الكنود والمنع !!! ؟

[الرسيفر]

تعرفون حنا هالحين بوقت البر والمكشات وصار من الضروري بالسيارة جهاز الكنود أو الآيكوم بس بصراحة ودي أعرف هل تركيب الجهاز بالسيارة ممنوع وإلا لا ؟ ؟ ؟

لأني أنا بصراحة كل ما جا موسم البر ركبته بالسيارة وعساك ما تشوفن إذا أقبلت على نقطة تفتيش كأن ممنوعات العالم كلها معي ...

وأنا هنا ودي أعرف النظام هل مازال الكنود ممنوع وإلا صار مسموح نبي العلم الوكاد .
لأنه صارت هالحين على حسب نفسية العسكري اللي بالنقطة .

وشكرا لتعاونكم .

[SRAAMA]

نفس السؤال ؟؟؟...........واتوقع الوضع عادي

[AbuAli444]

أتوقع عادي .. لأن الجميع مركبينه .. ويباع بشكل عادي في محلات الاتصالات .. والأناتل على كل السيارات المتوجهة للبر ..

لكن .. فعلاً يمكن تعتمد على ( نفسية ) العسكري على نقطة التفتيش .. يمكن ؟؟؟

[الرسيفر]

يا عالم نبي العلم الوكاد
معقولة ربع مكشات ما يدرون وش النظام !!!!

[.G.M.C.]

اتوقع عااااااااااادي

[امير الرمال]

العلم الوكاد انه ممنوع ولو لقيوه معك من حقهم يشيلوه
لكن زي ماقلت لوكان العسكري حبوب وطيب يقدر يتغاضى عنك

نصيحة لا تستخد للكنود إلا الأنتل الأصلي ذو الصناعة اليابانية وترى سعره 100 بس ويفضل ان يكون وارد السنيدي

** وتقبل تحياتي **

[lr3]

اتوقع ما منع ولا سمح فيه ... يعني على كيف العسكري بس اذا بغى يسحبه العسكري اطلب منه وصل وقله انا ابا اراجع الداخليه و استرجعه ...

[كساب الطيب]

اتوقع ما منع ولا سمح فيه ... يعني على كيف العسكري بس اذا بغى يسحبه العسكري اطلب منه وصل وقله انا ابا اراجع الداخليه و استرجعه ...

صح عليك تمام اطلب وصل بمصادرته وقل براجع الداخليه او مركزك

لان بعضهم ما يخاف الله يقول مصادره ويحطه بسيارته

[دب ا422]

شف ونا خوك الحين معاد يدققون على الكنود خلاص اهمشي اسلاح عندهم اصلن ماله حق يصادره اصلن من لعب عليك رح وتمش وحطه على اطبلون ولا عليك

[مقلع الرمث]

شف كنود وبالديره وتمشى وتراسل هذا يمسك يبهذل فيك


اما انت كاشت مثلا ومريت على تفتيش على طريق مااتوقع ابد يقولك شي

لانك اموجه للبر

[yfd]

ولله انا اقول الوضع صار عادي
اما انا سافرت لشمال ومريت ديار وديار ومعنا موترين ونتراسل وحتى اذا ت نقطه ما نطفيه وسلام سلام وبديره يمكن تشوووش عليهم .

[b.l.z 2007]

صحيح كلام الاخ د ب ا 422 ومقلع الرمث وانا اخوك انا امر علا التفاتيش الي علا خط ابو حدريه والداخل النعيريه ولا احد يتكلم لانك انت رايح للبر ومحتاج للكنود وابد الي يقولك بصادر الجهاز هذا يبي يحطه بموتره وانا اخوك لكن خلك صامل وياهم لا ياخذونه ما عليك منهم وارجو اني افدتك

[براد نجد]

والله شف وأنا اخوك النظام عادي ولا هو ممنوع الا اذا كان علية مشاكل او ازعاج وغيرة يتشددون ولاكن العسكري اللي يأخذة ويصادرة بدون أي سبب هذا جاهل ولا يدري وش النظام اصلاً وتقبل تحياتي00

[بدوي جنوبي]

بنقل لقسم اللاسلكى

[فيصل التميمي]

انصحك وانا اخوك انك تنتبه خاصة عند نقطة التفتيش وتطفي الجهاز وان شاء الله مايجيك شي

[باثفندر]

نظاما ممنوع من هيئة الإتصالات وتقنية المعلومات إلا في حالة وجود ترخيص ،، أما النقاط المنع يكون حسب قرار الظابط .

