المساعد الشخصي الرقمي

مشاهدة النسخة كاملة : وش الحل مع الرجه كل شي تماام وين العلة


شامخ ألهيلا
02/12/2009, 11:37 AM
السلام عليكم
:s
اخواني اعضاء مكشات

تقبل الله طاعاتكم
وكل عام وانتم بخير ..

عندي جيب لاند كروزر فيه رعشه خفيفه بعد 110كم
رصصت ارضي عند اليرموك
الكفرات دنلوب جديدة
فحصت العمدان عند ورشه متخصصه وقالوا سليمه
رمانات الدبل مشدودة وسليمه

يعني كل شي تمام
بس رعشة الطاره ماراحت وانا صاحب خطوط طويلة وسفر مستمر
وهالشي ماريحني
وايش الاحتمالات الاخرى
ياليت من عنده معلومات عن هالشي يفيدني

اخوكم

شامخ الهيلا
م.بندر
02/12/2009, 12:06 PM
حل سريع
ومريح
ومن الأخر
ركب فرارات
شامخ ألهيلا
02/12/2009, 12:19 PM
حل سريع
ومريح
ومن الأخر
ركب فرارات
اسعد الله يومك اخوي المهندس بندر
الفرارات ماتركب عندي مع الاسف :(
ذيب قطن
02/12/2009, 02:00 PM
غيرمساعد الدركسون...
هولان
02/12/2009, 02:34 PM
طيب وشو الموتر بالضبط
شامخ ألهيلا
03/12/2009, 08:32 PM
غيرمساعد الدركسون...

يامرحبا فيك ياذيب قطن
ماعندي طال عمرك مساعد دركسون الاند مافيه
شامخ ألهيلا
03/12/2009, 08:33 PM
طيب وشو الموتر بالضبط
يامرحبا اخوي هولان
اقراء الموضوع
الموتر لاندكروزر جي اكس ار 2002
الساهر2003
03/12/2009, 08:53 PM
اخوي
الترصيص الارضي قليل من يظبطه
وممكن يكون في داخل الكفرات شوي رمل او في الجنوط طين او غيره
تاكد من تنظيفها ثم رصصها عند ورشة وحيد في الصناعية القديمة والترصيص ارضي ولكل الجهتين داخلي وخارجي افضل للجيب
وفي الغالب تنتهي المشكلة بشكل 90 بالمية تقريبا ولا يوجد لها علاج نهائي لها بحسب الخبرة البسيطة
والله يوفق الجميع
شامخ ألهيلا
03/12/2009, 09:10 PM
اخوي
الترصيص الارضي قليل من يظبطه
وممكن يكون في داخل الكفرات شوي رمل او في الجنوط طين او غيره
تاكد من تنظيفها ثم رصصها عند ورشة وحيد في الصناعية القديمة والترصيص ارضي ولكل الجهتين داخلي وخارجي افضل للجيب
وفي الغالب تنتهي المشكلة بشكل 90 بالمية تقريبا ولا يوجد لها علاج نهائي لها بحسب الخبرة البسيطة
والله يوفق الجميع

يامرحبا اخوي الساهر 2003
حيااك ربي
طال عمرك رحت عند ورشة وحيد على شان فحص العمدان
وفحصها وقال سليمة
وقالي مالك الا ترصص
وطلب مبلغ مباالغ فيه علشان الترصيص
ورحت اليرموك ورصصة عندهم الجهتين وانا اتعامل مع اليرموك من زمان ويعرفوني
وترصيصهم لايعلى عليه :good2: :good2:

لاكن المشكلة مستمره الى الان
واشكرك جزيل الشكر على سرعة تجاوبك وردك
سوبر VTC
03/12/2009, 09:41 PM
اسعد الله يومك اخوي المهندس بندر
الفرارات ماتركب عندي مع الاسف :(



الفرارات مركبه عمي
جيب جيكسار م2001


رد سابق لجيب حوض
اخبر راعي وزن اذرعه
يقول عيب الدفرنسين ما يضبط الوزن تمام بالملي
الحل
تبديل الكفرات مع الخلف خصوصا اذا كانت الكفرات منسحلة من الداخل


اذا انت شاك بالدفرنس مر على ورشة ابو عبدالله الصمعاني بالتشاليح
يشوف هل هو منعوج او مقوس او به ميول
و يفيدك بمسالة الحذفه


