البانزين 91 الأخضر ودعتك بلا عودة؟

[البرق الشرقي]

قبل فترة تحولت من البانزين 95 إلى 91 لموتري الجيب م 2005gxr خليجي
حينها ولمدة تغير علي الموتر ماهو ذ موتري اللي أنا خابر ضعف عزمه وبعدها بديت أسمع لقلقه بالسرعات الخفيفة البانزين يطير بشكل عجيب؟ مع العلم أنهم يقولون هذا البانزين اللي يصلح لسيارتك؟ المهم وبعد سنه وبعد ظهور ماذكرت على موتري سألت أحد الفنين السعوديين وقال لي قبل أن تعمل أي شي جرب تغيير البانزين الأحمر؟ وياجماعة حينها جربت وم أول تانكي رجع موتري ورجع عزمه وراحت اللقلقه؟ وبدأ الموتر يقل استهلاكه للبانزين ووفرت مخباتي ؟ والحمدلله على كل حال:good2:

[قرم العيال]

91 ما به بركه تقول ماء ..

[ولد حريملا]

95 وووووبس

[مكشاتي كوكتيل]

أنا كنت أستخدم 95 لفترة وبعدين حولت لـ 91 ولا دققت في التغيرات ولا انتبهت لها .

عموماً للحين ماوصلنا لنقطة نتفق عليها . هل الأجدى بنزين 91 أم 95؟ وحتى نصل إلى إتفاق سأستمر في إستخدام الأرخص لوانيت النيسان :)

[نديم السهر]

زين ماسويت

قبل امس كنت طالع البر ويوم وصلت اخر محطه بقريه قبل ادخل البر البانزين نص التانكي يوم جيت اعبي

بانزين قال مافي الا 91غامرت ودخلت بر وماعبيت بانزين الا بالرجعه مع ان اقرب محطه غيرها حوالي 100

كيلو السياره الجديده تخاف عليها

[الايام]

انا معي شاص 2009 جديد اذا استخدمت بنزين 95 طااااار بسرعه يمشي تقريبا 410 كيلو للتانكي الواحد
اما بنزين 91 نفس العزم وما اسنكرت شي بالموتر ويمشيني 480 كيلو

طبعا مكينة الشاص مثل مكينة صاحبنا راعي الموضوع 4500efi

[mds99922]

نصيحه للكل اللي مخباته مليانه فلوس عليه بالبنزين الـ 95 واللي مثلي ما في مخباته إلى أحتات ريالات هههههههههه البنزين الـ 91 أصرف له

[P.R.P]

انا معي شاص 2009 جديد اذا استخدمت بنزين 95 طااااار بسرعه يمشي تقريبا 410 كيلو للتانكي الواحد
اما بنزين 91 نفس العزم وما اسنكرت شي بالموتر ويمشيني 480 كيلو

طبعا مكينة الشاص مثل مكينة صاحبنا راعي الموضوع 4500efi


كلامك سليم 100%

راعي الموضوع موسوس شوي :D

[ملاعب الريح]

انا معي شاص 2009 جديد اذا استخدمت بنزين 95 طااااار بسرعه يمشي تقريبا 410 كيلو للتانكي الواحد
اما بنزين 91 نفس العزم وما اسنكرت شي بالموتر ويمشيني 480 كيلو

طبعا مكينة الشاص مثل مكينة صاحبنا راعي الموضوع 4500efi

والله نفس الحاله ونفس الموتر ريحتني من الكتابه:D


ملاعبـــ

[برق الشمال AM]

نصيحه للكل اللي مخباته مليانه فلوس عليه بالبنزين الـ 95 واللي مثلي ما في مخباته إلى أحتات ريالات هههههههههه البنزين الـ 91 أصرف له





ترى الدعوه ماتفرق بالدراهم الا شي بسيط من العشره وفيها بين 91 و95

[abu fares]

انا موتري باث وكنت اعبيه 91 وكنت دوم اسمع اللقلقة ومن رمضان الماضي مسكت معي اجرب الـ 95 وفعلا راحت اللقلقة لكن من ناحية صرفية او عزم ما تغير شيء

[المنيعي1]

انا جربت الثنين على باث فندر كلهن يمشن في التانكي اذا فللته 550 كلم
مالاحضت اي اختلاف الشي الوحيد الي لاحضته لقلقه تضهر احيناً قبل تغيير بعض النمر عندما اعبي الـــ91
وهذي القلقه تضهر في التماتيك اما القير العايدي على كلام الشباب مافيها شي

[هاوي غماره]

غريبه


توفر مخباتك وانت تستخدم 95!!