[الجيب الريو]

نظاما ممنوع من هيئة الإتصالات وتقنية المعلومات إلا في حالة وجود ترخيص ،، أما النقاط المنع يكون حسب قرار الظابط .




هذا الكلام الصحيح
المهم لا تركبة و تستعمله داخل الديرة

[الرسيفر]

أشكر جميع الأخوة على التفاعل والردود على هالموضوع بس تبون الصراحة من خلال الردود يبقى الأمر على حسب نفسية العسكري
بس ما عليكم لو يطير ما أخذه إلا معي وصل
أكرر شكري للجميع

[fj44]

وجهت نظري
نزل الاريل دامك بتمر على نقطة تفتيش
وحاجتك فيه في البر
مثل الموتر المظلل اذا مريت وانت منزل القزاز مشاك
لانك احترمته اما تمر وانت حاط الاريل وجهك قوي يحقله يصادره
لانه ممنووووووووووووووووووووووووووع
واتصل على 996 واستفسر
تحياتي لكم

[راعي الG.X.R]

الكنود ماهو ممنوع حسب علمي
امر على نقاط تفتيش ولااحديسأل عنه
تحيــــــــــــــــــــــــــاتـــــــــــي

[زعيم الصحرا]

السلام عليكم
موضوع مصادره الجهاز
انا من الرياض ومركب الجهاز من خمس سنوات والاحديوقفني في الرياض وطريق الشرقيه وطريق القصيم وصار الوضع عندي عادي وقمت بزياره قبل ثلاث ايام الامنطقه الحسى وقابلني اول نقطه في مدخل الحسى واللي مستلم مجموعه من الصحابنا الشيعه وطلبو مني الثباتي وبعد قلونزل الجهاز ورفضت قلونوديك القسم ثم توجهنا للقسم الشرطه يوم جينا الشرطه تفاجيت بطلب قفاله حضوريه من المخفر نفسه قلت يناس اناوش قضيتي طلع الوضع جريمه قالو لازم كفاله حضوريه غراميه بعدين ترفع المعامله وتجيك غرامه ماليه وثلاث ساعات ونا الدور على واصطه تكفلني الين حصلت واحدكفلني تقول الني في قضيه سرقه الله لايبلانا والجهاز شاريه من المحلات اللي في المرسلات والمشكله النه يباع في السواق يعني المواطن يشري بفلوسه من السوق وانقطه اللسف تسلب منك يالمواطن مادم فيه شي ممنوع ليش مايمنع من السوق يصدر امر من الدوله بمنع هذا الشي وانتهينا بس اجهزه تباع في السواق وتصادر عليك والله ياجماعه ضلم

[الهدد يابعدهم]

أناماراح أزود على كلام الأخوان بس ممنوع أكيد ومثل ماقالوالأخوان لا تدور في الديره وأنت راكز الأنتل من حقه يمسك

[راعي الطلعات]

تعرفون حنا هالحين بوقت البر والمكشات وصار من الضروري بالسيارة جهاز الكنود أو الآيكوم بس بصراحة ودي أعرف هل تركيب الجهاز بالسيارة ممنوع وإلا لا ؟ ؟ ؟

لأني أنا بصراحة كل ما جا موسم البر ركبته بالسيارة وعساك ما تشوفن إذا أقبلت على نقطة تفتيش كأن ممنوعات العالم كلها معي ...

