المساعد الشخصي الرقمي

مشاهدة النسخة كاملة : منظم الهواء باثفندر 2003


مدوخ الصفاري
03/12/2009, 06:26 PM
ياخوان مره اول مامسكت طريق المزارع زريت ع الموتر وويوم وصل 120 فصل فجأة واشتغلت لمبة المكينه

وقفت اتفقد الموتر مالقيت شي

شغلت ومشيت يمشي طبيعي بس اذا كتمت له يجلس يتفتف عند 2 او 1 ونص

اما اذا مشيت شوي شوي يمشي معي ل120 بس اذا تعديت 120 يبدا يناتع معي بالرغم انه تماتيك

وديته لورشة الكسر بالزلفي وفحصته كبيوتر وقالو الحساس ( منظم الهواء )

شريت الحساس وركبته اصلي ومشى الموتر زي السلام عليكم بس لمبة المكينه للحين شغاله يوم جا بالليل رحت النفود وتعرفون دخلت وفيه اماكن لابد اني اكتم له عشان يمشي وفجأة فصل ورجع الخراب نفسه بنفس اليوم وش السواة يالربع الله لا يهينكم
ابو فيصل 99
03/12/2009, 08:18 PM
اخوي هذا يدل على ان الحساس الاول مافيه شي
وانت جرب افصل البطاريه لمده 10 دقائق وركبها مره ثانيه
وجرب
او ركب الحساس القديم تلقاه يضبط معك
لان السالفه سالفه برمجه
ولا تنسى تشيك على الاسلاك فيها جرح او مقطوع
ابي كم سعر الحساس اللي شريت
مدوخ الصفاري
04/12/2009, 02:16 AM
اخوي اذا ع الاسلاك مادري لكني اخذت بكلام واحد يقول مثلك جرب اففصل البطاريه وفصلتها ولا ضبط وفصلت قبل انام وقمت من بكره العصر وشبكتها ونفس الكلام
أحبك777
04/12/2009, 02:44 AM
الخطاء منك اخوي
كان لازم عليك يوم تغير الحساس تنظف قربة الهواء والفلتر من الاتربه والاوساخ وتركب فلتر جديد

الحين الله يخلف عليك لازم تركب حساس جديد وفلتر هواء جديد
وتنظف قربة الهواء وماجاك علي معي نفس موترك وصارت لي نفس السالفه بالظبط
واحس ان فلتر الهواء حقك من زمان ماغير <<مجرد توقع

وتراني مسجل علشاان ارد عليك :)
مدوخ الصفاري
04/12/2009, 04:11 AM
اخوي انا مغير الفلتر حق الهواء قبل الخراب باسبوعين تقريبا
أحبك777
04/12/2009, 01:13 PM
تأكد انك مركب فلتر اصلي من الوكاله
لان التجاري نفس الشكل وكثير من الناس
يخلطون بينهن والحين يبي لك فلترأصلي وحساس جديد
وتروح المشكله
escape_man
04/12/2009, 03:13 PM
اطلع لاقرب ميكانيكي ..

غير صفاية البنزين

نظف الحساس الجديد وشيك اسلاكه والقابس الي يركب فيه

نظف الثروتل ببخاخ ACDelco

وان شاء الله ماقدامك الا العافية
سوبر VTC
24/01/2010, 03:09 AM
مع الربع باث م2004 قبل اسبوعين بالصمان بفيضة ام غرس
جارين الموتر الى محطة الرقيبة ردمية 70كيلو ثم شالوه بسطحه
و السبب
خراب حساس الدعسه مايتعدا سرعه 20
و خراب الباث يكون من حساس الدعسه اللي عند رجل الراكب + احيانا خراب حساس اللهاة تابع للدعسه
يفك حساس الدعسه و يوزن + التشييك على حساس اللهاة + استخدام الكمبيوتر
التكلفة شغل يد من 250 الى 300ريال
اذا كان الحساس خربان سعره ب1800 اما حساس الرجل
فتقريبا ب500ريال