صوره للمناطق الممطوره يوم امس.

[بركان]

صوره توضح المناطق الممطوره يوم امس الثلاثاء 19 رمضان 1425
( المطر المنظور) وهذه الصوره تحددها الاقمار الصناعيه.
ويلاحظ غزارة المطر( الأخضر الداكن) على منطقة حائل وما جاورها.
والله اعلم.

http://www.mekshat.com/pix/upload/images6/mk6587_observedrainfall.wsi;midea;ObservedRainfall ;jpg;observedrainfall

[ابو سعد]

السلام عليكم ورحمة الله وبركاته
مشكور اخوي بركان الحقيقه اتحفتنا والتوقع 95 % صحيح والله اعلم
وادعوك لزياره هذا الموضوع يمكن نستفيد من خبرتك
http://www.mekshat.com/vb/showthread.php?s=&threadid=18927

[الربذي]

الغالي بركااان
ممكن الله لايهينك الرابط
لان التوقع صحيح 100بالمائة
لاني من تلك المناطق

[الحذر]

الله يعطيك العافيه يابركان
وحنا في منطقة الجوف لنا يومين وحنا نشوف المزن يردم من الصباح وحتى الليل على ناحية حرة الحره وطريف والحماد شمال وشاكر منك هالمعلومات القيمه بالعلم الحديث

[بركان]

اخوي / الحذر
شكرا على مرورك

اخوي ابو سعد
شكرا على الدعوة
ذهبت هناك والشغله طويله ومعقده وتأخذ من الوقت الطويل
وانا اخوك انا خوي العجل. مالي جلد ما يوجد حاليا من مواقع يفي باحتياجاتي. كما ان الصور التي يحصل عليها الاخوان في الموقع المذكور صور خام تفتقر الى التحليل.

اخوي الربذي
وراك كل ما شفت لك صوره قلت الرابط لو سمحت
يا اخي هذا سر المهنه
لو اعطيتك الرابط جلست بدون شغل
وين القا لي شغل .
تشغلني عندك امتر البران على شان اوصف لاهل مكشات مكان الامطار.

على العموم ما دامك من اهل هاك الديار تستاهل الخير ورابط الخير والله يزيديكم
ونزولا عند رغبتك سأزودك بالرابط بس تكفى لا يدري عنه احد على شان ما اصير عطيلي لا شغل ولا مشغله.
لي خلصت وحطيته في المفضله امسحه لا يشوفه احد.!!!!

ولي طلب زغنون لا تبخل علينا باخبار الامطار تراي والله اعشقها حتى الثماله وحلومي في الليل كلها رعود وبروق وقبلها عجاج.
الظاهر ان حكيي واجد ومن كثرته بغيت انسى الرابط
تفضل يالغالي
الرابط هنا ... اضغط لا هنت (http://www.intellicast.com/Local/IntlLocalStd.asp?loc=oerk&seg=LocalWeather&prodgrp=Forecast&product=Forecast&prodnav=none)

بعد فتح الرابط اختر كلمة( Current ) من الشريط العلوي وضع السهم عليا سيظهر لك قائمت اختر
اختر( Observed Rainfall ) الثانيه من الاسفل.
والخرائط كثيره للتوقعات والرياح وووووو.

تحياتي وتقديري.

[أبو فراس]

السلام عليكم ورحمة الله وبركاته

اخوي بركان

جزاك الله خير على الرابط ولكن مشكلته ان بعض الاخوان لا يعرفون الانجليزية

اتمنى انهم يعرفون الرموز وتكفي ان شاء الله

[الربذي]

السلام عليكم ورحمة الله وبركاته
الغالي بركان
انا مثلك مطري مرة وكل المفضلة عندي عن الامطار واحوال الطقس
والحمد لله
من عصر الاحد الا اليوم ليلة الجمعة والمطر يوميا وحس الرعود مافارقتنا
تصدق اخر سحابة هالعصرية عصر الخميس وطيبة بالحيل
ومعها غزلان
ياسلام على صوت وهدير الشلالات من جبل اجاء ماتسمع خويك لو يصيح بجنبك وسيلت الشغايا والشعبان
وعايلة بغى يقلب سيارتهم السيل حركها على جنب وطفت وخافت العايلة وافزعوا لها الزكرت
والحمد لله والمنة وبامكانك الذهاب الى موضوع ياحظ اهل حايل شوفو السحب عليهم لاخونا كشات
محبك

[بركان]

اخوي الغالي الربذي
وش هالاخبار الحلوه
الله يزيدكم وتستاهلون اكثر
والله يطرح البركه في ما جاكم
معروف لدينا بان منطقة حائل ممر سحاب منذ القدم ما ودكم نسوي نقل قدم؟؟؟!!!!!
تعالوا عندنا ونجي عندكم
حنا في الرياض ما جانا الا البركه قطع سحاب اقرب الى السدا
وانشاء الله القادم احلى
ومثلما تفضلت المفضلة لدي كلها روابط سحب وامطار واقمار وقطع غيار للاقمار!!!!

اللهم اغثنا قل آمين.