وأنا هنا ودي أعرف النظام هل مازال الكنود ممنوع وإلا صار مسموح نبي العلم الوكاد .
لأنه صارت هالحين على حسب نفسية العسكري اللي بالنقطة .

وشكرا لتعاونكم .

مثل ما قلت اخوي على حسب نفسية العسكري الله يهديهم هم يعرفون انه للبر بس لا حولا ولا قوة الا بالله بس اذا كنت تدور به بالديره فلا تشبكه علشان ما يصادرونه منك

[متابع الخير]

الأكيد أنهم مسكوا الجهاز معي وكأنهم صايدين حبوب مخدرات لأنهم حجزوني ثلاث ساعات
وتغريم 2000ريال مع مصادرة الجهاز ولم أخرج إلا بكفيل كأنني هندي

[for]

موقف حصل لي شخصياً رغم ان معي رخصه :mad:

http://mekshat.com/vb/showthread.php?t=240216

الشي اللي يغبن تكون ماخذ رخصه بشكل نظامي من هيئه الاتصالات -الطيف الترددي ويجيك جندي ركن صاعقه يتفلسف عليك :D

[السمن البري]

انا حاطه تحت المسجل والأريل ثابت على السيارة ولا احد قالي شي يمكن عشاني حاطه على شاص

وتقبلوتحياتيييي.........

[for]

انا حاطه تحت المسجل والأريل ثابت على السيارة ولا احد قالي شي يمكن عشاني حاطه على شاص

وتقبلوتحياتيييي.........

انا شاص :(

[المميـز]

طبعـــــاً

سبب تركيبنـــــــا للكنـــــــــــوود

عــــدم وجـــــود تغطيــــه أبـــــــــراج من شركـــــــات الإتصـــــــــالات

ولو لا سمح الله الواحد تعطل داخل البر ؟؟؟

شلون الواحد يبي يتواصل مع غيره ؟؟؟

صدقوني لو يكون فيه تغطيه من شركات الاتصالات لجميع بقاااع السعودية

مافيه احد راح يحتاج للكنوود ويبي يطيح سعررررررررره

:
::

طبعا شركات الاتصالات مافي امل يغطون الصحاري بالابرااااااج :D:)

لأنهم ماغطوا الخطووووط بين المحافظات

وبعض الاحياء في المدن ينقطع فيها الارسااااااااال

:

فلذلك لن يستغني المواطن عن جهاز الكنوود

ونطالب بعدم منعه للأسباب المذكوره اعلاه

[duzazms]

اخواني
ارجو فهم الامر جهاز بدون تصريح ممنوع حتى لو يباع في السوق لان اللي بايعة لك غير نظامي والشاري نفس الشي فاذ انت من رواد البر والعلوم الزينة تقدم الى دائرة الطيف الترددي واختبر وخذ رخصة وركب وانت مرتاح لا تعور قلبك كل يوم نزل ارفع وثق ثقة تامة قليل من العسكر اللي ما عندهم علم بالتصريح واذا ما عندة علم العسكر الثانين اخوياة بيفيدونة ونصيحة لا تحرم نفسك من الهواية وسارع باخذ الرخصة والله انك خسران لا في السيارة ولا في البيت تقدر تركب وسلامتكم



hz1bl
هاوي لاسلكي
ابوريان

[aaag8006]

السؤال الاهم لماذا يمنع وما الضرر وليش ووراه وشبوه ؟

[زعيم الصحرا]

طيب اليش المحل اللي غير نضامي مايتصادر منه كميات الجهزه الموجوده غيرنضاميه
يعني النضام عليك انت يصاحب السياره وصاحب المحل مبصوط على هذا اشي العسكري يصادر ونت ترجع تشتري من صاحب المحل والله يجماعه ضلم عينك عينك

[al7beeeb]

الله اعلم لكن اظنه ماهو ممنوع وهي على حسب المزاج

[محمدابونايف]

