استفسار بخصوص مشكلة في اللاندكروزر ارجو الدخول

[الحثاقي]

السلام عليكم ورحمة الله وبركاته

اسعد الله اوقاتكم بكل خير ايها الاعضاء الكرام

في البداية عندي للاندكروزر GX 2007 قير عادي وحدثة به مشكلة من 6 اشهر تقريباً وهي

انه اول ما يشتغل الصباح وهو بارد لما ادوس له فيه كتمه او تقطيع ما يقبل

البنزين واحياناً يرمي من شدة الكتمه واذا كنت ماشي ورفعت رجلي

عن البنزين يرمي

بس اذا احتمى قل التقطيع او الكتمه وايضاً لاحظت ان الموتر عزمه صار

ثقيل شوي طبعاً غيرت البواجي وفلتر الهواء وصفاي البنزين بس ما فيه فايدة

وشيكت على اسلاك البواجي كلش سليم

ولازلت اعاني من هالمشكلة الميكانيكي يقول احتمال من الحساسات ان فيها وسخ

ولازم تعرضها على فحص كومبيوتر وانا محتار فهل احد مرة عليه منكم نفس هالمشكلة

ياليت تسعفوني بالحلول واكون لكم من الشاكرين

وايضاً ياليت تدلوني على افضل فحص كومبيوتر بالرياض

والقصيم

في انتظاركم لا عدمناكم

[بدوي جنوبي]

عليكم السلام

المفروض اول ما تشغل ما تدوس بنزين نهائيا وخاصة فى البرد
لان الزيت يكون بارد ولزوجته عاليه ثقيل يعنى
تقول عسل

ومثل ما قالك افحص المكينه كمبيوتر

بالتوفيق

[الحثاقي]

مشرفنا العزيز بدوي جنوبي

شرفتني اطلالتك طال عمرك

استاذي انا اقصد انو بعد ما اشغلها الصبح بعد فترة التسخين الي هي في حدود خمس دقائق وادوس لها

تكتم طبعا انا ما ادوس على طول اول ما اشغل نهائياً لاني عارف مضاره على المكينه

وشكراً لك استاذي

[الحثاقي]

للرفع,,,,,



و ياليت تدلوني على افضل فحص كومبيوتر بالرياض


والقصيم

[ابو التوليف]

السلام عليكم ورحمة الله وبركاتة
تأكد اخوي من البخخات ونظافتها ليكون بعضها منسد او من المنظم حق الهوى او ليات الهوى ليكون بها تنسيم

وبالتوفيق

[شامخ ألهيلا]

السلام عليكم

اخوي طال عمرك انا كانت معي نفس الشي وقت التشغيل
ونظفت لهات البخاخ بمنظف اي سي ديلكو حق البخاخات والكلبليتر وحاول تفتح الاهاه بسكروب وتبخ داخله
وغيرة البنزبن من 91 الى 95
وحطيت منظف البخاخ الي يخلط مع البنزين

ونصيحة عند التشغيل في الصباح
حط المفتاح في السلف وشغل البطاريه وانتظر اقل من 60 ثانيه
ثم دق سلف

وان شاء الله امورك متسهله

[alannaby]

الله يعينكم

[ابوسليمان99]

اخوي الحثاقي انا اعاني من نفس مشكلة الرمي عند تغيير النمره خاصه من الثالث الي الرابع وياليت احد يفيدنا بخصوص هذه المشكله كل الاند كذا بس وش المشكله مادري

[ابو فهد حاايل]

شيك على البخاخات يمكن يبيله تنظيف

[turke2545]

السلام عليكم المشكله عندك كهرباء انصحك
تفحص كمبيوتر وانتبه ثم انتبه تخلط المنظف السي دلكو
مع البنزين على شان ماتخسر مكينه لانه قوي مرة ويشرم
البلوف هذا ماحبيت اوضحه لك والاخوان

[ق ب ب 726]