[سيد ددسن]

يا شباب ليش الفهم الغلط
ال91 هوللسيارات اللي تحتاج اوكتان اقل من 90
وال95 للسيارات الي تحتاج اكثر من91
[COLOR="Red"]وللقلقع على قولك معناها تعبي بنزين 91 لسياره تحتاج95
وهذي الحركه تضر السياره
[COLOR="DarkRed"]لالالالالالالالالالالالاتاخذ حجي الناس
يا من الوكاله ولا من واحد فاهم السالفه
للمعلوميه في سيارات تتحمل تتعبا مره مرتين فالشهر91 وهي95
بس اعيد واقول لا تدمر سيارتك
لأحد يخرطرط 91 ماينفع ومن هالكلام الي ماله داعي
تحياتي

[eleas]

انا من يوم نزل النوعين95 و91 ماستعمل غير الـ95
ومن فترة شهرين دخلت موقع تابع لأرامكو علشان اعرف افضل بنزين لسيارتي(أنفوي2007)
لقتي ان الافضل له91 جميع المواتر الامريكية يفضل انها تعبى91
ولما عبيت الـ91 حسيت فيه ماكل تحصل ن ناحية العزم ورحت لورشة صيانة وفحص بالكمبيوتر وقالي وش بنزينك قلت(91) قالي خلك على 95 قلت طيب بالموقع بنصحوني بال91 قال هذا بامريكا اما المواتر الي بمواصفات خليجية ماينفع غير الـ95 وللحيني على هالبنزين وماغيرت ولا انصح احد يعبي غير الـ95

[سوبر VTC]

عيب البنزين 91 للباترول خصوصا الكبليتر
ان القير اذا كان على 1 او 2 او 3
تسمع المكينه تلقلق
الباثفندر اذا عبيت 95 تختفي اصوات المكينه

رد سابق
لمشرفنا لن امل من العطاء





اقتباس:


المشاركة الأصلية كتبت بواسطة لن أمل من العطاء http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3445024#post3445024)
يا شباب
لا اريد ان اجزم وان احلف
ان السيارات مابها مشكله
مشكلتنا في الزيت ونوعيته الرديئة
حتى انا بدأت اتأكد ان البنزين الحمر هو عيار 92 ا 91
وان البنزين الاخضر هو 88 او 87
وبعد تتذكرون كلامي هذا



ابو عبدالعزيز كلامك صحيح


بدليل انهم حللوا بنزين 95 بالمختبر و جدوا ان نسبة الاوكتان 93.7 :no:
و ليست 95 بمعنى بنزيننا خايس :mad:
و اكد لي ذلك موضف بشركة الجميح
و على الحال
ماستبعد ان بنزين 91 الاوكتان فيه 88 و ليس 91
***
اليوم يسولف علي رجال يشتغل بوكالة الجميح
على سبيل المثال
الدينالي الجديد لازم تعبيه 95 لو تعبي 91 تولع لمبة المكينه
يقول ممكن بعد فترة تعبي 91 للدينالي لكن اذا مشى حول 150الف او اكثر
يقول لو تستمر تعبي 91 يعدم عليك سطح البستم (يتحفر)
دليل اخر
رجال وضب باترول مكينة فتك و قاله راعي الورشة عب بنزين احمر
راعي الموتر ما سمع كلام الرجال و عبا بنزين 91
تخيل ماوصل حائل الا البستم يطقق تحفر السطح :no:
شاهد الصورة لتاكيد الكلام
الصورة مشابهة
طبعا سطح البستم زهر خفيف و يتاثر و يموع
بسبب عدم الاحتراق المتكافئ

http://www.mekshat.com/vb/../pix/upload01/prof006/mk53291_aaaaa1.jpg



http://www.mekshat.com/vb/../pix/upload01/prof006/mk53291_aaaaaaa2.jpg

[abofahad01]

يا شباب ليش الفهم الغلط
ال91 هوللسيارات اللي تحتاج اوكتان اقل من 90
وال95 للسيارات الي تحتاج اكثر من91
[color="Red"]وللقلقع على قولك معناها تعبي بنزين 91 لسياره تحتاج95
وهذي الحركه تضر السياره
[color="DarkRed"]لالالالالالالالالالالالاتاخذ حجي الناس
يا من الوكاله ولا من واحد فاهم السالفه
للمعلوميه في سيارات تتحمل تتعبا مره مرتين فالشهر91 وهي95
بس اعيد واقول لا تدمر سيارتك
لأحد يخرطرط 91 ماينفع ومن هالكلام الي ماله داعي
تحياتي