الله اعلم لكن اظنه ماهو ممنوع وهي على حسب المزاج

ذبحتنا المزاجيه المفروض ياخي راس ماله كنود اذاكانت مضاره اكبر من منافعه يمنعونه منع باتا والا يسحمون به ونعرف نتفاهم مع المزاجيه:f

[أبو الحارث 4]

اللي في بطنه ريح ما يستريح،
يا إخوان كبرتو المسألة أكبر من حجمها ،
الأمر أسهل من توقعاتكم،
جهازي معي من ست سنوات على الصالون ثم على الجيب ومعي في السيارة ما ينزل البتة وأريله ثابت على التندة
وما أكثر النقاط التي أمر عليها في البلد والبر
والحمدلله الأمور تمام ،
لكن حسبي أن العسكر ينظرون في السائق
وعلى ضوء ذلك يظهر مزاج الجندي
والسلام عليكم.

[عاشق النداوي]

اخوي الكنود موب ممنوع ونا العام مريت اكثر من تفتيش والكنود فوق الطبلون ولا احد تكلم فيه ومررره يفتشونا شافوه ولا قالو شي بس يفتشون على الاسلحه اللي سمعت انا انه مسموح لانه تم تشفير محطات وزارة الداخليه اللا سلكيه عشان كذا مسموح طبعن هذا اللي سمعت فيه ومتى ماتم مصادرت الجهاز اطلب اسم الشخص اللي صادره ورقم احواله ومرجعه لانك تخبر في ناس ماتخاف الله وبالتوفيق ان شاء الله

[BEN SADEQ]

والله ياخلفهم

عساكرنا مثل ماقالو الشباب مزاجيين ويضعون القوانيين على هواء كيفهم

اذا شافك ساكت عن حقك استقوى عليك

اما اذا قمت ترادد فيه ولا همك احد بياكل تبن وبيمشيك

[جفيل]

بن صادق
حسن الفاظك اخي الكريم .. ..

ولاتنسى انهم رجال امن حفظك الله .. ..

شكراً لك ..

[سلطان الدوحه]

امش صح يحتار عدوك فيك ...

[BEN SADEQ]

حسن الفاظك اخي الكريم .. ..

ولاتنسى انهم رجال امن حفظك الله .. ..

شكراً لك ..


اخي الكريم وش احسن الفاضي بارك الله فيك ؟؟

ماقلت شي وهذا الواقع الاسف

ماجبت كلام من عندي بارك الله فيك

ورجال امن على عيني وراسي

لكن يلبس البدله ويشووف روحه ملك ويرفع خشمه لا والله ماني ساكت له

وبارك الله فيك

[برحي]

اللي في بطنه ريح ما يستريح،

يا إخوان كبرتو المسألة أكبر من حجمها ،
الأمر أسهل من توقعاتكم،
جهازي معي من ست سنوات على الصالون ثم على الجيب ومعي في السيارة ما ينزل البتة وأريله ثابت على التندة
وما أكثر النقاط التي أمر عليها في البلد والبر
والحمدلله الأمور تمام ،
لكن حسبي أن العسكر ينظرون في السائق
وعلى ضوء ذلك يظهر مزاج الجندي

والسلام عليكم.




:D :D

ابو الحارث انت جيت تكحلها عميتها :D

يعني شلون بالله .... يعني اذا العسكري ما اعجبه شكلي يقوم يفتشني ويصادر على الجهاز ؟؟!!

والله ياخي منطق غريب

حنا مشكلتنا بشكل عام انه مافيه نظام واضح وصريح

بحيث ان المواطن يعرف حقوقه والعسكري يعرف حدوده

[دسكفر]

مساء الخير على الجميع/ والله يا اخواني الاعزاء،،، انا اللي اعرفه ومن احد الاشخاص المقربين لي في الامارة بأن الجهاز اذا كان ماهو مصرح من هيئة وتقنية الاتصالات فهو ممنوع ويخالف عليه حتى من قبل رجال الامن ومن المحتمل راح يسحب جهازك ويعد عليه تقرير تسليم لهيئة الاتصالات السلكية ولا سلكية التابعة لوزارة الداخلية علاوة على ذلك امر من الامارة بسحب ىالجهاز واذا تكرر منك ذلك تغريمك مبلغ قرابة 2000 ريال والله اعلم مجرد توضيح جزاكم الله خير ،،، والمثل يقول اللي في الجدر يطلعه المــلاس @