اخوي قبل توديها لاي ورشه شيك على هالشغلات لانها صارت معي نفس مشكلتك
وحلها سهل
فك هالاسلاك ولا تشيل هم ترجيعها لانها مرقمه رقم على السلك ورقم على القاعدة واذا خايف فكها واحد واحد
شيك على الابره الداخله اذا لونها اسود ( صنفرها ) لحد مايرجع لونها الطبيعي وحك الحفره من الداخل (بلطف) حتى يروح السواد وانفخ لحد ماتطلع الوساخه لان هالوساخه تمنع وصول الكهرب وتثقل عزم الموتر .
واحتمال تلقى صعوبه باخرجها فخلك حنين ويمكن تلاقي منها مكسور وهذا سب المشكله مثل مصارت معي
شيك عليها وحده وحده وان شاء الله يكون هذا السبب .

http://mixmax.hostrator.com/h1ujldt3k3y3h3.jpg




http://mixmax.hostrator.com/m8zjldt3k2e0m3.jpg

[الكونترولCONTROL]

غالبا ... فحص اللاند كروزر كمبيوتر
لا يوجد الا لدى الوكالة أو العضيب و اليرموك
و الله يكون في عونكم ,, 6 سلندر ان شاء الله ما هوب معقد مثل الـ 8

[VXR.2007]

http://www.mekshat.com/vb/showthread.php?t=157313

[الحثاقي]

ابو التوليف



شاكر لك مرورك الكريم والله لا يهينك الظاهر ما بقي غير البخاخات بس ودي افحصها قبل والله لا يهينك يا


بعدي



شامخ ألهيلا



شرفني مرورك الكريم استاذي انا فكيت الاربع مسامير وطلعت الهات ونظفتها ببخاخ اي سي ديلكو وطلع منها


اوساخ وانت بكرامه ورجعتها مثل ما كانت وما زالت المشكلة علىالعموم الله يعطيك الف عافية يالغالي



alannaby



شكراً لك على المرور والله يعين الجميع



ابوسليمان99



اشكرك على تفضلك بالمرور اخوي ابو سليمان انا طال عمرك اكون ماشي بسرعة ولما اهدي يرمي


اظن نفس مشكلتك الظاهر مشكلة كهربائية شيك على اسلاك البواجي عندك وان شاء الله نلقى حل


لهالمشكة الي مضيقة صدورنا تقبل تحياتي



ابو فهد حاايل



شرفني مرورك واهتمامك يابو فهد وان شاء الله اني بشيك على البخاخات الله يعطيك الف عافيه



turke2545



شكراً لك اخي تركي على المرور الكريم والنصيحة الثمينة لا عدمناك


طبعاً شي اكيد اخوي تركي ما ينضاف بخاخ اي سي دلكو مع البنزين بس اخوي شامخ الهيلا يقصد مادة


منظفه غير بخاخ اي سي دلكو تضاف مع البنزين على العموم الله لا يهينك اخوي تركي ويعطيك الف عافية



ق ب ب 726



اشكرك جزيل الشكر على مرورك واهتمامك طال عمرك


اليوم شيكت على ماقلت لي بس طلعت كلها نظيفه ولا فيها سواد ابد ونفخت الي داخل ولا زلت اعاني


من المشكة على العموم الله لا يهينك ولا يصغرك ولله يعطيك الف عافيه



الكونترولCONTROL



شكراً لك عزيزي الكونترول على مرورك وتشريفك واهتمامك


لاعدمناك يالسنايدي


الله يعطيك الف عافية


تحياتي



VXR.2007



اشكرك اخوي العزيز والله لا يهينك ولا يصغرك


الله يعطيك الف عافية

[تميراوي]

اذا كانت السياره تقطع "تتفتف" اول ماتشغل السياره اذا دعستا على البنزين او اذا هديت في الملفات ثم دعست شوي .. واذا مسكتا الخط مافيه شي . فهو اكيد من البواجي لكن بما انك غيرتها فتاكد من الاسلاك مره ثانيه اكيد الخراب منها