والله ما فهمت من كلامك شي

يا اخي اكتب بشويش لا تستعجل

[أبو عامر 2002]

نصيحه للكل اللي مخباته مليانه فلوس عليه بالبنزين الـ 95 واللي مثلي ما في مخباته إلى أحتات ريالات هههههههههه البنزين الـ 91 أصرف له

هههههههههههه .. نفس الفكره :)

[SRAAMA]

91 داخل الديره ......95 لراعي المشاوير

[عزيز نجد]

يا شباب

قبل شوي كلمت مهندس في مصفاة ارامكوا استفسر عن الموضوع وقال لي الاتي

ارامكو معاييرها في هذي الناحيه صارمة وما تطلع من محطات التوزيع الا الاوكتين مطابق للمعايير الدوليه

لكن المشكلة الاساسية ما تتصورون

قبل فتره شكلت لجنه من ارامكوا والجميح و عبداللطيف جميل لمعرفة ايش اللي يصير في المحطات واخذوا عينات وارسلوها للمختبرات ووجدوا التالي

فيه محطات تخلط البنزين مع الكروسين وبعضها مع الديزل الله لا يوفقهم حتى يستفيدوا اكثر

البعض الاخر وجدوا عنده تسريبات مائية مع البنزين بسسب اهمال اخزانات وعدم الصيانه

على كلامه ان اكثر المحطات اللي ماسكينها بنقاليه هذي شغلتهم مغير غش في خلق الله

طبعا على وزارة التجاره انها تراقب الوضع وتسن ضوابط صارمه لحل الموضوع لكن ماعندك احد

واي استفسار انا جاهز

[Abu Saad]

انا معي شاص 2009 جديد اذا استخدمت بنزين 95 طااااار بسرعه يمشي تقريبا 410 كيلو للتانكي الواحد
اما بنزين 91 نفس العزم وما اسنكرت شي بالموتر ويمشيني 480 كيلو

طبعا مكينة الشاص مثل مكينة صاحبنا راعي الموضوع 4500efi


انا معي فتك ، وجربت 91 والـ 95 ولايوجد اي فرق بينهما لا في الصرفية ولا في العزم ، بلعكس 91 طول اكثر .
الفرق ان 95 اغلى ، فاغلب الشباب يحس ان الغالي افضل واقل صرف واقوى عزم (وهم) .
وهذا اعتقاد خاطي حسب تجربتي الشخصية ،،،
ماهو الحل؟
الحل اقرا كاتلوج السيارة واعرف ماذا يناسبها وماذا وصى الصانع به..لان الصانع ابخص .
وبالتوفيق.

[escape_man]

بنزين 91 اقل نسبة من ناحية الاوكتان فالاحتراق مايكون مثالي مثل الـ 95

واذا ماكان الاحتراق مثالي فاكيد انه راح يسبب مايسمى بالانفجارات البسيطة داخل غرفة

الاحتراق ( البستم ) وبعد فترة اهترائها ..

فالي يبي يحافظ على سيارته وعمرها الافتراضي ماراح يفكر في 91

ولكم ان تبحثو عن الفروقات من خلال المواقع الموثوقة بالانترنت

[برق شامان]

شكراً أخوي على الموضوع

أنا معي باترول 93 أعبيه أحمر( 95) وعزمه زين ومره قلت أعبيه (91) وصار عزمه ردي وفيه تفتفه ماهوب صافي ووديته للورشه وقال المكانيكي لازم أوزن البلوف وأنظف الكربريتر . ورحت لمهندس ثاني قال نفس الكلام قلت له لا توزن ولاشي أبجيك بكره وأعلمك المهم رحت وفضيت التانكي وعبيت (95) ومسكت به خط وصفى الموتر وزان. عودت على المهندس وقلت شف الموتر وش رايك قال مضبوط لا يبيله وزن ولاشي قلت له السالفه كلها بنزين.

