الكفر مبنشر ولا عرفت له

[شبح الغابة]

كل عام وأنتم بخير وأسعد الله صباحكم بكل خير عندي رنج موديل 2004 الكفر مبنشر ولا عرفت له فكيت المسامير وعيا لايطلع الكفر وأنا أول مرة أستخدم الرنج هل عملية فك الكفر مثل فك كفرات السيارات الأخرى رحت لأثنين بناشر وقالوا مايعرفون الرنج والكفرا الي فيه كفرات بلاده حاولت سحب الكفر وعيا يجي معي ضربته من الداخل بماسورة كبيرة ولم يخرج من مكانه هل تتوقعون إنه صدأ الي عنده رنج أو يعرف يكتب جزاه الله خير لأنه إنشاء الله اليوم العصر لازم أفكه هو الآن مرفوع على عفريته والكفر المبنشر هو الكفر الأمامي الأيسر وشكرا

[escape_man]

صارت معي البارح بالباث فايندر

شكل الجنط محلي

رشه من الداخل ببخاخ حق الصدى ومن برا مع محل الصواميل

اتفخ الكفر بالماطور واضربه بشاكوش حديد مع تحريكه

وبيجاوب معك :)

[شبح الغابة]

صارت معي البارح بالباث فايندر

شكل الجنط محلي

رشه من الداخل ببخاخ حق الصدى ومن برا مع محل الصواميل

اتفخ الكفر بالماطور واضربه بشاكوش حديد مع تحريكه

وبيجاوب معك :)
الله يجزاك خير ويرحم والديك ذكرتني ببخاخ الصدأ السيارة ماشية أقل من 120000 كيلو وكفراته كفراته بلاده على ما أظن وعليها صورة عقرب أول مرة أشوف كفرات عليها صورة عقرب والكفرات باقي من نسبة صلاحيتها 80% يعني شبه جديدة على كل رايح أجرب البخاخ اليوم وبالنسبة للكفر نفخته وعيا يتعبأ ألف مليون شكر لك

[escape_man]

الله يجزاك خير ويرحم والديك ذكرتني ببخاخ الصدأ السيارة ماشية أقل من 120000 كيلو وكفراته كفراته بلاده على ما أظن وعليها صورة عقرب أول مرة أشوف كفرات عليها صورة عقرب والكفرات باقي من نسبة صلاحيتها 80% يعني شبه جديدة على كل رايح أجرب البخاخ اليوم وبالنسبة للكفر نفخته وعيا يتعبأ ألف مليون شكر لك

الله يطرح فيه الخير والبركة

ان نفع معك ولا علمني اتصل على عضو بمكشات شغلته الرنج ويفك ويربط فيه بنفسه

والعفريتة حقت البنشر 2 طن اسبانية والعدة تحت امرك :D

توني شاريها من يومين كان تبي نجربها

[باثفندر]

صارلي موقف مشابه على جمس كفرات المصنع ولا قد فكت ،، يوم بنشر عجزت أطلعه ، وحاولت بشتى الطرق من ترفيس وسحب وكل من وقفلي حاول يفزع ويعجز ،، ( مع أني حطيت W40 ) وجلست حوالي ساعتين ،، وفرجها الله براعي سطحة كان مار وأشرت له وقلت أمر الله أشيلها وأوديها لبنشر ،، قال لييييييييييييييش وجاب مربوعه كبيرة وجلس تحت الموتر من الجهه الثانية للكفر ، وخذلك دبغ لين طاح ،

جرب هالطريقة لعلها تنفع ،، الله يوفقك

[لن أمل من العطاء]

صارت معانا في كابريس 2002
من شراه صاحبه لا غير كفرات ولا بنشر

يوم من الايام وبعد اربع او خمس سنين بنشر كفر والرجال من زود الحرص متعجب ليه بنشر الكفر ويقولي جديد بعد من وم شريت السيارة

المهم فكينا المسامير ولا طلع

جبنا الشاكوش 10 كيلو وبعد كم ضربة طلع من مكانه وانواع الصدأ

[يكفيني نظرة]

برضه صارت لي بهايلكس 97 نفس القضيه وبشاكوش حق بنشري عطاه على دماغه 4 ضربات وبعدها انفك والسبب الصدأ.

[escape_man]

صارت معانا في كابريس 2002
من شراه صاحبه لا غير كفرات ولا بنشر

يوم من الايام وبعد اربع او خمس سنين بنشر كفر والرجال من زود الحرص متعجب ليه بنشر الكفر ويقولي جديد بعد من وم شريت السيارة

المهم فكينا المسامير ولا طلع

جبنا الشاكوش 10 كيلو وبعد كم ضربة طلع من مكانه وانواع الصدأ

هههههههه

ياحليلك يابوعبدالعزيز ..

