ونش سيارة متنقل

[شاص]

السلام عليكم ..
قبل يومين كنت عند أحد محلات الرميح وشدني عنده ونش متنقل يركب على الهوك الخلفي للسيارة ويشبك على البطارية وحجمه ماهو كبير بحجم ماطور الهواء سوبرسفاري أو أكبر شوي وبقوة مختلفة 1.5 و 1.75 و2 طن وعلى كلام راعي المحل أن واحد شط يجربه قبل مايشتريه وأخذه وجربه ثم شراه وعرض علي تجربته قبل ما أشتريه الميزه حجمه وتنقله وسعره , اسعارها تقريباً بعد التخفيض400-480-600وشوي تقريباً حسب ما أذكر , العيب اللي به هو أنه صيني وما عليه ضمان!
ياليت اللي عنده خلفيه عن هالنوع من الونوش من ناحية عملانيتها يفيدنا وهل هناك شركات من شركات الونوش المعروفة تنتج مثل هالنوع؟
(سأحاول إدراج صور في أقرب وقت)

[*ابوخالد*]

يعطيك العافيه يا الشاص

ماقصرت سعره والله حليل بس ان بغيت تشري انت او غيرك

من الاخوان خذ 2 طن لان فيه واحد من الشباب معه رام 2001

تعلق بطين يوم شغل الونش ( الونش وكاله شكله اكثر من 2 طن )

واشبكه على طلحه انقطع

[SilverSniper]

والله يا طويل العمر يا شاص ما عندي خلفية عنه.. لكن ما ورى الصيني عيشة.. إذا تدور ونش لا تتعدى وارن WARN.. لك وللزمن

[عبد الله الفايز]

تكفون ياشباب جيبوا لنا خبر هالونشات المتنقلة

هذا والله الزين أزين من الثابت المرهم

[ممتر البران]

السلام عليكم ورحمة الله وبركاته
تلقا الونش عند سا كو موجود وبعدين موب راكب تمام صعب تثبته
بغيت اشريه لموتري الاول وقالو لازم يثبت ولاهوب لاي سياره انواع مخصصه وما يجي الا بالترهيم
وانكان قصدك ودك تحطه ورا لياك تنشب وما فيه شجره ولا حصاة الا ورا يخوي فيه منا سيب تطق تقوم مقام الشجره ولا ادفن ستبنتك ولا الظاهر منيب متاكد ان كان منيب واهم بكره تغير الاتجاه حق الواير بدون ما تثر او تعكس الاتجاه تحط البكره قدام الموتر وتمرره عليها وتعكس الاتجاهيعني تشبكه بشي ورا الموتر مثل شجره
واي سؤال انا حاضر
واسف على الاطاله

[عبد الله الفايز]

مشكور ياممتر البران (( شكلك مساح والا راعي مكتب عقاري ))

أمزح معك !!!!!!!!!!!!!!!!!!!!!!


تدري وش ودي ؟؟

أبي ونش له وايرين

قصير وثابت يشبك بالسيارة المغرزة مع أي جهة

طويل ببكرة ويربط بأي شي شجرة حصاة سيارة ثانية .. الخ

ويكون وذف وقوي

[شاص]

حياكم يا إخوان جميعاً ومشكورين على المرور...

أخوي سلفر سنايبر مشكور على الرد لكن الوارن وأنا أخوك غالي مقارنة بهذا وأيضاً ماهو متنقل مثل هذا وبالمناسبه مريت السليماني وسألته عن هالنوعية من الونشات المتنقلة فقال لي أنه سبق وأن جاب كمية من فترة طويله ولا عاد صار يجيب وسعرها على كلامه كانت فوق 2000 ريال.

أخوي ممتر البران الونش أشكر لك تعليقك هذا سلمك الله مصمم على أنه يثبت بالهوك الخلفي لكن تقدر تثبته بأي مكان مناسب له.