[خب النقع]

الانضمه والقوانين كلها بيد العسكري يعني بالعربي كل عسكري له نظام في هذي البلد
وايضا النظام يشمل نفسيه العسكري ووقت المخالفه يعني يوم 25 مسمووح كل شيء

والعذر الي دايم نسمعه منهم جانا تعميم من وزاره الداخليه

[مكشاتي حرمه]

حبيت افيدكم لوباليسير
فقد سبق وان كنت عضو بلجنة
دورها سحب مابالسوق من (اجهزة لاسلكية-شرائح ووو.....

والوضع الحالي حسب رؤيتي وتجربتي في منطقة الرياض ان كان الموتر اللي معك جيب
ولا شاص يعني يبرهن انك تقطع مسافات بعيدة داخل البر راعي صيد مثلا بالرملة والصمان
فما حد يقولك شي

اما اخواننا اهل السيارات الصغيرة والهايلوكسات فالعالدة يتبهذلون معهم ...

[duzazms]

اخي الهاوي


كل شي واضح استخدامك لجهاز الراديو الكينوود ولا ايا كان نوعة غير مرخص يعتبر مخالفة عليك والموضوع لا يرجع للعسكري اللي يكون بالنقطة الامر بالاوامر اللي تجي العسكري ويا اخوان لا تشككون في مسداقية العسكري انة بيصادر الجهاز ولا انة سوف يقوم بسحب الجهاز ويركبة بسيارتة ولا يخفى عليكم انة بعض نقاط التفتيش على غير دراية انة يوجد رخصة للجهاز او توجد جهة مختصة بتصاريح الاجهزة بس اذا ما عرف ثق ثقة تامة انة بيعرف من احد زملاة
وزبدة الكلام اذا انت هاوي اتجة الى موقع الطيف الترددي وتقدم بطلب اصدار رخصة هاوي وتكون كذا استكملت المطلوب عليك بعد ما تجتاز اختبار الرخصة وركب اي جهاز تبية وارتاح من موضوع التفاتيش وسلامتكم
ابوريان
HZ1BL
73

[رحال الغربية]

اخي الهاوي



كل شي واضح استخدامك لجهاز الراديو الكينوود ولا ايا كان نوعة غير مرخص يعتبر مخالفة عليك والموضوع لا يرجع للعسكري اللي يكون بالنقطة الامر بالاوامر اللي تجي العسكري ويا اخوان لا تشككون في مسداقية العسكري انة بيصادر الجهاز ولا انة سوف يقوم بسحب الجهاز ويركبة بسيارتة ولا يخفى عليكم انة بعض نقاط التفتيش على غير دراية انة يوجد رخصة للجهاز او توجد جهة مختصة بتصاريح الاجهزة بس اذا ما عرف ثق ثقة تامة انة بيعرف من احد زملاة
وزبدة الكلام اذا انت هاوي اتجة الى موقع الطيف الترددي وتقدم بطلب اصدار رخصة هاوي وتكون كذا استكملت المطلوب عليك بعد ما تجتاز اختبار الرخصة وركب اي جهاز تبية وارتاح من موضوع التفاتيش وسلامتكم
ابوريان
HZ1BL

73



:good2: :good2: :good2:
كلام يجمد عليه الشارب
والعذر والسموحة ياأبوريان ماقدرت أكلمك على موجة 40 متر لظروف خاصة و73 حارة

[SAUD HRESH]

ممنوع لانه يشوشر ويطلع على الدوريات
والسبب الثاني لانه لا يستطيع احد ان يحدد مكانك
وهذي اهم نقطه