حل اخير
يمكن يخلي الموتر ما يهج على جهة
الجيب الحوض و الربع يصير بهن رجه على سرعه 80 تقريبا
الحل
تفك التيلة اللي راكبه قدامك بالصورة
حقت اذرعه الدركسون و الفلنجة
شف عندك الذراع اللي يلف الكفر
اللي راكب على ذراع الفلنجة
تلقى بنهايته مع الجنب تيله او مسمار
هذا ما يدرون عنه راعين الورش :no2::no2:
تفك التيله اذا فكيته يصير بوجهك صاموله كبيره جدا
كما واضح في الصورة
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق


طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن
هذا الراس تقدر تشد به الصامولة
اذا خلصت تركب التيل مرة ثانية
طبعا لازم كل 6شهور تشيك عليهن
خصوصا اذا حدث رجة
لكن بعد ترصيص الجنوط ليزر ارضي


http://www.mekshat.com/vb/../pix/upload03/images134/mk53291_lbgndpb1.jpg



http://www.mekshat.com/vb/../pix/upload03/images134/mk53291_bpj%5Bjo%5Bbj2.jpg



اخوي شامخ الهيلا
الجنوط اللي مهب اصليه تسبب رجه
اشوف بعض المواتر سواء باترول او جيب
يحطون ترصيصة ليزر بطول شبر للجنط الواحد :no::no:
تاكد من مساعد الدركسون لا يكون ضعيف او مهرب زيت
اعتقد مشكلة بشد ذراع الكفر
كما في الصور السابقة


موفق و لا تسرع :D:p
ابوالوليد2222
03/12/2009, 10:21 PM
بسم الله شف اخوي عندي جيب جي اكس ار 2002 فيه رجه بعد 100 رصصت عادي وبعد فتره ترصيص كمبيوتر غيرت الاذرعة لانها تعبانه وكفرات جديده وتفقدت معظم اجزاء السياره ومنها فك عمود الدبل وعمود الكردان وفحصها فوجت المشكلة من صليب عمود الدبل والحمد لله ذهبت المشكله وسوف ترى ذلك .
سفاري959
03/12/2009, 10:40 PM
السلام عليكم كل عام وانتم بخير جميعا اخوي شامخ الهيلا شيك على صليبات العمدان واللي اعرفه ان لهن تشحيم شيك بنفسك وان شاء الله تنتهي المشكله في اسرع وقت تحياتي لك اخوي وبالتوفيق
MZON 01
03/12/2009, 10:45 PM
افحص صليبات العمدان .الدبل . والعمود الخلفي .

اظن يوجد ميزانيه عمود الدركسون في الدوده

فحص التهريبات بالدوده .لان التهريب يسوي عملية خلخله بالطارة

افحص كراسي المكينه

افحص الجنوط حتى بعد الترصيص

افحص جلد المقص

افحص ركب المقص الى فوق واللي تحت

افحص جلد الرباطات الاماميه

افحص رمانات الهوبات .ولاحظ الوزن لايكون ثقيل او خفيف

حرك الطارة والسيارة واقفه .لاحظ يوجد فراغ (اي فضاوة) اذن يوجد ربلة اسفل عمود الدركسون بالغمارة افحصها .يمكن تحتاج تغيير !!

وبالسلامه ...
شامخ ألهيلا
04/12/2009, 09:44 PM
يامااااااااااال العافيه والله يالشباااب كلن باسمه

اخوي سوبر فتك
القير عندي تماتيك والدبل الخفيف زراار
ورحت السليماني بالرياض وقالو روح موترك ماله فراارت
ولايركبن عليه !!

بخصوص الجنوط تجارية بس لو فيها عيب او رجه راح تبين من الترصيص
وجاري فحصها عند اهل الجنووط

قبل اسبوع رحت لورشة وحيد لفحص العمدان ورفع الموتر من الخلف ودعس لسيارة وطلع الرجه موجودة
يعني السبب خلفي وليس امامي وقال العمدان عندك سليمة
ورحت رصصت ارضي ونفس العلة
وسويت حركة × في الكفرات بدلتها ببعض

اخوي ابو الوليد
واخوي سفاري
فحصت العمدان وكل شهرين او 3 اشحمها
وبارك الله فيكم على المروور العطر
واذا الشغله مطوله شكلي بغير الصلبااان

