحعت السياره ولا احلي ولا تسمع لها صووووووت


اخوي الايث الابيض انا عندي نفس المشكله ياليت تدلنا على الوارشه الي في ابها
على الخاص الله يعطيك العافيه

[مجموعةإنسان]

السلام عليكم ورحمة الله وبركاته

إخواني الأعزاء ربما يكون هذا الموضوع قد أدرج من قبل ولكني لم أستطيع الوصول إليه
أرجو العذر منكم في حالة التكرار فأنا في حيرة من أمري.
سيارتي يوكون 2004 وفيها صوت دقه تزعجني في الدركسيون وخصوصا لما أكون ماشي جلد (طريق غير مزفلت) ارجو ممن كان لديه الحل السرعة في الرد.

سبق واني وديتها لوكالة الجميح وصلحوها ما كملت سنه وعادت من جديد وديتها مره ثانيه قالو انتهى الضمان و يبغى لك تغيير إصلاح دركسيون كامل والحساب فوق الهاي قابلت واحد تابع للوكالة في عملي قال ما عليك منهم نصابين مجرد شحم خاص وبس ما لقيت الشحم ولا الميكانيكي اللي يسويها أرجو الإسراع في الرد ودمتم .



السلام عليكم ورحمة الله وبركاته

اخوي رعد الجنوب

معذرة الموضوع قديم بس ما اقدر اراسلك على الخاص لعدد المشاركات هل لقيت حل لصوت الدركسيون لليوكن ولك مشاركة اخرى بخصوص محل إصلاح عدادات اليوكن بالدمام باليت توصفلي المحل بالظبط إن امكن وترسلي على الخاص لقلة دخولي الموقع او ترسلي رقمك على الخاص لأجل ناخذ العلوم منك عندي مشكلة الطبلون والدركسيون والدبل ما لقيت لها حل سيارتي يوكن 2004 دبل

وجزاك الله خير