عذراً على الإطالة

[ابويارا1001]

انا جربت الثنين على باث فندر كلهن يمشن في التانكي اذا فللته 550 كلم
مالاحضت اي اختلاف الشي الوحيد الي لاحضته لقلقه تضهر احيناً قبل تغيير بعض النمر عندما اعبي الـــ91
وهذي القلقه تضهر في التماتيك اما القير العايدي على كلام الشباب مافيها شي



هذا اللي حاصل معي مع اختلاف المواتر


وما عندي مشكلة مع 91

[faisal1111]

نصيحة عبي 95 وابعد عن المشاكل

[هاوي بلادي]

سلامي على 95 وبس

[LiLiiibcJI]

وأنا أؤيد صاحب الموضوع
كانت أعبي 91
ولما غيرت 95
فرق الموتر كثير من ناحية صفاء المكينه والعزم

GxR 2007

[الحربي 591]

اجل انا صارلي عكس اللي صارلك ياصاحب الموضوع

[صويب البرق]

وش ترجي من بنزين (٩١) وهو حتى النار مايشبها
للمعلوميه اي شي عليه دعايات فاشل واغلب السيارات من الموزعين المعتمدين يحطون على غطا البنزين (٩١)
انا جربته وبعد كم يوم طلع صوت البلوف وعشر ريال تفلل السياره لكنه يطير بسرعه
واول ماجابوه قالو عشان التلوث البيئي والاقتصاد ماشالله تبارك الله
واخيرا (٩١)مثلالسم يهلك المكينه على المدى البعيد وانت ماتلاحظ لكن عليك بـ(٩٥) نظام الشيبان ماهو عبث

[jeddah111]

95 وبس 91 ماناسب موتري

[ابو صالح 4]

السلام عليكم ورحمه الله وبركاته
ياخوي ما يبغا لها تهجس ناظر الكتلوج وتلقى الافاده والسلام

[الحربي 591]

السلام عليكم ورحمه الله وبركاته
ياخوي ما يبغا لها تهجس ناظر الكتلوج وتلقى الافاده والسلام

:good2::good2::good:

[أبو شيري]

أنا أقول الطرمبه اللي فاضيه ما عندها سياره عب منها ولا هنا الا العافيه
واترك خرابيطهم

اجل اذا رحت الامارات تعبي 91 او 95 او 98

انا اعبي 91 وكل نهاية أسبوع ماسك خط واحيان احصل المحطه مافيها 91 اعبي المتوفر 95
ولا هناك أي فرق
لذلك فلل وتوكل على الله

[محمد خماش]

اتخذ قرار الوقود المناسب لسيارتك: بنزين 91 أم بنزين 95 ؟⛽

(Make the right fuel choice)

افتح الرابط التالي:
http://mycar.saudiaramco.com/ (http://mycar.saudiaramco.com/)

[cadillac911]

اتخذ قرار الوقود المناسب لسيارتك: بنزين 91 أم بنزين 95 ؟?

(Make the right fuel choice)

افتح الرابط التالي:
http://mycar.saudiaramco.com/ (http://mycar.saudiaramco.com/)




السؤال اللي يطرح نفسه هل سوناتا 2010 تقبل بنزين 91


اذكر الله تكسب حسنة

[ناصح]

قبل فترة تحولت من البانزين 95 إلى 91 لموتري الجيب م 2005gxr خليجي
حينها ولمدة تغير علي الموتر ماهو ذ موتري اللي أنا خابر ضعف عزمه وبعدها بديت أسمع لقلقه بالسرعات الخفيفة البانزين يطير بشكل عجيب؟ مع العلم أنهم يقولون هذا البانزين اللي يصلح لسيارتك؟ المهم وبعد سنه وبعد ظهور ماذكرت على موتري سألت أحد الفنين السعوديين وقال لي قبل أن تعمل أي شي جرب تغيير البانزين الأحمر؟ وياجماعة حينها جربت وم أول تانكي رجع موتري ورجع عزمه وراحت اللقلقه؟ وبدأ الموتر يقل استهلاكه للبانزين ووفرت مخباتي ؟ والحمدلله على كل حال:good2:

طيب سيارتي 2002gxr
يعني المحرك نفسه وقير عادي

واعبي 91 ولا أحسن منه ورائع جدا خط وديره وبر

وجرب عبيت 95 لا يوجد فرق خسارة ريالات بدون فائدة

وعلى هذا الكلام أنه كل محرك له ما يناسبه

وصانع السيارة أعرف بما يناسبها :good:

شكرا

[تزبطي]

انا مدري اي واحد الزين ﻻكن اذكر لكم تجربتي

GXR2002
كنت اعبي 95 وفجأه
عبيت91 مالقيت اﻻ هو بالمحطه

مﻻحظاتي

الموتر وهو واقف فيه ترتره او رعشه خفيفه
واحيان الظغط RPM
يعلق فوق 1 بشرطه وحده مايروح لين ادعس له مرتين او 3 واحيان يفك من كيفه

رجعت 95 وصار الوضع طبيعي


هذي تجربتي والله سبحانه وتعالى اعلم

[الأسير]

بالفيديو



معلومات مهمة جدااااا عن البنزين




http://www.mekshat.com/vb/showthread.php?t=663936