[الحثاقي]

تميراوي

شاكر لك مرورك واهتمامك طال عمرك

انا ماخليت شي ما سويته شريت سلك البواجي رقم 6 بحكم انه اطول سلك واستعملته على كل البواجي من

رقم 1 الى رقم 6 على اساس اكتشف اي سلك يهرب كهرب وطلعن كلهن سليمات

اشكرك اخوي تميراوي وتقبل تحياتي

[ق ب ب 726]

طيب جربت تشيك على البواجي واحد واحد؟؟
يعني تشغل السياره وتفك سلك سلك وتشوف وين السلك اللي اذا فكيته مايتاثر الموتر منه
يمكن يكون عندك بلف قافل !!

ولا شيك على الكنداسه يمكن فيها سدد

[لاخلى ولى عدم]

ياخي افحصه كمبيوتر بالوكاله وريح قلبك

هذى لاندكروزر مهب سوزوكي واحد واحدين تحبرش فيه

[رأعي العنود]

اخوي , اذا الموتر يقطع عند اذا لفيت على سعرهـ هذي اكيييد من البخاخات ,

جرب نضفها ,

اكيد تمشي على البنزين ربع .

[ق ب ب 726]

ياخي افحصه كمبيوتر بالوكاله وريح قلبك

هذى لاندكروزر مهب سوزوكي واحد واحدين تحبرش فيه

يعني متعب روحك وداخل وكاتب كله عشان تستظرف يالظريف ؟؟؟
ياقل حل يا خل عنك ( التحبرش) ياراعي السوزوكي

وقبل ما تستظرف خذلك دورة املاء وعدل اسمك (لاخلى ولى عدم) لا خلا ولا عدم

[الحثاقي]

اشكر كل من مر على الموضوع الله لا يهينكم


حبيت اخبركم اني امس كنت بالرياض ورحت للعضيب الي بالمصيف وكشفت عليه بالكومبيوتر ولكن للإسف


يقول الكومبيوتر انه سليم مع ان المشكلة واضحة والفني الفلبيني يقول خله عندنا بنسويله تصفية كاملة


سألته وش التصفيه الي تسويها قالي نفس الشغلات الي انا غيرتها قلتله ( ما طبنا ولا غدى الشر) وتركتهم


ورحت لصناعية النسيم عند ورشة الفيحا قالي واحد انه عندهم فلبيني ممتاز ورحت قالي مدام الكومبيوتر


ما طلع شي وانت نظفت الحساسات وغيرت البواجي وصفاي البنزين والبواجي يمكن يكون من طرمبة البنزين


المهم تركته ورحت الصناعية القديمه ورحت لليرموك قالولي مدامك فحصت عند العضيب ولا طلع شي


يمكن يكون من الكنداسة او البخاخات وما عندنا جهاز يختبر البخاخات قالو رح لورشة اسمها الجبرو خلف


شالنجر متخصص بالكزس المهم رحت له ولقيت سوداني قلتله ابيك تكشف على البخاخات قال ياخي والله مشكلة


الجي اكس مشكلة لسى توني مخلص واحد جي اكس عنده تقريباً نفس مشكلتك بس اخذ معاي وقت وبهذلنا اخر


بهذله يقول اخذ معانا اكثر من يوم واحنا نكشف عليه سلك سلك الين حصلنا مشكلته قلتله ايش طلعت مشكلته


بس ما رضى يعلمني المهم قلتله طيب اكشف لي على السيارة قالي الا تخليها عندي يومين قلتله ما اقدر


انا مو من الرياض قال ما اقدر انا مضغوط والسيارة بتاخذ وقت قلتله اجل اجيك في وقت ثاني يكون