اخوي مزون 01
جاري فحص الجنوط على اني مرصصها ارضي ليزر
العله ياخوك خلفيه بعد مارفعت السيارة من الخلف ودعست لها طلع فيها الرجه
شلشكو
24/12/2009, 12:32 AM
صارتي هذي المشكله
وبعد الشقاء
بورشه فك الهوبات غير الرمانات وطلع الوضع تمااااااااام
معي جيب باترووول 92 سفااااري
white heart
24/12/2009, 01:17 AM
اخي العزيز اذاكانت كفراتك جديدة ومرصصة ومتأكد من ذلك شيك على عمود الدوران وعمود الدبل المشكلة فيهم وتكفى خبرنا وش صار معك لتعم الفائدة
الوافي0
28/12/2009, 10:59 PM
غالبا تكون المشكلة من عمود الدركسون صليب او فضاوة علبة او يمكن انت مركب جنوط كروم تجاري
شت قان
20/02/2013, 11:34 PM
وش صار هل حليت المشكله
0راعي الجبيل0
21/02/2013, 01:00 AM
اللي عندك فضاوة في بساتم الذراع اليمين واليسار وتسويلك ذبذبة بالطارة لاتكاد تذكر
لان التوجيه باللاند من موديل 98 وهو هيدروليك
ارفع الموتر من قدام للجهتين وخل واحد يثبت الدركسون بالغمارة وواحد عند الكفر الايمن وانت عند الايسر
اللي في الغمارة قله يحرك الطارة لمس يمينويسار شي بسيط
على خفيف مرة وشوفوا انتم اللي عند الكفرات مين اللي يحس بالتوجيه الاول واللي يحس ان الكفر مايجيه شي هذا فيه فضاوة

غيره لاتتعب نفسك باي فحص ماتطلع

تحياتي
ابوحمدان
البديع 828
21/02/2013, 01:02 AM
اذا الرجه مستمره ولا تروح أبد
الصلبان شيك عليها
صليبات في الجيب عددها اربعه لعمود الدبل اثنين ولعمود الدوران اثنين وهي تسبب رعشه وعلى حسب خرابها على حسب رعشتها بالموتر



لكن ياأخي اذا الرجه فقط في الدركسون فقط وانت ماشي بنفس السرعه اللي قلت. فهاذي الجنوط. فالتجاريه تسبب لك قلق مو طبيعي وحتى لو رصصت ترصيص ممتاز ابحث عن جنط حديد اصلي ولاتغفل الكفرات
ولو انت قريب عندي تعال خذ الجنوط بكفراتها وجربها وماعندك الا حلالك
tiger-ksa
21/02/2013, 02:03 AM
شيك على الصليبات وشحم (عامود الدبل )

وان شاء الله تدعيلي
ls1.5700
21/02/2013, 10:39 AM
ياخوي لاتلعب بالموتر ولا تتعب نفسك مدام الجنوط تجاريات
غيرهم بجنوط وكاله وتروح الرجه نهائي 000 صدقني العله من الجنوط
التجاري حتى لو رصصته بنيزك ماهو بليزر مايضبط ابد
شف اي واحد من ربعك وبدل معه الكفرات مؤقت وجرب الموتر
اذا راحت خلاص ماله داعي الخساير غير جنوطك وكاله وتنتهي المشكله
0راعي الجبيل0
21/02/2013, 11:02 AM
ياخوي لاتلعب بالموتر ولا تتعب نفسك مدام الجنوط تجاريات
غيرهم بجنوط وكاله وتروح الرجه نهائي 000 صدقني العله من الجنوط
التجاري حتى لو رصصته بنيزك ماهو بليزر مايضبط ابد
شف اي واحد من ربعك وبدل معه الكفرات مؤقت وجرب الموتر
اذا راحت خلاص ماله داعي الخساير غير جنوطك وكاله وتنتهي المشكله


اي نعم صادق والله
استغربت اقول منين جبتوا انها تجاريه اثرها من رد له
ياراعي الموتر والله صادقين الشباب لو مهما تسوي مارايح تروح الذبذبة مادام الجنوط تجاريات بتتعب وتتخسر حتى لو اطلعن سليمات بالترصيص لان رجتها ماتبين الا على سرعة ومكاين الترصيص ماتتعدى مايعادل سرعة ستين ماعدى الارضي ولارايح يفيد فيهن

تحياتي
ابوحمدان
الطامس
23/02/2013, 04:12 AM
الله يجزاكم خير على حماسكم الموضوع له اكثر من 3 سنوات
موقق111
23/02/2013, 06:34 AM
صارت معي نفس المشكلة كل شي سويته لكن وجدتها في صليب عمود الدبل
لكن فك العمود وجرب اذا راحت فمن الصليب تحياتي لك اخوي