ياليت اهل الخبره بالكشتات يتفضلون مشكورين

[الخطيييييييير]

السلام عليكم ورحمة الله وبركااااته


يامرحبا والله بالشنباات ياهلا وغلا


تفضلوا القهوه <<< لايكثر هع


اعطيكم الزبده <<< ايه هذا الكلام السنع

ياليت يالي عندكم خبره


يعني اذا ما عليكم كلافه ... انكم تفيدوني في التالي...:

1- اللي يبغى يروح البر وش ياخذ..( العزبه كامله .. كأني اول مره اروح للبر)
2- التكاليف ( تكاليف العزبه )
3- نصائح
4- افضل عدد شباب تكون فيه الرحله بدون مشاكل او اي شي.
5- هل تنصح بالنوم في البر.
6- وش أتأكد منه قبل انااام.
7- كيف انام وانا مطمئن من الحشرات ..والافاعي ..الخ


هذا واتمنى ان الموضوع يكون للي يحتاجون هالشي مثلي



جزاكم الله خيراً..

[رمش الغزال]

بارك الله فيك

[الخطيييييييير]

وين الشباب وين الردود

[ابوديحم2]

خلك بيتك أحسنلك

[الغريري]

وين الشباب وين الردود

والله رديت عليك ..... لكن يبدو أن ردي ما كان مغري بالحيل فتم طلب حذفه واستغرب ان يتم حذفه لأنه لم يكن فيه خطأ !

[عزوز 2005]

1- محتويات العزبة حسب عدد الأيام ونوعية الطبخ( كبسة - نثرية - شوي - مندي 000)
2- أغراض العزبة اشترها من السنيدي فرع الرياض كل شي فية (الدائري الشرقي بين مخرج 12 ومخرج 13 الجهة الغربية )أو اي محل للرحلات بس السنيدي كل شي فية يريحك
3- افضل عدد يكون 3 فأكثر ولا يتعدون7 أشخاص بس يكونون متفاهمين وراعين سوالف
4- والله النوم بالبر حسب الرغبة
5- قبل النوم تأكد ان السيارة مقفلة والمفتاح تحت فراشك ولا بجيبك واقرأ وردك
6-بالنسبة للحشرات والأفاعي في الشتاء أطمئن مافية شي بس أحتياط أقرأ وردك

[راعي الطلعات]

يعني اذا ما عليكم كلافه ... انكم تفيدوني في التالي...:

1- اللي يبغى يروح البر وش ياخذ..( العزبه كامله .. كأني اول مره اروح للبر)
خذ معك عزبة الطبخ والشاي وحط فيها كل ما يعجبك ونفسك تجربه بالبر واسئل مجرب مسوي حقل تجارب في ربعه ههههههه
2- التكاليف ( تكاليف العزبه )
اذا عدتك في عزبة الطبخ وعزبة الشاي كامله مثل القدرو الصحون السكاكين الملاعق كمل النواقص من التوابل من البيت او اشتر من قطتكم للعزبة النواقص وكذلك عزبة الشاي اهم شي الدلة وبريق التفويح وبريق الشاي والذراية والولاعة والبيالات والفناجيل ينقصك التتبيلات اقصد فيها الشاي والسكر والهيل والبن والزعفران والمسمار والزنجبيل
3- نصائح
اذكر الله دائماً وسم بالله وحافظ على صلواتكم واختر الربع الي قلوبهم صافيه ولا تزعل على زلة ولا يحطمك احد مره في طبخك في تصليحك الشاي والقهوة الحياة تجارب
4- افضل عدد شباب تكون فيه الرحله بدون مشاكل او اي شي.
ما تقدر تقول كم لكن على حسب ربعك الملازمين لك الي يحبون البر مثلك ويحبون مخواتك من 3 اشخاص الى 10 عادي بس اهم شي التعاون والقلوب الصافيه والسواليف الطيبه ومن خواك حياه الله ومن تعذر عذره معه
5- هل تنصح بالنوم في البر.
ولا احلى منه مخك راح يرتاح ما تسمع ولا صوت في البر ولا تقوم الا على صوت الطيور وخاصه ام سالم ويازين صوتها والله خاصه عند صلاة الفجر
6- وش أتأكد منه قبل انااام.
لا تنسى دعاء النزول بمكان جديد والتعوذ بالله وقفل السيارات وخل المفتاح معك وكشاف جنبك ولا تنام ببطن الوادي ولا على الدروب مثل واحد من ربعنا اول مره يطلع معنا ونام على درب سيارات الله يصلحه وااحرص ان تنام بعيد عن جحور العقارب والدواب وبعيد عن الشجيرات الصغيره
7- كيف انام وانا مطمئن من الحشرات ..والافاعي ..الخ
تعوذ بالله منهم واقرا اية الكريس والمعوذات ولا تجعل بقايا طعام حول نومك