[ممتر البران]

السلام عليكم ورحمة الله وبركاته
ان تسانك تحاتسيني يا عبدالله ما فهمت قصدك من له وايرين
القصير عادي خل معك اي واير اشتره من ساكو او محطه ولا لقيت سياره مغرزه اشبكه باحد شناكيرها
والطويل يجي مع المكره واير طويل وتقدر تحط الونش مخفي او بارز
وشكله اصلا يظفي على السياره نوع الهيبه يعني باذن الله ما فيه شي بيردها تقدر تطلع نفسها بالونش تشبكه باي شي وتجر نفسها
وهذا الي عندي
ومن الونوش واجد تلقاها عند السليماني وعليك بالرامسي
اقوا واكثر تحمل وعقبه الوارن
وشكل المخفي زي هذا الي بالشاص
http://www.mekshat.com/pix/upload/images6/mk4020_wnsh.jpg

طبعا هذ شد بلد ويظبطون موترك انه يصير مخفي ما يبان الا القماش او البلاستيك الي مغطيه اذا ودك

[مداوي]

السلام عليكم ورحمة الله وبركاته
اخوي لقد سألت عن عظيم يعني مستحيل:D أول شي لا يقربك الصيني لو انه بعشره الحين معنا امريكي وارن و يالله يالله بعدين كون الواير انقطع دليل على قوة الونش ولا فيه اكثر من انواع الوايرات شفهن بالرياض شارع الريل وقولك ترهيم مافيه اسهل منه انا ماأدري وشلون يجي ونش متنقل بااااااااااااااااااي;) ;) ;) :D

[تركي عبدالله]

السلام عليكم ورحمة الله وبركاته اخـــــــــــي شــــاص الـــلـــه يــجــــزاك خــــــيـــرآ عــلــي المـوضــوع المــوفــيـــــد لــنــا ولــي الـمـــنـــتـــدا اخيــنــا مـمــكــن مــعــلـيـك أمــــــر ان تــحـــط صــــورة الــونـــش لان لاســف لايــوجــد فــرع عــنـــدنــا للــرمــيــح ....ومــشــكـــور

[أبونايف]

السلام عليكم ورحمة الله وبركاته
الونش المتنقل هو ونش يركب في السيارة عند الحاجه للسحب حيث يكون فيه قاعده في مقدمة السياره يثبت عليها لحين الانتهاء من السحب والبعض يعمل له قاعدتين امام السياره وخلفها حيث يستخدمه في المقدمه أو الخلف حسب الحاجه , وهذا الونش للذين مايرغبون في وجود الونش باستمرار في سياراتهم وبصفه عامه يكون صغيرالحجم وقوته محدوده . وشكرا

[خشم الحصان]

الاخ الغالي
شاص
السلام عليكم
اخي الحبيب اذكر اني كتبت عن الونش(warn ) وفيه موضوع اذكر احد الاخوان من المشرفين كتب موضوع كامل عن الونوش وتراه موضوع يستاهل من يمر عليه قبل لا يشتري اي ونش .
بنسبه للوايرات (ف)ياخوان كل ونش وله واير مخصص يعني 2 طن له واير مخصص و3 كذالك وغيرها
لئن الواير خطر جدآ اذا انقطع قد يسبب مشكله للشخص او للسياره فاذا كان الونش شد بلد تجد ان الشركه حاطه الوير المخصص لسحب الونش اما اذا تم تغير الواير فيجب ان نرجع لي كتلوج الونش لمعرفة نوع الواير لكي نتلافا المشاكل في البر
يمكن ان تجد الكثير من الوايرات في دوار الخرج وهيا متعدده منها
الهندي
الصيني
الامريكي (غالي)
وصناعات اخري لا اذكرها
اخوك
حشم الحصان

[شاص]

السلام عليكم ورحمة الله وبركاته ..
هاذي صور الونش المتنقّل ، و أعتذر لفقدان بعض الصور للعجلة وإليكم أسعار الونش بحسب القوّة :
1 طن = 315 ريال
1.75 طن = 420 ريال
2 طن = 560 ريال

* تنويه : ليس لي أي علاقة بالشركة :D :D لكن من باب خدمة الشباب ..

http://www.mekshat.com/pix/upload/images6/mk381_IMG_0017.jpg

http://www.mekshat.com/pix/upload/images6/mk381_IMG_0015.jpg

http://www.mekshat.com/pix/upload/images6/mk381_IMG_0014.jpg
هذه الصورة مع القاعدة التي تثبّت على الهوك و ذراع لف الونش يدوياً (عند الحاجة)
http://www.mekshat.com/pix/upload/images6/mk381_IMG_0013.jpg

[ابو درع]

جدا ممتاز..

لكن يخوي شاص ما يطيح اذا ارجعت في السياره

يعني ناقصه شي يثبته في السياره الجل مايطيح من الرمانه

انا اتكلم عن السيارات الي فيهارمانه بدون تأمين.

