ياأهل الباث الفزعه

[msafr1]

السلام عليكم ورحمة الله وبركاته

إخواني عندي مشكله بالباث فايندر موديل 2004 وهي ان موية الأديتر تنقص بإستمرار مع اني توني مسيخ الأديتر قريب

وخايف اني انساه وتقوم حرارة :f الموتر

اللي عنده خبره الله لا يهينه يفزع لنا بالخبر وله مني الف تحيه

[اسدهم]

1شيك ع الموية ممكن يكون نقص الما ء اوعندك الثلاجة

[عزوز 2005]

بما إنك سيخت الرديتروخلصت
هل أخرجت الهواء الداخلي للمكينة قد يكون هذا السبب ؟
وإليك هذا الرابط طريقة إخراج الهواء بالتفصيل وأتمنى أني أكون ساعدتك
http://www.mekshat.com/vb/showthread.php?t=244573

[msafr1]

السلام عليكم ورحمة الله وبركاته

جزاكم الله خير وما قصرتم وعساكم لل :r

[بن محفوظ]

انت فرغ القربة من الموية ..

بعدين امسك لك خط واسرع شوي على الموتر

وقف وناظر القربة اذا هي مليانه موية معناه ان الرديتر مع السرعه يفرغ موية في القربة

وكل ما صار المشوار طويل كل ما فرغ الرديتر الماء في القربة والقربة تفرغ برى ..

ثم بترتفع عليك الحرارة ..


الحل المؤقت الى ان تلقى لك ورشة يعلمونك وش الخلل


هو ان تسوي تدبيل لجلدة غطاء الرديتر ..وبتحصل الجلدة عند محلات التسييخ ..(( يفكهها من غطاء قديم ))



انا الان امر في نفس المرحلة (( مدبل غطاء الرديتر ))

وذكر الاخوان هنا ان الاخ ابو فهد صاحب ورشة في حي الشفاء بالرياض ان الحل عنده ؟؟

وانا بعيد عن الرياض الان اذا رجعت بمر عليه واعلمك ان شاء الله ..


بالتوفيق

[سوبر VTC]

و عليكم السلام و رحمة الله

رد لموضوع سابق
اخبر مع احد الربع سلقة باترول م91
ركب غطاء اصلي عليه استكر برتقالي اذا وصل سرعه 120
توصل الحرارة فوق الخطين :no:
رجع لنفس الوكيل و ركب غطاء اصلي بدون استكر
و نامت الحرارة :good::good:

نقطة اخرى
نقص الماء يكون طبات السلندر (الرقع)
خصوصا الرقعه اللي بين المكينه و القير
قد تكون مخرثة مصديه و ضعيفة و تهرب ماء
ايضا
اذا احتمى الموتر
فك غطاء الزيت اذا لاحظت عليه بخار ابيض تقل حليب
فهذا ضعف بوجه الراس ما يحجب الماء
او ان الراس منشعر

***

ايضا
(((مهم)))

عندك الثلاحة حقت المكيف قدام الراكب
سواء بالباترول او الباثفندر تنشق ماصورة الثلاجه و تهرب
تفك و تلحم
ارفع الفرشة الارضية حقت الراكب و تاكد هل يوجد اثر ماء ام لا

ان بغيت ورش متخصصة تفحص موترك
بالرياض او بريده علمن

[هواوي تعديل]

هلا أخوي شيك على الخرطيش وبالذات الخرطوش الي تحت يمكن ماربطت بأحكام
أوطرنبة الموية تهرب وتحتاج لتبديل
أوغطاء طبة الأديتر الفوق أوالتحت يمكن منفك كبسها
والغالب كما ذكر الأخوان غطاء الأديتر :فك الي الموصول من جهة القربه وأنفخ بأثمك أذا أستطعت النفخ للأديتر فالعطل من الغطاء
وإذا لم تستطع النفخ فالغطاء محكم ولايحتاج لتغيير
وتقبل مروري