ولا تنسى ان طلعات البر ماهيب من مره وحده وخلاص تيأس ومن ناحية العزب في كل طلعه راح تعرف وش ينقصك ولما ترجع راح تكمله ما راح اقولك جب كذا وكذا لا خذ واخترع الي في راسك

وهذا والله اعلم فإن اصبة فا من الله وتوفيقه وإن اخطأت فا من نفسي والشيطان

وأسئل الله لك التوفيق والحفظ في جميع رحلاتك وان شاءالله ان الشباب ما يقصرون معك بالمزيد بالمعلومات المفيده

دمت بحفظ الله ورعايته

اخوك في الله

[راشد الجريبة]

http://www.mekshat.com/vb/images/avatars/24.gif (http://www.mekshat.com/vb/member.php?u=29106)راعي الطلعات (http://www.mekshat.com/vb/member.php?u=29106) http://www.mekshat.com/vb/images/statusicon/user_offline.gif
مكشاتي فضي


ما شاء الله كفت ووفيت

وأحب أضيف :
* الاهتمام بالماء بأخذ ما يكفي والاقتصاد منه قدر المستطاع وخاصة في الصيف
* الاهتمام بالأكل والتدفئة في الشتاء
* الاهتمام بنظافة المكان الذي فيه
* لا تبعد كثيراً في أولى رحلاتك
* اعرف المكان الذي انت فيه وطريقة الخروج منه

:r :f

[ابوصالح بريده]

الخطييييييييييير
كل الاسئله وخطير بعد ههههههههههههه
والله انك ضحكتني الله يعافيك
وبقولك شي
مهما اخذت معك للبر لازم ينقصك شي
وترى حلاتها بالغرابيل(ايش فايده رحله كل شي فيها تمام)

تضيع بالسلامه........... اقصد ترجع بالسلامه

[الخطيييييييير]

خلك بيتك أحسنلك




جزاك الله خير على المرور ....



اشكر الشباب اللي ردو علي


والله ماتقصرووون


وهذا من طيب اصلكم ...


الله ينوور دروبكم وقلووبكم


كل تقديري وحبي



اوعدكم بأني ادعي لكم

[الخطيييييييير]

والله رديت عليك ..... لكن يبدو أن ردي ما كان مغري بالحيل فتم طلب حذفه واستغرب ان يتم حذفه لأنه لم يكن فيه خطأ !



اهم شي انك شرفتني بردك..



يمكن ما انرسل الرد... او فيه خطأ على العموم مصدق

[ابو ملعقة]

انا اقول مثل ما قال اخوي راعي الطلعات وخاصة جوااب رقم واحد هههههههه


الذراية الذراية تراه مهبلتن بي لا تنسااااااه

[البريدي]

تزد بمعلومات عن المنطقه التي تريد ان تكشت فيها واقرب القرى والمدن حولها
حاول قدر المستطاع ان تصل الي الموقع المقصود في قبل غروب الشمس بوقت كافي لكتشاف المكان

[الخطيييييييير]

الخطييييييييييير
كل الاسئله وخطير بعد ههههههههههههه
والله انك ضحكتني الله يعافيك
وبقولك شي
مهما اخذت معك للبر لازم ينقصك شي
وترى حلاتها بالغرابيل(ايش فايده رحله كل شي فيها تمام)

تضيع بالسلامه........... اقصد ترجع بالسلامه



هع



اشكرك على الشطفه

[رمز الوفا]

عذرا صاحب الموضوع لم اجد احد يفيدني في هذه الخيمه السلام عليكم انا ابي اسافر عن طريق البر ورايح باذن الله للحفر وش الاقراض الضروريه وسيارتي هيلكس غمارتين