خمس سنين وتعجب من البنشر .. الله ياجرنا في مصايبنا .. مايمر سنة الا ويجيني وسواس اغير كفرات الجيب والونيت لو اتدينها ..

حاول قدر الامكان انك تتفخ الكفر قبل الضرب علشان تتجنب مع الحماس خدش الجنط خاصة اذا كان المنيوم

[شبح الغابة]

الله يطرح فيه الخير والبركة

ان نفع معك ولا علمني اتصل على عضو بمكشات شغلته الرنج ويفك ويربط فيه بنفسه

والعفريتة حقت البنشر 2 طن اسبانية والعدة تحت امرك :D

توني شاريها من يومين كان تبي نجربها
أسعد الله مسائكم بكل خير بن غييثات ونعم فيك أكيد أنك من آلاد زايد ونعم فيك وفيهم وماقصرت الله يجعل شيبانك في الجنة .الأخ الكريم باثفندر شكرا على مرورك . الأخ الكريم مشرف خيمة أعطال السيارات وإصلاحها لن أمل من العطاء شكرا على مرورك وللمعلومية تراني عارض الرنج للبيع الموديل 2004 اللون فضي فل ومعه هديتين الهدية الأولى قلم ليزر مسافته 70 كيلو متر الهدية الثانية كشاف حجم مليون شمعه السيارة منذ إشتريتها قبل سنتين لم أمشي عليها يمنك مشيت عليها تقريبا أقل من 1000 كيلو لأنه دائما عندي سيارتين صارلي أكثر من 25 سنة على هذا المنوال دائمين سيارتين ولم أظهر عليه للبر

[رأس الزعامه]

الليزر للبيع ونبي معلومات عنه ومن وين مشتريه

[شبح الغابة]

الليزر للبيع ونبي معلومات عنه ومن وين مشتريه
أسعد الله صباحكم بكل خير بالنسبة للكفر بخيت عليه دواء الصدأ وضربت الجنط من الأسفل ثلاث ضربات خفيفة جدا حتى لايتأثر الجنط وطلع معي الكفر بسهولة أما بالنسبة لليزر فهو ليس للبيع إطلاقا إنما وضعته هدية مع الرنج للمشتري من أعضاء مكشات فقط كذلك الشخص اللي أهداه عليه لم أسأله من أين حصل عليه لكنه قال لي يروح مسافة 70 كيلو وأستخدمه بين منطقتين صحراويتين في نجد وكان هو في منطقة وأخوياه في منطقة تبعد عنه 70 كم ووصلهم الضوء مكتوب على القلم حروف إنجليزية صغيرة لم أستطيع قرائتها رغم معرفتي التي لا بأس بها في اللغة الأنجليزية لابد من إحضار مكبر حتى يمكنني جيدا من القرآة ومعرفة صناعته ومدى بعده وغيرها والسلام

[escape_man]

أسعد الله صباحكم بكل خير بالنسبة للكفر بخيت عليه دواء الصدأ وضربت الجنط من الأسفل ثلاث ضربات خفيفة جدا حتى لايتأثر الجنط وطلع معي الكفر بسهولة أما بالنسبة لليزر فهو ليس للبيع إطلاقا إنما وضعته هدية مع الرنج للمشتري من أعضاء مكشات فقط كذلك الشخص اللي أهداه عليه لم أسأله من أين حصل عليه لكنه قال لي يروح مسافة 70 كيلو وأستخدمه بين منطقتين صحراويتين في نجد وكان هو في منطقة وأخوياه في منطقة تبعد عنه 70 كم ووصلهم الضوء مكتوب على القلم حروف إنجليزية صغيرة لم أستطيع قرائتها رغم معرفتي التي لا بأس بها في اللغة الأنجليزية لابد من إحضار مكبر حتى يمكنني جيدا من القرآة ومعرفة صناعته ومدى بعده وغيرها والسلام

مبروك .. سهل الله امرك .. وكلامك صحيح وحنا حاضرين بالي يقدرنا الله عليه

بالتوفيق يالغالي

[Magellan]

الله يعطيك خيره ويكفيك شره
ومعروف أن الرنج موتر شيوخ وشخصيات ويحبون راعينه يشرهون الناس:good2:
وأنت ماشاء الله عليك من هالنوع :قلم ليزر 70 كلم حته وحده:D

[مكسر الشوك]

ياطويل العمر عليك بالمطرقه رنها بالجنط