مشكلة : طرمبة الزيت للسفاري + الدبل

[مصمك تميم]

السلام عليكم ..
حيالله الربع .. كيف الحال ..!!

يالربع عندي باترول سفاري 2005 قير عادي ..
كان عندي طرمبة الزيت مكسورة وخربت المكينة وجفتها والحمدلله ..
هالكلام قبل اقل من شهر .. الحاصل ان أمس ظهرت عليي علامة الزيت يوم وديتها للمكنيكي شاف الزيت الا ناقص ( وانا ماصارلي الف وانا مغير الزيت mobile ) المهم انه زاد الزيت ، عقب ماشغلت السيارة طلع صوت طقطقه خفيفة بالمكينة ثم اختفت ، قال دير بالك لاتحرك السيارة كثير يمكن تكون عندك المشكلة من طرمبة الزيت .. يالربع وش السوات الحين ؟!!
بعدين هل أقدر افحص الطرمبة بالكمبيوتر !؟؟
ولا الدعوى فيها فك مكينة ؟

والشغله الثانيه عندي الدبل فيه مشكلة بسيطة .. الدبل اقدر اشغله وانا واقف فقط ، ومن المعلوم ان دبل السفاري تقدر تشغله وانت ماشي 40 .. لكن انا عندي عصا الباترول ماتلقم ..

جزاكم الله خير وسامحوني عالإطالة ..
( واللي عنده كراج طيب بالكويت مضمون لايحرمنا منه الله يحرمه من النار )

[الوافي0]

بالنسبة للدبل الدفع الرباعي الخفيف فقط يشتغل وانت ما شي لو فوق مية عدي اما الثقيل لازم توقف عشان الجنزير او الترس لا يعطل اما اربعين ماشي حتى لو قبل معك بيروح المحرك ملح
وبالنسبة للطرمبة تأكد عند واحد اهم صح يمكن الاول نصاب صلح لك تلفيق

[مصمك تميم]

شكرا لك أخي الكريم ..
بانتظار باقي الأعضاء المشرفين أصحاب الخبرة ..

[1988]

دق على ابو صالح التركي بفيدك ان شاء الله او رحله احسن بورشته بالصناعيه القديمه بعد اذن المشرفين هذا رقم جواله 0504118191

[مصمك تميم]

أشكرك عزيز 1988
لكن لو تلاحظ اني طالب ورشة بالكويت :)
ماعليه ، المهم رحت اليوم لخبير نيسان عندنا ، السيارة شغلها ويوم جيت ادعس بانزين طلع صوت حكه سريعة ثم طفت السيارة .. الميكانيكي قالي هذا من جنزير الصدر ..

شاكر لكم اخواني ..