وكلم العمده ( خشم الحصان) ان الواير خطر جدا ..نعم خطر

لكن لو شبكنا واير حبل وبعدبن نشبك الونش علشان يبعد عن السياره يكون افضل

وبهذا نتجنب الخطر ..



والله يعطيك العافيه ... يا شاص

[شاص]

حياك أخوي أبودرع..
الونش سلمك الله يركب وقت استخدامه فقط ويفك بعد الانتهاء منه وومكن تركب القاعدة السوداء اللي بالصورة على الرمانة لأن المسامير الثلاثة البارزة تركب بنفس الونش

[قناص الحبارى]

بسم الله الرحمن الرحيم

السلام عليكم ورحمة الله وبركاته

أخي الحبيب / شـــــــــــــــــــــــاص..

جزاك الله خير على هالموضوع وبصراحه مع إحترامي لجميع الأخوه وآرائهم أنا عندي هذا الونش أكثر سنه ونص

مجرب وما عليه قصور جاب المطلوب بالغرازات والحمد لله يعني يفي بالغرض وقيمته مناسبه جدا للجميع

أما بالنسبه لصناعته فهي صينيه لكن الصيني الآن إكتسح السوق بالكامل حتى بعض الماركات المشهوره

تصنع في شرق آسيا:p وبالنسبه للواير (( السلك )) مناسب جدا للسحب.. وإذا بغيت تضيف له ممكن أي حبل

قوي وقوته بصراحه مناسبه أما وارنر ورمزي فهي غاليه جدا و2500 إلى 6000 ريال وأستعماله نادر يعني ما تحتاجها طول السنه ,,

بإختصار توكل على الله وإشتره ولا تتحسف على شي ويمن تركيبه بخمس دقايق وفكه 6 دقايق:D

وتقدر تحفظه داخل الجيب أو بالحوض مع العزبه .. وأي أستفسار أنا بالخدمه

أخوك/ قناص الحبارى

[ابو درع]

معروف الله يسلمك انه يركب عند الحاجه

اقصد اذا ارجعت وهو مشبوك في الهوك

بعد ماتطلع من الغراز اكيد انك بدوس للسياره وبهدا يرتخي الواير

وكذالك الفتحه المثبته في الهوك ( الرمانه) .......،

اتضحت الصوره ,,

.............سلام

[خشم الحصان]

الاخ الغالي
شاص
السلام عليكم
اخيي واين الرمايه فيه في اي شارع الله يغفر لنا ولك امين ودي ازرقهم ولا فيه مانع من زرقة المذكور
انهج علي تكفي الله يغفر لنا ولك ويثيبك يابعدهم
اخوك
خشم الحصان

[شاص]

جزاك الله خيييييييييييييييير ياراعي الحباري عز الله إنك كفيت ووفيت .. لكن كم طن اللي عندك ؟ وهل واجهتك أي مشاكل فنية معه؟

أخوي خشم الحصان الونش سلمك الله شفته عند الرميح اللي بشارع عائشة بنت أبي بكر رضي الله عنهما بالسويدي قبل تويوتا على اليمين وأنت متجه شمال .

[مأيـغـرّز]

[B]السلام على الجميع 0000يا اخوان اتوقع هالونش الصغير ماهو للسيارات او للسحب القوي شكل الونش كانه اللي يركبونه على الطراريد لسحب السن او الباوره او القرقور اذا تبون ونش حي وصلد ماكو غير الوارن اسأل امجرب ويوم انك تغرز وتبي احد يطلعك بعد الله ماتلقا الاالوارن وبس سريع وقوي000 بس الغالي قيمته فيه وانا اخوكم ومن استرخص اللحمه خانته المرقه او مثل ما قالوا دمتم سالمين وغانمين ياهل مكشات محد شاف الغيم او المطر ؟ ترانا بالكويت نشفنا

[بركان]

يا اخوان
لدينا ونوش امريكية ثابته بقوة 4 طن وبمبلغ يفوق ال 4000 ريال وبالكاد تقوم ببعض المهام.
هذا الونش المتحرك قد لا يفيد الا في قلع الرمث والارطى.!!! ويمكن ان يفيد في سحب الضب (الجذع) من صلته.!!! اما( العود) فسيحرق ماطوره.!!!

لا احد يتوهق.

[وهبى]

بسم الله الرحمن الرحيم
اما بالنسبه للونش انا مركب ونش 3طن ومركب الونش فى مقدمه الموتر وعلى كيفك وسعره 150 دك الى الف وست مئه دينار
ودمتم