السلة الخلفية للجيب

[الجيب عز]

عيدكم مبارك يأخوان ،،،
مالكم بالطويلة ،، رحت البارح لروضة الخفس :s ،،من بعد صلاة الفجر ،،ورجعت بعد المغرب :f ،، بمعية خيمة خيمة (البيرق) الجديدة:D ،،لكن حسيت أنه لابد من وجود ((سلة خلفية)) وقلت مالي إلا أخواني المكشاتية يزودون أخوهم بالمشورة الطيبة ،،
لقيت نوعين من السلال بعمود وعمودين سؤالي (((ماهي أهم الشروط عند شراء سلة خلفية مع العلم أن الجيب باثفايندر 2007 ..

[عاشق السيل]

كل عام وأنت بألف خير ،،

السلة الخلفة مصنوعة للأغراض الخفيفة وانتبه تحط فيها أغراض ثقيلة لأنها مع المطبات واهتزاز السيارة ممكن تنكسر أو على الأقل تنعوج على تحت !!

خيمة البيرق غير مناسبة للسلة الخلفة ،، حط فيها مراكي أو فرش النوم أو السجادات والبسط وغيرها ،،،

وأنصحك وبقوة إنك تركب اللي بعمودين ترى عمود واحد مايتحمل حتى الأغراض الخفيفة ،،

وفقك الله لكل خير وتقبل مروري يالغالي ......

[الجيب عز]

يامال العافية أخوي (عاشق السيل) أجل تقول أن السلة ماتصلح لخيمة (البيرق) !!
والله مشكلة أنا ابيها للخيمة لأن رفعة الخيمة لتندة السيارة تمصع الظهر ،،بس غريبة أن السلة ماتتحمل اللي أعرفه أن الخيمة وزنها 50 كيلو .

[الكونترولCONTROL]

تتحمل ان شاء الله , و لكن بدون تركيب مفصلات .
بحيث تكون كتلة واحدة متماسكة بعمودين .
مع تصغير الأبعاد قليلا عن الحجم السائد في التصنيع و التي يحذرك
منها أخي عاشق السيل . فهي تصلح لعفش السفر و لا تصلح للرحلات
البرية التي فيها مطبات و دروب برية ,, و الله يحفظكم .

[الكونترولCONTROL]

مكررررررررررررررررررررررر

[الجيب عز]

تتحمل ان شاء الله , و لكن بدون تركيب مفصلات .



بحيث تكون كتلة واحدة متماسكة بعمودين .
مع تصغير الأبعاد قليلا عن الحجم السائد في التصنيع و التي يحذرك
منها أخي عاشق السيل . فهي تصلح لعفش السفر و لا تصلح للرحلات
البرية التي فيها مطبات و دروب برية ,, و الله يحفظكم .

طيب الموديل هذا يصلح ولا ما يصلح من رفيق الدربhttp://www14.0zz0.com/thumbs/2009/11/29/17/430899238.jpg

[الكونترولCONTROL]

.. يمكن تستفسر من المصنع .. عن التحمل !
و أتوقع انها تصلح للسفر .. و على قول اخونا عاشق للاغراض
كبيرة الحجم خفيفة الوزن .. اما للبر ؟؟؟ تشوف أحد جربها ..!!!

[لاتكب البيالة]

السلام عليكم
انا اشوف ان السلة ممتازة لكن مثل ما قالوا الاخوان للشي الخفيف
مراكي رواق حطب فرش النوم
اما الخيمة والماء والعزبة محله داخل السيارة

[qppd]

عندك سلتة الابداع المصنوعة من الالومنيوم من منتجات موسسة رفيق الدرب وتتحمل الى 300 كلغم وتركب على مفصلتين ومجربة. ادخل على موقعهم وشفها www.travelmate.com.sa (http://www.travelmate.com.sa)
وبتوفيق

[مريقب العيفار]

اهم شيء لازم تكزن السلة بعمودين وتركيب سلة بعمود واحد خطا

انا ركبت السلة على اللاند وحملت عليه عفش كثير وثقيل ولا ضر السلة ولا السيارة

لكن كنت مركب ياي استرالي علشان ما يهزع السيارة

[صقرحايل]

مرحبا اخوى
عليك با السله ام عمودين

[فنجال شاهي]

لا سلة ولا هم يحزنون استخدمو قلص احسن بمليون سلة

[ابو عنقا]

السلام عليكم

اخوي الغالي

اذا اغراضك خفيفة فهي جيدة جدا

اما اذا اغراضك ثقيلة فانصحك بالقلص

تقبل تحياتي

[بن فيصل]

ركب ام عامودين وحمل الى تبي الى200 كيلو ولا تخاف
مستخدمها من اربع سنوات والله ما فيه زيها
مع احترامي لراي الاخوه

[النحيف]

أنا الله يسلمك مجرب أم عمود بالحج ومن أحسن ما يكون
لا وبعد الحج مليتها من سمر مكة ومشيت الى القصيم ولا شكت ولا شي

[خادم الإسلام]

أنا الله يسلمك مجرب أم عمود بالحج ومن أحسن ما يكون
لا وبعد الحج مليتها من سمر مكة ومشيت الى القصيم ولا شكت ولا شي

أخي الحبيب المقصود بــ سمر مكة يعني شاريه أم قاطعه من شجر مكة ؟

إن كان شاريه فالحمد لله ...... وإن كانت الأخرى فسأل أهل العلم ماعليك ...فكما تعلم أنه لايجوز قطع شجر مكة .

[ج3 المدينه]

اخوي رفيق الدرب لو تكبر الصوره شكل الموديل طيب

[برق الشتاء]

سبق اني استفسرت في هذا المنتدى من اهل الخبرة بالسلات ونصحوني بتركيب بالونات لليايات يقولون وزنها ثقيل إضافة للعفش اللي بيوضع فيها .

[بعيد الهقاوي9]

فصلها على مزاجك والنوع اللي تبي ازين لك