المساعد الشخصي الرقمي

مشاهدة النسخة كاملة : القير ما يبدل مره ساعدوني


تاهو في صحراء
03/12/2009, 06:09 AM
السلام عليكم
شباب ابي فزعتكم عندي تاهو 99 قير ميه ميه مافي مشاكل . امس جاته تفتفه والامبير ناقز شوي وبعدين طاح مره وحده عالصفر صار القير ما يمشي الا في 2 وبس , كل شي تمام بواجي ومصفى بنزين . واشتغلت لمبه سيرفس والا اي بي اس . وش دخل الفرامل ؟؟؟؟؟؟؟
ياليت تردو باسرع وقت.
دعواتي لكم.
شبابي بجنون
03/12/2009, 06:12 AM
صحن الكلتش فيه مشكلة
تاهو في صحراء
03/12/2009, 01:51 PM
شبابي شكرا على الرد
ولاكن القير تماتيك هل فيه صحن كلتش؟
ابو فهد 2004
03/12/2009, 01:57 PM
اذا وضعت القير على P او N هل يصفي الموتر
اذا صفا معنا ته من القير واذا ما صفا من الكمبيوتر
اتمنا اني افدتك
تاهو في صحراء
03/12/2009, 03:05 PM
هلا بيك ابو فهد
لا ما يطفى شغال على طول بس المشكله في التبديل
~ V T A C ~
03/12/2009, 03:15 PM
شيك على الفلتر اذا كان موجود فيه فلتر
تاهو في صحراء
03/12/2009, 06:49 PM
ماشالله على اصحاب النياسين يردون وبسرعه . على راسى كل الاخوان الي ردو
انا شيكت عالقير والحمد لله سليم شفت الزيت وريحته مابه شي . وقال يمكن المشكلة بالحساسات .
وعاد الله يعين والله اني مبتلش .
شباب ياليت الي مرت معه هالحاله ان القير مايبدل ابد ياليت يفيدنا
واتمنى اي احد عنده خلفيه عن الحساسات للقير طبعا انه يفيدنا جميعا وشكرا مقدما
النديم111
03/12/2009, 10:48 PM
اخوي تاهو في صحراء
حدثت معي هذه المشكله في جمس صالون 99 والحل بسيط وبأمكانك تصلحها بنفسك
انزل تحت السياره بعد تامينها جيدا واتجه لمؤخرة القيرمن ناحيه العمود ستجد حساسين خارجيه واحد في اليمين والاخر في اليسار وجميعها راكب فيها افياش جايه من الظفيره شوف الحساس اللي من جهة السائق (حساس السرعه) حرك الفيش وادخله جيدا ثم جرب اذا نفع ولا غير الحساس سعره رخيص المشكله منه00 وبلغنا وش صار معك
سيد ددسن
04/12/2009, 02:50 AM
لالالالالالالالالالالالالالالالالالالالالالالالالا لالالالالا
المشكله بسيطه
انت تقول عداد السرعه مقطوع
وفالتماتك لازم مشبوك علشان يبدل نم
مجربها تجربه شخصيه على سيارتي
شكراً
تاهو في صحراء
04/12/2009, 04:42 AM
النديم 111 و سيد ددسن
اسال الله لكم تفريج الهموم دنيا واخره
والله فعلا كلامكم صحيح
والله ماجاني النوم من كثر ما فكر صرت تايه من التاهو توهني
المهم بعد ماقريت كلام الاخوان مباشرة اخذت الكشاف وانسدح تحت السياره اخذت وقت ونا ادور للحساس جاني شد برقبتي (والله عرفت قيمت الحفر)
وحصلت الحساس ابي افكه مانفك والله احرك الاسلاك واثبته زين ونا على اعصابي واشغل السياره وارجع ريوس والله ويتحرك الامبير حق السرعه عاد يافرحتي ذاك الوقت قلت انجرب D ونبدا بسم الله وتحرك الامبير تمام لحد 10 وبدل وتبدل الهم فرحه وارتفع لحد 20وبدل و30 كنفه بدل ماحسته بس سمعت صوت طقه خفييييفه واكمل 40 وبدل ميه ميه والحين نومه هنيه.
ووفق الله الجميع.