ما عندي شغل والى الان وانا مخاير ما ادري اوديها اخاف ما يصير عنده سالفه هالسوداني



المهم الله يكون بعونكم يا أهل الرياض والله يعظم اجركم على هالزحمات انا كان في شعرتين بيض


الحين كل شعري صار ابيض

[سرحان 1965]

البخاخ والله اعلم

[الا مبراااطور]

أخوي الله يجزاك خير
نفس المشكلة تماماً صارت معي
أرجو اخبارنا بما حصل معك وكيف تم اصلاح المشكلة
الله يرضا عليك تعبت من الاصلاحات

[turke2545]

أخوي الله يجزاك خير
نفس المشكلة تماماً صارت معي بس عند لاكان صالنصيل
ماعندك احسن منه بعدين لمشيت جت المشكله
أرجو اخبارنا بما حصل معك وكيف تم اصلاح المشكلة
الله يرضا عليك تعبنا من الاصلاحات

[؟؟؟شادي نجد؟؟]

السلام عليكم ورحمة الله وبركاته

اخوي انا كانت عندي نفس هالمشكلة وطلعت كربون بالسيارة

يعني لسان اللهات وسخ ومتراكم عليه الوسخ وشريت بخاخ اسي ديلكو بـ 15 ريال وبخيته على لسان اللهات ونظفته بس انتبه تفتح اللسان وتبخ داخل المكينه لأنك بتخرب جلد البلوف وبعدها تبلش وتفك المكينه عشان تصلحها

وكذلك خليت الموتر لين صفر البنزين وقرب يطفي ورحت لمحطه بنزين يبيعون قازولين اللي هو قاز وعبيت علبة موية الصحه اللي بريال وصبيتها بالتانكي والطريقه هي انك تطفي السيارة وتصب القازولين بالتانكي وبعده تعبي بنزين 95 بـ 25 ريال فقط وتحاول تمسك خط حوالي 50كم وان شاء الله بتشوف الفرق الكبير اللي بيصير

وطبعا فايدة هالطريقه انه ينظف محركات السيارة من التانكي الى المكينة وينظف البخاخات و صفاية البنزين والتانكي وغيره

والله اعلم

[200]

السلام عليكم ورحمة الله وبركاتة عندي ددسن بخاخ اذاشغلت المكيف ينزل صوت السيارة وش الحل تعبت مع الورشات بدون فايدة مع العلم كل مااغير البواجي تفتف السيارة وتقعد اسبوع وبعدين تصلح من نفسهااا وشكراااااااا

[احلى مزاج]

اخوي راعي المجمعه

انتبه انتبه انتبه من السوداني اللي بجبرو اصلاً جبرو كله سرق في سرق حراميه ومرسلك لمه اليرموك لانه جبرو تبع اليرموك

تبي الشور رح لمركز البلاد قسم لكزس ولاند كروزر فيه مهندس اسمه فراس فاهم بالحيل وما عنده لف ودوران انصحك تروح له ورص عليه بالسعر تراه يخصم

الله يسهل امرك

[سوبر مكشات]

عندي لك زيت قاري عليه الشيخ مطاعن بن شيبه

كانك تبي منه ارسلي عالخاص

وشغل اذاعه القران دايم بالسياره بنيه الرقيه
وخلها مشغله دايم

[ابو نوااف]

والله نفس المشكله عندي انا معي في اكس ار اذا مشيت فيه 40 /60 يقطع ما يتفتف وديته الوكاله فحصوة مافية شي وديته لورش اليا قبل جدة ومكه وتبوك وما احد عرف له والمشكله قائمه الى الان مع العلم اني غيرت صفاية بنزين وبواجي راسين القديم راس واحد يقولون والعهده على اللي شافوة انها طرمبة البنزين وشكلي اني ابغيرها سعرها بالوكاله 870 ريال .
اذا لقيتوا الحل تكفون علموني !

[النمر الكحلي]

افحص حساس الهواء